ޢާންމުއިޢުލާނު

މާލެއާއި ވިލިނގިލީގެ ފަޅުގެ ގަވާއިދާ ޚިލާފަށް މާލޭގެ ފަޅުގެ މަސްމާރުކޭޓް ހުޅަނގު ފަރާތުގައި ދަތުރުނުކޮށް ގަވާއިދާ ޚިލާފަށް މަސްވެރިންގެ ސަރަޙައްދުގައި އަޅާފައިވާ އުޅަނދުތައް އެސަރަޙައްދުން 15 އޮކްޓޫބަރު 2015 ދުވަހުގެ ނިޔަލަށް ނެންގެވުން އެދެމެވެ.

އަދި ދަންނަވަމެވެ. މިދެންނެވި މުއްދަތުގެ ތެރޭގައި އުޅަނދުތައް ނުނަންގަވައިފިނަމަ، މޯލްޑިވްސް ޕޮލިސް ސަރވިސްއާއި މިމިނިސްޓްރީ ގުޅިގެން އެއުޅަނދުތައް އެސަރަޙައްދުން ނަގައިގެން އެފަދަ އުޅަނދުފަހަރު ބޭއްވުމަށް މި މިނިސްޓްރީން ކަނޑައަޅާ ތަނަކަށް ގެންދެވޭނެއެވެ. އަދި އެ އުޅަނދު ނެގުމުގެ ތެރޭގައާއި، ނެގުމަށްފަހު އުޅަނދަށާއި އުޅަނދުގެ ތަކެއްޗަށް ލިބޭއެއްވެސް ގެއްލުމަކަށް މިމިނިސްޓްރީން ޒިންމާނުވާނެ ކަމުގައިވެސް ދަންނަވަމެވެ. އަދި އުޅަނދު ނެގުމަށްފަހު އަނބުރާ ދޫކުރެވޭނީ އުޅަނދު ނެގުމަށް މި މިނިސްޓްރީން ކުރި ޚަރަދު، އުޅަނދުގެ ވެރިފަރާތުން މި މިނިސްޓްރީއަށް ދެއްކުމުން ކަމުގައިވެސް ދަންނަވަމެވެ.

ވުމާއެކު، މިދެންނެވި އުޅަނދުތައް، 15 އޮކްޓޫބަރު 2015 ދުވަހުގެ ނިޔަލަށް އެސަރަޙައްދުން ނެގުމަށް އަންގައި އާންމުކޮށް އިޢުލާނުކުރީމެވެ.

 15 ޛުލްޙިއްޖާ 1436