އިޢްލާން 

އިމިގްރޭޝަން ބ.އަތޮޅު ރީޖަނަލް އޮފީހަށް ބޭނުންވާ ކައުންޓަރުތައް ޖަހައިދިނުމާއި ބެހޭ

މޯލްޑިވްސް އިމިގްރޭޝަންގެ ރީޖަނަލް އޮފީސް ބ.އަތޮޅުގައި ހުޅުވުމުގެ މަސައްކަތް ކުރެވެމުންދާތީ މިއޮފީހަށް ބޭންވާ ކައުންޓަރުތައް ޖަހައިދިނުމަށް އެދި މިއިދާރާގެ ފަރާތުން ކޮށްފައިވާ އިއުލާން ނަންބަރު: (IUL)230-AHI/230/2025/34 (14 މެއި 2025) އާއި ގުޅިގެން އެއްވެސް ފަރާތަކުން ކޯޓޭޝަން ހުށަހަޅާފައިނުވާތީ މިމަސައްކަތް ކޮށްދިނުމަށް ޝައުޤުވެރިވާ ފަރާތްތަކަށް ކޯޓޭޝަން ހުށަހެޅުމުގެ ފުރުޞަތު އަލުން ހުޅުވާލަމެވެ.

                        ވީމާ، މިއިދާރާގެ ފަރާތުން ފޯރުކޮށްދޭ ކުރެހުމާއި އެއްގޮތަށް، މިމަސައްކަތްތައް ކޮށްދިނުމަށް ޝައުޤުވެރިވެލައްވާ ފަރާތްތަކުން 12 ޖޫން 2025 ވާ ބުރާސްފަތި ދުވަހުގެ 14:00ގެ ކުރިން  [email protected] އަށް އީމެއިލް ކުރައްވައިގެން ނުވަތަ މިއިދާރާއަށް ވަޑައިގެން މައުލޫމާތު ސާފުކުރެއްވުމަށްފަހު  16 ޖޫން 2025 ވާ ހޯމް ދުވަހުގެ 11.00 ގައި މިއިދާރާއަށް ކޯޓޭޝަން  ހުށަހެޅުއްވައި ދެއްވުމަށް ޢާއްމުކޮށް އަންގާ އިޢްލާން ކުރީމެވެ.

                        14 ޛުލްޙިއްޖާ  1446