ކީ ސްޓޭޖް 3 ނިންމާ ދަރިވަރުންނަށް ކުރިއަށް ގެންދާ ނެޝަނަލް އެސެސްމަންޓް އޮފް ލަރނިން އައުޓްކަމްސް (ނާލޯ)ގެ ދިވެހި މާއްދާގެ ޖަވާބު ކަރުދާސްތައް މާކުކުރުމުގެ މަސައްކަތްކޮށްދޭނެ ފަރާތްތަކެއް ބޭނުންވެއެވެ. ވީމާ، މި ކަމަށް ޝައުގުވެރިވާ ފަރާތްތަކުން އެޕްލިކޭޝަން ހުށަހެޅުމަށް ޢާންމުކޮށް އިޢުލާންކުރީމެވެ.

މާކަރުންގެ ޝަރުޠު:

1. 2025 ވަނަ އަހަރު ސަރުކާރު ސްކޫލެއްގެ ގްރޭޑް 9ގައި ތަޢުލީމު ޙާސިލުކުރަމުންދާ ދަރިއަކު ނެތުން.
2. މާއްދާއާ ގުޅޭ ދާއިރާއަކުން ދަށްވެގެން ޑިޕްލޮމާއެއް އޮތުމާއެކު:

• ކީ ސްޓޭޖް 3ގެ ދިވެހި ސިލަބަހަށް ސްކޫލެއްގައި ކިޔަވައިދޭ ފަރާތަކަށްވުން، ނުވަތަ
• ދިވެހި މާއްދާގެ ސިލަބަހުގެ މަސައްކަތުގައި މިހާރު ވެސް ޢަމަލީގޮތުން މަސައްކަތްކުރާ ފަރާތަކަށްވުން، ނުވަތަ
• ދިވެހި މާއްދާގެ މުދައްރިސުން ތަމްރީނުކުރުމުގެ މަސައްކަތްކުރާ ފަރާތަކަށްވުން، ނުވަތަ
• ރަސްމީ މަސައްކަތެއްގެ ގޮތުގައި މިނިސްޓްރީ އޮފް އެޑިޔުކޭޝަނުގައި ފަންނީ ލަފާދިނުމުގެ މަސައްކަތްކުރާ ފަރާތަކަށްވުން

މާކުކުރުމަށް އެދޭ ފަރާތްތަކަށް މާކުސް ލިބޭނެ ގޮތް

މަސްއޫލިއްޔަތު:     

1-      ކޮލިޓީ އެޝުއަރަންސް ޑިޕާޓްމަންޓުގެ ފަންނީ މުވައްޒަފުންގެ ލަފަޔާއި އިރުޝާދުގެ ދަށުން، ތެދުވެރިކަމާ، އިންސާފުވެރިކަމާއެކު މާކުކުރުމުގެ އެންމެހައި މަސައްކަތްތައްކުރުން.

2-      ނާލޯގައި ބައިވެރިވި ދަރިވަރުންނާއި މާކުކުރުމުގައި ޝާމިލްވާ އެންމެހައި ފަރާތްތަކުގެ ޙައްޤުތައް ހިމާޔަތްކޮށްދިނުން.

3-      މާކުކުރުމުގެ މަސައްކަތް ފެށުމުގެ ކުރިން އެއްބަސްވުމުގައި ސޮއިކުރުން.

4-      ޙަވާލުކުރާ ޖަވާބު ކަރުދާސްތައް މާކުކުރުން.

5-      މާކިންއަށް ޙާޟިރުވާ ކޮންމެ ދުވަހެއްގެ ކޮންމެ ދަންފަޅިއެއްގައި ޙާޟިރީގައި ސޮއިކޮށް، ޙާޟިރުވި ގަޑި ނޯޓުކުރުން.

6-      މާކުކުރަން ޙަވާލުކުރާ ޖަވާބު ކަރުދާސް ޕެކެޓުގެ ބޭރުގައި، ޖަހާފައިވާ ޢަދަދަށް ޖަވާބު ކަރުދާސް ހުރިކަން ކަށަވަރުކުރުން.

7-      މާކުކުރަން ޙަވާލުކުރާ ޖަވާބު ކަރުދާސްތަކުގެ ތެރޭގައި އެ ވަގުތަކު މާކުކުރާ ކަރުދާސް ނޫން ޖަވާބު ކަރުދާހެއް އޮވެއްޖެނަމަ، މާކުކުރުވުމުގެ މަސައްކަތާ އިސްވެ ހަވާލުވެ ހުރި ފަރާތުގެ ސަމާލުކަމަށް ގެނައުން.

8-      ހަވާލުކުރާ ޖަވާބު ކަރުދާސްތައް ނިންމަން ކަނޑައަޅާ މުއްދަތަށް ނިންމައި މާކުސް ދީފައިވާކަން ކަށަވަރުކުރުން.