ނަންނޯޓު ކުރުން / ރަޖިސްޓްރޭޝަން:

• މިމަސައްކަތްކުރުމަށް ޝައުޤުވެރިވެލައްވާ ފަރާތްތަކުން، 2025 ޖަނަވަރީ 28 ވާ އަންގާރަ ދުވަހުގެ 13:00ގެ ކުރިން ރަޖިސްޓްރީކުރެއްވުން އެދެމެވެ. ބިޑް ހުށަހަޅަން ރަޖިސްޓްރީކުރައްވާނީ މިކައުންސިލް އިދާރާއަށް ދުރުވެ، ރަޖިސްޓްރޭޝަން ޝީޓް ފުރިހަމަކުރައްވައިގެން ނުވަތަ ބިޑް ރަޖިސްޓްރޭޝަން ޝީޓް ފުރިހަމަކުރެއްވުމަށްފަހު މިއިދާރާގެ އީމެއިލް އެޑްރެސް:([email protected]) އަށް އީމެއިލް ކުރައްވައިގެންނެވެ.

މައުލޫމާތު:

• ޕާރޓްޝަނުގައި ލާ ކުލަފިޔަވައި މަސައްކަތަށް ބޭނުންވާ އެހެންހުރިހާ ތަކެއްޗެއްވެސް ހޯދާނީ މަސައްކަތާ ޙަވާލުވާފަރާތުންނެވެ. ޕާރޓިޝަނުގައި ލާ ކުލަ ،މަސައްކަތްކުރަން ބޭނުންވާ ކަރަންޓް އަދި ފެން މިއިދާރާއިން ފޯރުކޮށްދެވޭނެއެވެ.
• ޕާރޓްޝަންތަކުގެ މިންތަކާއި ދޮރުގެ މިންތައް މި އިޢުލާނާއެކުގައިވާ ކުރެހުން 1 އަދި  ކުރެހުން 2 ގައި ވާނެއެވެ. ޕާރޓްޝަންގެ ބޯމިނަކީ ދޮރު ކަނީގެ ފުޅާމިނެވެ.
• ޕާރޓްޝަނުގެ ފްރޭމް ހަދަން ލަކުޑި ނުވަތަ އެލުމެނިއަމް ބޭނުންކުރެވިދާނެއެވެ. ނަމަވެސް ފްރޭމް ހަދަން ދަގަނޑު ބޭނުންކޮށްގެން ނުވާނެ އެވެ.
• ޕާރޓުޝަނުގެ އެތެރެ ފަރާތާއި ބޭރު ފަރާތުގައި ޖަހަން ވާނީ އޭގައި ކުލަ ހިފާކަހަލަ 9mmގެ ސިމެންތިބޯޑު ނުވަތަ ޝެރާބޯޑު ފަދަ އެއްޗެކެވެ. މިކަމަށް ޕީ.ވި.ސީ ، ޖިބްޝަން ބޯޑު ނުވަތަ ފްލައިވޫޑް ފަދަ ތަކެތި ބޭނުންކޮއްގެންނުވާނެއެވެ.
• ޕާރޓްޝަނުގައި ފިލާ ޖަހާއިރު ހުންނަ ފައްތަރުތަކުގައި ޖޮއިންޓް ޓޭޕް އަޅައި ޕުޓީ ޖަހަންވާނެއެވެ. އަދި ފިލާ ހަރުކުރަންޖާހާ އިސްކުރުތަކުގެ ބޯތައް ފޮރުވޭގޮތަށް ޕުޓީ ޖަހަންވާނެއެވެ. ޕާޓްޝަނުގައި ކުލަލާންވާނީ ނިޕޯން ނުވަތަ އެފެންވަރުގެ ވޯލްސީލެއް ލުމަށްފަހުގައެވެ. ޕާރޓްޝަނުގައި ލާ ކުލަ މިއިދާރާއިން ފޯރުކޮށްދެވޭނެއެވެ.
• ޕާރޓްޝަނު ގައި ހަރުކުރާ ދޮރާއި ދޮރުފަތް ޖަހަންވާނީ އެލުމެނިއަމުންނެވެ.
• ދޮރުގެ މަތީގައި ވާ ފެންލައިޓް (ތިނެސް ކަނަށްވާ 2 ބަޔަށް) 5mm އަށްވުރެ ތުނިނޫން ކަޅުކުލައިގެ ބިއްލޫރިލާންވާނެއެވެ.

• ދޮރާއި ދޮރުފަތް ޖަހަންވާނީ ހުދުކުލައިގެ އެލުމެނިއަމުންނެވެ. އަދި ދޮރުފަތަށް ލައްވާ ޕެނަލްތައްވެސް ވާންވާނީ ހުދުކުލައިގެ އެލުމެނިއަމް ކުލެޑިން ޝީޓަށެވެ.
• ދޮރުފަތް ހަރުކުރަންވާނީ ފެންވަރު ރަނގަޅު ސްޓޭންލެސް ސްޓީލް ހުޅުލައިގެންނެވެ. ކޮންމެ ދޮރުފަތެއްގައި 4 ހުޅު ހަރުކުރަންވާނެއެވެ. އަދި ކޮންމެ ދޮރެއް ގައި ހުދުކުލައި ގެ އަތްގަނޑު ތަޅެއް އަދި ޑޮކްލޯޒަރެއް ވެސް ހަރުކުރަންވާނެއެވެ.
• ބިޑާއެކު ހުށަހަޅަންޖެހޭ ލިއުންތަކުގެ ލިސްޓެއް މިއިޢުލާނާ އެކުގައިވާނެއެވެ.

އަގު ހުށަހެޅުން:

• އަންދާސީ ހިސާބު ހުށަހެޅުން އޮންނާނީ 2025 ފެބުރުވަރީ 02 ވާ އާދީއްތަ ދުވަހު 11:00ގައި މ.ރަތްމަންދޫ ކައުންސިލްގެ އިދާރާގެ ޖަލްސާކުރާ މާލަމުގައެވެ.
• އަންދާސީ ހިސާބު ހުށަހަޅުއްވަންވާނީ އަގުހުށަހަޅާ ޝީޓު ފުރިހަމަކޮށް  ބަންދުކުރެވިފައިވާ ސިޓީ އުރައެއްގައެވެ.

• ބީލަމުގައި  ބައިވެރިވުމަށް ރަޖިސްޓްރީ ނުކުރާ ފަރާތްތަކާއި، ގަޑިޖެހުމަށްފަހު ހުށަހަޅާ ބީލަންތައް ބަލައިނުގަނެވޭނެ ކަމުގައި ދަންނަވަމެވެ.
• ބީލަން ހުށަހެޅުމަށް ބަދަލުގައި އެހެންފަރާތަކުން ފޮނުވިދާނެއެވެ. ނަމަވެސް ބީލަންތައް ހުޅުވޭނީ ބީލަން ކެނޑުމަށް ހުށަހަޅާފައިވާ ގަޑީގައި ބީލަންވެރިން ނުވަތަ ބީލަންވެރިންގެ ބަދަލުގައި ޕަވާއޮފް އެޓަރނީ ދެވިފައިވާ ފަރާތްތަކުގެ ހާޟިރުގައި އެކަންޏެވެ.

ބިޑްހުށަހެޅުމުގެ ޝަރުތު

• މިނިސްޓްރީ އޮފް އިކޮނަމިކް ޑެވެލޮޕްމަންޓްގައި ވިޔަފާރިކުރުމަށް ރަޖިސްޓްރީ ކޮށްފައިވާ ފަރާތްތައް

މަސައްކަތް ހަވާލުކުރުމުގައި ޕޮއިންޓް ދޭނެ އުސޫލު:

• މަސައްކަތައް ހުށަހަޅާ އަގު:   % 65

އެންމެ ކުޑަ އަގު ހުށަހަޅާފަރާތަކަށް އެންމެ މަތީ މާކުސް ދެވޭނެއެވެ.

• މަސައްކަތައް ކުރުމަށް ހުށަހަޅާ މުއްދަތު: % 25

އެންމެ ކުރު މުއްދަތެއް ހުށަހަޅާފަރާތަކަށް އެންމެ މަތީ މާކުސް ދެވޭނެއެވެ.

• މަސައްކަތާއި ގުޅޭ ތަޖްރިބާ:   % 5

ތަޖުރިބާއަށް މާކުހްދެވޭނީ ކޮއް ފައިވާ މަސައްކަތާ ގުޅުންހުރި މަސައްކަތްތަކުގެތެރެއިން މަސައްކަތުގެ އަގު -/500000ރ އިންފެށިގެން މަތީގެ މަސައްކަތްތަކަށް 5 މާކުސް -/100000ރ އާއި 499999.99ރ ދެމެދުގެ މަސައްކަތްތަކަށް 2.5 މާކުސް 99999.99ރ އިންދަށުގެ މަސައްކަތްތަކަށް 1 މާކުސްއެވެ. މިގޮތުން އެންމެ ގިނަވެގެން މިބަޔަށް ދެވޭނީ 5 މާކުސްއެވެ.

•  28 ފެބްރުއަރީ 2025 ގެކުރިން މަސައްކަތްނިންމާން ހުށަހަޅާ ފަރާތްތަކަށް 5%

އިތުރު މައުލޫމާތު:

މިކަމާއި ގުޅޭގޮތުން އިތުރު މައުލޫމާތު ހޯދެއްވުމަށް ބޭފުންފުޅުވެލައްވާ ފަރާތްތަކުން މި އިދާރާގެ ނަންބަރު 6720602 އަށް ގުޅުއްވުމަށް ނުވަތަ [email protected] އަށް އީ-މެއިލް ކުރެއްވުން އެދެމެވެ.