މަޤާމް: މެނޭޖަރ

މުސާރައާއި އެލަވަންސް:

މަހަކު -/17،500 ރުފިޔާ

މަޤާމުގެ ރޭންކް:

EX 4

ބޭނުންވާ އަދަދު:

1 (އެކެއް)

މަސައްކަތް ކުރަންޖެހޭ ތަން:

ޕަބްލިކް ސަރވިސް މީޑިއާ

ޑިޕާޓްމަންޓް:

އައްޑޫ މީޑިއާ ސެންޓަރ

މަޤާމުގެ ޝަރުޠު:

މަސްއޫލިއްތުތަކާ ގުޅޭ ދާއިރާއަކުން ފުރަތަމަ ޑިގްރީއެއް (ދިވެހިރާއްޖޭގެ ޤައުމީ ސަނަދަތަކުގެ އޮނިގަނޑުގެ ލެވެލް 7 ގެ ސަނަދެއް) ހާސިލުކޮށްފައިވުން ނުވަތަ ކަނޑައެޅިފައިވާ ދާއިރާގެ މަސައްކަތުގައި 3 އަހަރުދުވަހުގެ މަސައްކަތު ތަޖުރިބާ ލިބިފައިވުން.

މަޤާމުގެ މަސްއޫލިއްޔަތު:

- މީޑިއާ ސެންޓަރުގެ މަސައްކަތްތައް އިސްވެ ހިންގައި، ބަލަހައްޓައި، އިންތިޒާމުކުރުން.

- މީޑިއާ ސެންޓަރުން ފޮނުވާ ޕްރޮގްރާމްތަކުގެ ފެންވަރު ރަނގަޅުކޮށް، ޕަބްލިކް ސަރވިސް މީޑިއާގެ މަޢުލޫމާތު ފެތުރުމުގެ ސިޔާސަތާ  އެއްގޮތަށް  ޕްރޮގްރާމްތައް  އުފައްދައި  ފޮނުވޭނެ  އުޞޫލުތައް  ހަމަޖެހިފައިވާގޮތަށް  މުވައްޒަފުންގެ މެދުގައި އެކަށައަޅައި، އެ އުޞޫލާ އެއްގޮތަށް މަސައްކަތް ކުރުވުން.

- މީޑިއާ ސެންޓަރަށް ކަނޑއެޅިފައިވާ އެއަރޓައިމް އެލޮކޭޝަން މިންގަނޑާ އެއްވަރަށް އެކި ކެޓަގަރީތަކުގެ ޕްރޮގްރާމްތައް ބެހެއްޓޭނެ އުޞޫލެއް ކަނޑައަޅައި، އެ އުޞޫލުން މަސައްކަތް ކުރުވުން.

- ސުޕަރވައިޒަރުންނާއި އިދާރީ މުވައްޒަފުންގެ މަސައްކަތް ސުޕަވައިޒްކުރުން.

- އިދާރީގޮތުން ދުވަހުން ދުވަހަށް ކުރަންޖެހޭ އާންމު މަސައްކަތްތަކާއި، ވަކިއުޞޫލަކުން ދާއިމީކޮށް ކުރަންޖެހޭ މަސައްކަތްތައް ކަމާގުޅޭ މުވައްޒަފުން ލައްވައި ކުރުވައި، ކުންފުނީގެ ގަވާއިދުތައް ތަންފީޒުކުރުވުން.

- ޕްރޮގްރާމްތައް ޕްރޮމޯޓްކުރުމުގެ މަސައްކަތް ޕްރޮޑިއުސަރުން މެދުވެރިކޮށް ކުރުވައި، އެކަންކަމުގެ ރެކޯޑްސް ބެލެހެއްޓޭނެ އިންތިޒާމެއް އެކަށައަޅައި، އެ މަސައްކަތް ކުރުވުން.

މި މަޤާމަށް މީހުން ހޮވުމުގައި އިސްކަންދޭނެ ކަންކަން:

މި މަޤާމަށް މީހުން ހަމަޖެއްސުމުގައި، މި ދާއިރާއިން ތަޢުލީމް ހާސިލުކޮށްފައިވާ ފަރާތްތަކަށާއި، މަސައްކަތުގެ ތަޖުރިބާ ލިބިފައިވާ ފަރާތްތަކަށް އިސްކަންދެވޭނެއެވެ.

ހުށަހަޅަންޖެހޭ ލިޔުންތައް:

• ވަޒީފާއަށް އެދޭކަމުގެ ސިޓީ.
• ވަޒީފާއަށް އެދޭ ފަރާތަށް ލިބިފައިވާ ތަޢުލީމާއި ތަމްރީން ދެނެގަތުމަށް ބޭނުންވާ ލިޔުންތައް (މޯލްޑިވްސް ކޮލިފިކޭޝަންސް އޮތޯރިޓީން ފެންވަރު ބަލައި، ސެޓްފިކެޓެއްނަމަ ތައްގަނޑު ޖަހާފައިވާ ލިޔުމުގެ ކޮޕީ)
• މަސައްކަތުގެ ތަޖުރިބާ ދެނެގަތުމުގެގޮތުން މަސައްކަތްކޮށްފައިވާ އިދާރާތަކުން ދޫކޮށްފައިވާ ލިޔުންތައް.
• ދިވެހި ރައްޔިތެއްކަން އަންގައިދޭ ކާޑުގެ ކޮޕީ.
• ވަޒީފާއަށް ކުރިމަތިލާ ފަރާތުގެ ވަނަވަރު.
• ވަޒީފާއަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން ކުރިމަތިލާ މަޤާމަށް ހޮވިއްޖެނަމަ، އަދާކުރަމުންދާ ވަޒީފާއިން ވީއްލުމާމެދު އިޢުތިރާޒެއް ނެތްކަމަށް އެ މުވައްޒަފު ވަޒީފާ އަދާކުރާ އޮފީހުގެ ލިޔުން.
• ޕާސްޕޯޓް ސައިޒުގެ ފޮޓޯއެއް.
• މަތީގައިވާ މަޤާމަށް އިންޓަވިއުއަށް ދައުވަތު ދެވޭނީ ޝޯޓް ލިސްޓް ކުރެވޭ ފަރާތަށެވެ.

ސުންގަޑި:

މި މަޤާމަށް އެދޭ ފަރާތްތަކުން، 2016 މޭ 2 ވަނަ ދުވަހުގެ 15:00 ގެ ކުރިން މި ކުންފުންޏަށް (ޕަބްލިކް ސަރވިސް މީޑިއާ / ރޭޑިޔޯ ބިލްޑިންގ، މ. އަމީނީމަގު) ވަޒީފާއަށް އެދޭ ލިއުންތައް ހުށަހެޅުން އެދެމެވެ.

އިތުރު މަޢުލޫމާތު:

މަޢުލޫމާތު ހޯދުމަށް 3000210 ނަންބަރު ފޯނާ ގުޅުން އެދެމެވެ.