ތަޢާރަފް

މިއީ ރަތްމަންދޫ ފުޓްސަލްދަނޑު ބޭނުންކުރާ ފަރާތްތައް ފުޓްސަލްދަނޑު ބޭނުންކުރުމުގައި ޢަމަލުކުރަންޖެހޭ އުސޫލެވެ.

ޢާއްމު މާއްދާތައް

1. 1.    ފުޓްސަލްދަނޑު ހުޅުވާފައި ހުންނަ ވަގުތުތައް

1.1           ފުޓްސަލް ދަނޑު ހުޅުވާފައި ހުންނާނީ ކޮންމެ ދުވަހަކުވެސް ހެނދުނު 06:00 އިން 09:00 އަށް އަދި ހަވީރު 16:00 އިން ރޭގަނޑު 00:00 އަށެވެ.  ރޭގަނޑު އެންމެ ފަހުން ކުޅޭ ފަރާތުން ކުޅެ ނިމުމުން ދަނޑުގެ ލައިޓްތައް ނިއްވައިލާން ވާނެއެވެ.

1.2           މި ގަޑިތައް ނޫން އެހެން ގަޑިތަކުގައި އެއްވެސް ހަރަކާތަކަށް ދަނޑު ބޭނުންވާނަމަ، ކައުންސިލް އިދާރާގެ ހުއްދަ ހޯދުމުން ދަނޑު ބޭނުންކުރެވޭނެ އިންތިޒާމް ހަމަ ޖައްސައިދެވޭނެއެވެ.

1. 2.    ތަކެއްޗަށް ރައްކާތެރިވުން

2.1  ދަނޑު ބޭނުން ކުރުމުގައި ހުރިހާ ފަރާތްތަކަކުން ވެސް ދަނޑުގައި ބެހެއްޓިފައިވާ ތަކެއްޗަށާއި ޕިޗަށް ގެއްލުން ނުވާނޭ ގޮތަކަށް ޢަމަލުތައް ބެހެއްޓުމަށް   ސަމާލުކަންދޭންވާނެއެވެ.

1. 3.    ފުޓުސަލް ދަނޑު ބޭނުންކުރުމުގައި އުފެދޭ ކުނި ނެގުން                      

3.1  ފުޓްސަލް ދަނޑު ބޭނުންކޮށް ނިމުމުން، އެހަރަކާތަކާއި ގުޅިގެން އުފެދިފައިވާ ކުނި ނަގައި،      ކުނި އަޅަން ދަނޑުގައި ބަހައްޓާފައިވާ ޑަސްބިނަށް އަޅަންވާނެއެވެ.

3.2            ކުނިވާ ޒާތުގެ އެއްވެސް އެއްޗެއް ޑަސްބިނަށް އަޅައިގެން ނުވާނެއެވެ.

3.3           އިވެންޓްތަކާއި ގުޅިގެން ދަނޑުތެރޭގައި އުފެދޭ ކުންޏާއި ޑަސްބިނަށް ނޭޅޭ ޒާތުގެ ކުނި، ރަށުގައި ކުނި އެޅުމަށް ޚާއްޞަ ކުރެވިފައިވާ ތަންތަނަށް ގެންދިއުމަކީ އިވެންޓް އިންތިޒާމްކުރާ ފަރާތުގެ ޒިންމާއެކެވެ.

1. 4.    ހެދުންއެޅުން

4.1           ފުޓްސަލް ދަނޑުގައި ކުޅޭ ހުރިހައި ކުޅުންތެރިންވެސް ކުޅެންވާނީ އެކަށީގެންވާ ބޫޓަކަށް އަރައިގެންނެވެ. ހުސްފައިގައި އަދި ހުސް އިސްޓާކީނުގައި ފުޓްސަލް ދަނޑުގައި ކުޅުމަކީ މަނާ ކަމެކެވެ.

4.2           ފުޓްސަލް ދަނޑުގައި ކުޅޭ ބޫޓަށް އަރަންވާނީ، ދަނޑަށް ވަނުމަށްފަހުގައެވެ.

4.3           ފުޓްސަލް ދަނޑުގައި ޓީޝާޓް ނުލައި ނުވަތަ ހުސްގަޔާ ކުޅުމަކީ މަނާ ކަމެކެވެ.

1. 5.    ދުންފަތުގެ އިސްތިއުމާލުކުރުން މަނާކުރުން

5.1           ދަނޑު ތެރޭގައި އެއްވެސް ބާވަތެއްގެ ދުންފަތުގެ އިސްތިޢުމާލެއް ކުރުމަކީ މަނާ ކަމެކެވެ.

1. 6.    ފީނެގުން

6.1 ފަރިތަކުރުންތަކަށް ދަނޑު  ބޭނުންކުރާ، ރަށަށް ނިސްބަތްވާ އެއްވެސް ފަރާތެއްގެ އަތުން އެއްވެސް ފީއެއް ނުނެގޭނެއެވެ.

6.2 ރަށުން ބޭރުން އެއްވެސް ޓީމެއް ދަނޑު ބޭނުންކުރާ ނަމަ، ދަނޑު ހޯދުމަށް އެދޭ ފަރާތުގެ އަތުން ގަޑިއިރަކަށް -/50 ( ފަންސާސް ރުފިޔާގެ ) މަގުން ފީއެއް ނެގޭނެއެވެ. އަދި ރަށު ޓީމަކާއި ރަށުންބޭރު ޓީމެއް ކުޅޭ މެޗެއްނަމަވެސް މަތީގައިބަޔާން ކުރެވިފައިވާގޮތަށް ފީނެގޭނެއެވެ. ފުރިހަމަ  ގަޑީއިރަކަށްވުރެ އިތުރަށް ހިގާވަގުތަށް އިތުރު ގަޑިއެއްގެ އިރު ފުރިހަމަ ނުވިނަމަވެސް އެވަގުތަށް 1 ގަޑީއިރަށް ކަނޑައެޅިފައިވާ ރޭޓުން ފީނެގޭނެއެވެ.

6.3 އަމިއްލަ ފަރާތަކުން ނުވަތަ ކްލަބް ޖަމްއިއްޔާއަކުން ދަނޑުގައި މުބާރާތެއް ނުވަތަ އިވެންޓެއް ބާއްވާނަމަ، ދުވާލަކަށް -/250 ( ދުއިސައްތަ ފަންސާސް ރުފިޔާ ) ގެ ފީ އެއް ނަގާގޮތަށް ދަނޑު ދޫކުރެވޭނެއެވެ.

6.4 ރަށުގައި ޤާއިމްކުރެވިފައިވާ މުއައްސަސާއަކުން ދަނޑުގައި ހަރަކާތެއް ބާއްވާނަމަ ނުވަތަ މެޗެއް ކުޅޭނަމަ އެ ހަރަކާތަކަށް ނުވަތަ އެ މެޗަކަށް ފީއެއްނުނެގޭނެއެވެ. 

7. ދަނޑުބޭނުންކުރުމުގައި ހުއްދަ ހޯދުން

7.1           ރަށުން ބޭރު އެއްވެސް ޓީމެއް ފުޓްސަލް ދަނޑު ބޭނުން ކުރަންވާނީ ކައުންސިލްގެ ހުއްދަ ހޯދައިގެންނެވެ.