މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސްގެ ނަންބަރު 30CD2lCIR/2025/6 09 އެޕްރީލް 2025ގެ ސާކިއުލަރއިން އެ މިނިސްޓްރީގެ ޤަވާއިދު ނަންބަރު 2025/R-3  ( ހުއިފިލަނޑާ މަސްވެރިކަން ރާވައި ، ހިންގައި ، ބެލެހެއްޓުމާއިބެހޭ ގަވާއިދު އަދި 2025/R-4  ( ފަރުމަހުގެ މަސްވެރިކަން ރާވައި ، ހިންގައި ބެލެހެއްޓުމުގެ ގަވާއިދު ) ގެ ދަށުން މި ދެ ގަވާއިދަށް އަމަލުކުރަން ފަށާތާ 03 (ތިނެއް) މަސްދުވަސް ހަމަވާ ތާރީޚުން ފެށިގެން އަންނަނިވި ފަރާތްތަކުން ލައިސަންސް ނަގަންޖެހޭ ކަމުގައި ވަނީ ކަނޑައަޅާފައެވެ.

(1)   ވިޔަފާރީގެ ބޭނުމަށް ހުއިފިލަނޑާ މަސްވެރިކަންކުރާ އުޅަނދުފަހަރު؛

(2)   ވިޔަފާރީގެ ބޭނުމަށް ހުއިފިލަނޑާ ޕްރޮސެސްކުރުމުގައި ހަރަކާތްތެރިވާ އެންމެހާ ފަރާތްތަކާއި ތަންތަން؛

(3)   ވިޔަފާރީގެ ބޭނުމަށް ފަރުމަހުގެ މަސްވެރިކަންކުރާ އުޅަނދުފަހަރު؛

(4)   ވިޔަފާރީގެ ބޭނުމަށް ނުވަތަ އެކްސްޕޯރޓްކުރުމަށް  ފަރުމަސް ޕްރޮސެސްކުރުމުގައްޔާއި ތައްޔާރުކުރުމުގައި ހަރަކާތްތެރިވާ އެންމެހައި ފަރާތްތަކާއި އުޅަނދުފަހަރާއި ތަންތަން؛

(5)   އެކްސްޕޯޓުކުރާ ފަރާތްތަކަށާއި ރިސޯޓުތަކަށް މެދުވެރިއެއްގެ ގޮތުން ފަރުމަހުގެ ބާވަތްތައް ވިއްކާ ފަރާތްތައް ނުވަތަ ކުންފުނިތައް ނުވަތަ ކަލެކްޓަރ އުޅަނދުތައް.

އެ ސާކިއުލަރ ގައި ބަޔާންކޮށްފައިވާ ލައިސަންސްތަކުގެ ފީ ތިރީގައި އެވަނީއެވެ.  

     ވީމާ ، އިސްވެދެންނެވުނު ފަރާތްތަކުން 13 އެޕްރީލް 2025 އިން ފެށިގެން ފިޝަރީޒް މިނިސްޓްރީގެ ފިޝަރީޒް އިންފޮމޭޝަން ސިސްޓަމް  (https://keyolhu.mv)މެދުވެރިކޮށް ލައިސަންސް ނަންގަވަންޖެހޭނެކަމުގައި އަންގަވާފައިވާތީ ، މިކަން އާއްމުކޮށް އެންގުމަށްޓަކައި އިއުލާން ކުރީމެވެ.