ފާދިއްޕޮޅު އަތޮޅު ކައުންސިލްގެ 2018 ވަނަ އަހަރުގެ މަސައްކަތު ތާވަލްގައި ހިމެނޭ ޙަރަކާތްތަކުގެ ތެރެއިން 21 އަހަރުން ދަށުގެ އަތޮޅު ފުޓްބޯޅަ މުބާރާތް ހިންގުމަށް ވަނީ ހަމަޖެހިފައެވެ.

މިމުބާރާތުގައި ވާދަކުރުމުގެ ފުރުޞަތު ދެވޭނީ ޅ. އަތޮޅަށް ނިސްބަތްވާ ކްލަބް ޖަމްޢިއްޔާ ޖަމާޢަތްތަކާއި، ޅ. އަތޮޅު ރަށްރަށުގެ ރަށުކައުންސިލް ތަކަށެވެ. 

1. ޕްރޮޕޯސަލްގައި ހިމަނަންޖެހޭ ބައިތައް:

a)  ހުށަހަޅާ ފަރާތުގެ ޕްރޮފައިލް

b)  މުބާރާތް ހިންގުމުގެ ޤާބިލްކަން: ( ވޭތުވެ ދިޔަ 05 އަހަރު ހިންގާފައިވާ ކުޅިވަރު ޙަރަކާތްތަކުގެ ޚުލާޞާ، ސަޕޯރޓިންގ ޑޮކިޔުމެންޓްސްއާ، ޓެކްނިކަލް އެކްޕަރޓީސްގެ އެފިލިއޭޝަން ސާބިތުކޮށްދޭ ލިޔުންތަކާއެކު )

c)  މުބާރާތް ބޭއްވުމަށް ކަނޑައަޅާ ތާރީޚް ( މިތާރީޚް ވާންވާނީ 2018 ގެ ތާރީޚަކަށެވެ. )

d)  މުބާރާތް ހިންގައި ދިނުމަށް ހުށަހަޅާ އަގު ( ބަޖެޓް ތަފްޞީލް އެޓޭޗްކުރަންވާނެއެވެ. )

e)  މުބާރާތް ހިންގުމަށް ފޯރުކޮށްދޭނެ ވަޞީލަތްތައް

f)  މުބާރާތް ހިންގުމަށް ކައުންސިލްއިން ހަމަޖައްސަންޖެހޭ ވަޞީލަތްތައް

2.            އެއް ފަރާތަށްވުރެ ގިނަ ފަރާތްތަކުން ޕްރޮގްރާމް ހިންގައިދިނުމަށް ޝައުޤުވެރިކަން ފާޅުކުރައްވައިފިނަމަ، މުބާރާތް ހިންގައިދިނުމަށް ޙަވާލުކުރެވޭނީ ތިރީގައިވާ އިވެލުއޭޝަން ސިސްޓަމްގައި އެންމެ މަތިން ޕޮއިންޓް ސްކޯރ ކުރައްވާ ފަރާތަކާއެވެ.

ވީމާ، މިކައުންސިލްއާ ގުޅިގެން ޅ. ޗެމްޕިއަން ޝިޕް 2018 (އަންޑަރ 21) ފުޓްބޯޅަ މުބާރާތް ހިންގައިދިނުމަށް ޝައުޤުވެރިވާ ފަރާތްތަކުން، އެކަމަށް ޝައުޤުވެރިވާކަން ހާމަކޮށް 22 ނޮވެމްބަރ 2018 ވަނަދުވަހުގެ 14:00 ގެ ކުރިން ސިޓީ ( މެއިލް ނުވަތަ ހާރޑްކޮޕީ ) ހުށަހެޅުއްވުން އެދެމެވެ. ހުށަހަޅުއްވާ ސިޓީއާއެކު، މުބާރާތް ހޮސްޓްކޮށްދިނުމަށް ހުށަހަޅާ ޕްރޮޕޯރސަލް އެޓޭޗްކުރެއްވުން އެދެމެވެ.  ޅ. ޗެމްޕިއަންޝިޕް 2018 (އަންޑަރ 21) ފުޓްބޯޅަ މުބާރާތުގެ ޤަވާއިދު މިކައުންސިލްގެ ވެބްސައިޓް www.lhaviyani.gov.mv އިން ޑައުންލޯޑްކުރެވެން ހުންނާނެއެވެ.