އަރިއަތޮޅު ދެކުނުބުރީ ދިގުރަށު ކައުންސިލްގެ އިދާރާ
ދިވެހިރާއްޖެ
މިރަށުގައި އަލަށް ދޫކޮށްފައިވާ ގޯތިތަކާއި ފަޅުގޯތިތަކުގެ މަގު ސާފުކުރުން

އިޢުލާން 

މިރަށުގައި އަލަށް ދޫކޮށްފައިވާ ގޯތިތަކާއި ފަޅުގޯތިތަކުގެ މަގު ސާފުކުރުން

             މިރަށަކީ ފަތުރުވެރިކަމުގެ ރޮނގުން ކުރިއަރަމުން އަންނަ ރަށެއްގެ އިތުރުން ދުނިޔޭގެ ފެންވަރުގައިވެސް ފާހަގަކުރެވޭ ރީތި ދޮންވެލި ގޮނޑުދޮށަކާއި ތުނޑިއެއް ހިމެނޭ ރަށަކަށްވާތީ މިރަށަށް ރާއްޖެއިންނާއި ރާއްޖޭން ބޭރުންވެސް ގިނަ ޢަދަދެއްގެ ފަތުރުވެރިން ޒިޔާރަތްކުރަމުން ދާކަންފާހަގަ ކުރެވެއެވެ. ނަމަވެސް މިރަށުގެ އަލަށް ދޫކޮށްފައިވާ ބައެއް ފަޅުގޯތިތަކާއި މަގުތައް ސާފު ނުކުރާކަން ވަނީ ފާހަގަވެފައެވެ. އަދި ބައެއް ގޯތިތައް ވަރަށް ބޮޑަށް ޖަންގަލިވެ، މަގުތަކުގައި ވިނަ ގަސް ފަޅައި ވާވުމުގެ ސަބަބުން ހިނގާބިގާވުމަށް ދަތިވެފައެވެ. އަދި މި ސަރަހައްދަކީ ގިނަ ފަތުރުވެރިން ބޭނުންކުރާ ސަރަހައްދަކަށްވާތީ މަގުތައް އަބަދުވެސް ސާފުކޮށް ތާހިރުކޮށް ބޭވުމަށް އަންގަމެވެ.

           އެހެންކަމުން 31 ޑިސެމްބަރު 2026 ގެ ނިޔަލަށް، އަލަށް ނަގާފައިވާ ގޯތިތަކުގެ ގޯތިތެރެއާއި މަގުތައް އަދި ފަޅު ގޯތިތައް ސާފުކުރުމަށް އަންގަމެވެ. މިގޮތުން އެމީހެއްގެ ގޯތި އަދި މަގު ކޮންމެ ދުވަހަކުވެސް ކުނިކަހައި ސާފު ކުރުމަކީ ފަރުދީ ޒިންމާއެއްގެ ގޮތުގައި ދެކި، އެކަން އެގޮތަށް ކުރުމަށް އަންގައި އިލްތިމާސް ކުރަމެވެ.

                ވީމާ، މިކަން ޢާއްމުކޮށް އެންގުމަށް އިޢުލާނު ކުރީމެވެ.

 

05 جُمَادَىٰ ٱلْآخِرَة 1448

17 ނޮވެމްބަރު 2026

 

 

                                                    އިބްރާހީމް ޢުޘްމާން

                                                   ކައުންސިލްގެ ރައީސް

17 ނޮވެންބަރު 2026
ހޯދާ