ދިވެހިރާއްޖެ
އިޢުލާން
އަންދާސީހިސާބު ބޭނުންވެއްޖެ
މި ސްކޫލުގެ މުހިންމު މަރާމާތުތަކެއް ކޮށްދޭނެ ފަރާތެއް ހޯދުމަށް ކުރެވުނު ނަންބަރު: JS-B/2016/37 އިޢުލާނާ ގުޅިގެން މަޢުލޫމާތު ސާފުކުރުމަށް އެކަށީގެންވާ އަދަދަށް، ކަނޑައެޅިފައިވާ ގަޑިއަށް މީހުން ހާޒިރުވެފައިނުވާތީ، އެ އިޢުލާން ބާޠިލުކޮށް، އެ މަސައްކަތްތައް ކޮށްދޭން ޝައުޤުވެރިވާ ފަރާތްތަކަށް އަލުން ފުރުޞަތު ހުޅުވާލަމެވެ.
ވީމާ، މި ސްކޫލުން ދެވޭ މަޢުލޫމާތާ އެއްގޮތަށް ތިރީގައި މިދަންނަވާ މަސައްކަތްތައް ކޮށްދިނުމަށް ޝައުޤުވެރިވާ ފަރާތްތަކުން ކަނޑައެޅިފައިވާ ގަޑިއަށް ހާޒިރު މަޢުލޫމާތު ސާފުކުރުމަށްފަހު ކަނޑައެޅިފައިވާ ގަޑިއަށް އަންދާސީހިސާބު ހުށަހެޅުން އެދެމެވެ.
މަސައްކަތް:
1. ހޯލާއި މިއުޒިކްރޫމްގައި ނޮވިލޯން އެޅުން،
2. މީޓިންގރޫމް މަރާމާތުކުރުން،
3. އޭވީރޫމްގައި ފޮތި ދެމުމާއި، ބޯޑަރުފަތިއެޅުން،
4. ކްލާސްރޫމްތަކުގެ އެތެރޭގައި ކުލަލުން.
ސުންގަޑި:
* މަޢުލޫމާތު ސާފުކުރުން: 2016 ނޮވެންބަރު 7 ވާ ހޯމަދުވަހުގެ 11:00 އަށް،
* އަންދާސީހިސާބު ހުށަހެޅުން: 2016 ނޮވެންބަރު 9 ވާ ބުދަދުވަހުގެ 11:00 އަށް،
މަޢުލޫމާތު ސާފުކުރުމާއި އަގު ހުށަހެޅުން އޮންނާނީ މަތީގައި ދެންނެވިފައިވާ ގަޑިތަކުގައި މި ސްކޫލުގެ މީޓިންގރޫމްގައެވެ. ކަނޑައެޅިފައިވާ ގަޑިއަށް ހާޒިރުނުވާ ފަރާތްތަކަށް މަޢުލޫމާތުދިނުމާއި އަންދާސީހިސާބު ބަލައިގަތުމުގައި ބައިވެރިނުކުރެވޭނެ ވާހަކަ ދެންނެވީމެވެ.
2 ޞަފަރު 1438