ދަ ހޯކްސް ޕްރައިވެޓް ލިމިޓެޑްގެ ޚަރަދުގައި 1447 ވަނަ އަހަރު ހުޅުދުއްފާރުގެ ރައްޔިތުންގެ ތެރެއިން 7 މީހަކު ޢުމްރާއަށް ގެންދިއުމަށްވަނީ ހަމަޖެހިފައެވެ. ޢުމްރާއަށް މީހުން ގެންދިއުމަށް ހަމަޖެހިފައިވަނީ ދެ ބުރަކަށް ބަހާލައިގެންނެވެ. ފުރަތަމަ ބުރުގައި ފުރުޞަތު ދިނުމަށް ހަމަޖެހިފައިވަނީ 3 މީހުންނަށެވެ. އަދި ދެވަނަ ބުރުގައި 4 މީހުންނަށެވެ. ފުރަތަމަ ބުރުގައި ފުރުޞަތު ދެވޭނީ އެންމެ ފުރަތަމަ ގުރުއަތުން ހޮވޭ 3 މީހުންނަށެވެ. މިފުރުޞަތު ދެވިގެންދާނީ ތިރީގައި މިދަންނަވާ ޝަރުޠުތައް ފުރިހަމަވާ ފަރާތްތަކަށެވެ.

1. އުމުރުން 30 އަހަރުވެފައިވުން.
2. ހުޅުދުއްފާރުގެ ރަށްވެއްސަކަށްވުން.
3. މީގެ ކުރިން ފަރުޟު ޙައްޖެއް ނުވަތަ ޢުމްރާއެއް އަދާކޮށްފައިވާ މީހަކަށް ނުވުން.

7 މީހުންނަށްވުރެ އިތުރަށް ޝަރުޠު ހަމަވާ މީހުން ކުރިމަތިލާފައިވާނަމަ ފުރުޞަތު ދެވޭ މީހުން ހޮވާނީ ގުރުއަތުންނެވެ.

ވީމާ، މިކަމަށް ޝަޢުޤުވެރިވެލައްވާ ފަރާތްތަކުން 2025 މެއި 29 ވާ ބުރާސްފަތި ދުވަހުގެ 13:00ގެ ކުރިން މިއިދާރާއަށް ފޯމު ހުށައެޅުއްވުން އެދެމެވެ.