ގއ.ދާންދޫ ފަޅުތެރޭގައި ސީވީޑް އާލާކުރުމަށް ބޭނުންވާ ފަރާތްތަކަށް ބިން ދޫކުރުމާއި ބެހޭު

• މި ކައުންސިލުން 02 ސެޕްޓެންބަރު 2026ގައި ޢާންމުކޮށް ދިވެހި ރާއްޖޭގެ ގެޒެޓުގައި ޝާއިޢުކޮށްފައިވާ، "ދާންދޫ އިޚްތިޞާޞް ތެރޭގައި ހިމެނޭ ކަނޑާއި، ފަރާއި ފަޅުގެ ސަރަހައްދުގެ ޒޯންތަކުން ބައި ކުއްޔަށް ދޫކުރުމާއި، ހަވާލުކުރުމާއި އަދި ފީ ނެގުމާއިބެހޭ ޤަވާޢިދު" (ޤަވާއިދު ނަންބަރ: P5-Q/2026/1) ގެ ދަށުން، ސީވީޑް އާލާކޮށް އޭގެން ނަފާހޯދުމުގެ މަސައްކަތް ކުރަން ބޭނުންވާ ފަރާތްތަކަށް، ބިޑް އުޞޫލުން ދާންދޫ ފަޅުތެރެއިން ބޭނުންވާ ސަރަހައްދުން (ބިން) ކުއްޔަށްދިނުމުގެ ފުރުޞަތު ދާންދޫގެ ރަށްވެހިންނަށް ޢާންމުކޮށް ހުޅުވާލަމެވެ.

• މި ބީލަމުގައި ރަޖިސްޓްރީވާން އެއްވެސް ފީއެއް ދައްކާކަށް ނުޖެހޭނެއެވެ.
• މި ބިންތަކަށް ކުރިމަތި ލެވޭނީ ދާންދޫގެ ރަށްވެހިންނަށެވެ. މި ބިންތަކަށް ކުރިމަތިލާއިރު ވިޔަފާރި ރަޖިސްޓްރީއެއް އޮންނާކަށް ނުޖެހޭނެއެވެ. ނަމަވެސް ކުއްޔަށްނަގާ ބިމުގައި ވިޔަފާރި ކުރަން ފަށަންވާނީ ވިޔަފާރި ރަޖިސްޓްރީ ކޮށްގެންނެވެ.
• އެއްފަރާތަކަށް އެއްބިމަށްވުރެ އިތުރުބިމެއް މި އިޢުލާނުގެ ދަށުން ކުއްޔަށް ނުދެވޭނެއެވެ.
• މި އިޢުލާނުގެ ދަށުން ފަޅުތެރެއިން ކުއްޔަށް ބިންދޫކުރާ ސަރަހައްދުގެ ބިން ދައްކުވައިދޭ ޗާޓެއް މި އިޢުލާނާއިއެކު ޢާންމު ކުރެވިފައިވާނެއެވެ.

ކުއްޔަށް ދޫކުރެވޭ ބިންތަކުގައި ކުރެވޭނެ ވިޔަފާރި، ބިން ދޫކުރާ މުއްދަތު އަދި ހުށަހެޅޭނެ އެންމެ ކުޑަކުލި އަދި ދޫކުރެވޭ ބިމުގެ ބޮޑުމިން

• މި ބިންތަކުގައި ކުރެވޭނީ ސީވީޑް އާލާކޮށް އޭގެން ވިޔަފާރި ކުރުމުގެ މަސައްކަތެވެ.
  • ބިން ކުއްޔަށްނެގޭ މުއްދަތު: 60 މަސް ދުވަސް (5 އަހަރު ދުވަސް)
  • މި ބިންތައް ދޫކުރެވޭނީ އެންމެ ދިގު މުއްދަތަކަށް އެއްފަހަރާ 5 އަހަރު ދުވަހަށެވެ.
  • މި އިޢުލާނުގެ ދަށުން ދޫކުރެވޭ ސަރަހައްދު (ބިންތަކު)ގެ އަކަފޫޓަކަށް ކަނޑައެޅިފައިވާ 50/- (ފަންސާސް ލާރި)އަކީ ކައުންސިލުން މިކަމަށް އަކަފޫޓަކަށް ކަނޑައަޅާފައިވާ އެންމެ ދަށް ކުއްޔެވެ. ނަމަވެސް މިކަމަށް އެދި ކުރިމަތިލާ ފަރާތްތަކަށް ވާދަވެރިކަމުގެ ތެރެއިން ބިޑް ކާމިޔާބުކުރުމަށް މިއަށްވުރެ މަތިކޮށް ކުލި ހުށަހެޅުމުގެ ފުރުޞަތުވަނީ ހުޅުވިފައިއެވެ.
  • މިފަހަރު މި އިޢުލާންކުރަނީ މިކަމަށް 2 ސަރަހައްދެކެވެ. އެއް ސަރަހައްދަކީ "ކަންޑާ" އާއި ވޮޑަމުލާއާއި ދެމެދުން އޮތް ދާންދޫގެ ފަޅުގެ އިޚްތިޞާޞްގެ ތެރެއިން 15,000 (ފަނަރަހާސް) އަކަފޫޓުގެ 2 ބްލޮކް، އަދި ރަށުގެ އުތުރުކޮޅުގެ ފަޅުގެ އިޚްތިޞާޞްގެ ތެރެއިން 15,000 (ފަނަރަހާސް) އަކަފޫޓުގެ 2 ބްލޮކް، ޖުމްލަ 4 ބްލޮކް އެވެ.

ކުލި ހުށަހަޅާނެ ގޮތް:

• ބިޑް ހުށަހަޅާ ފަރާތުން ކުލި ހުށަހަޅާނީ، މިކައުންސިލުން މަޢުލޫމާތު ދޭ ސެޝަނުގައި ދެވޭ ބިޑް ހުށަހަޅާ ފޯމުންނެވެ.
• ފުރަތަމަ 12 މަސްދުވަހުގެ މުއްދަތުގައި ކުލި ނުހިގާނެއެވެ.

• ކުލި ހުށަހަޅާނީ މިޓޭބަލުގައި ދައްކައިދީފައިވާ ގޮތަށް ކުލި ބަޔާންކުރުމަށް ކަނޑައެޅިފއިވާ ގޮޅީގައި މަހަކަށް އަކަފޫޓަކަށް ދޭން ބޭނުންވާ ކުލި، ލާރި / ރުފިޔާ އިން ކުލި ޖަހައިގެން، މަހަކަށް ދޭންޖެހޭ ކުލި ޖުމްލަ އަކަފޫޓާއި ގުނަކޮށްގެން އެފަރާތަކުން ބިން ބޭނުންވާ ޖުމްލަ 5 އަހަރުގެ މުއްދަތުގެ ތެރެއިން ކުލި ނުހިނގާ 12 މަސްދުވަސް ކެނޑުމަށްފަހު، ދާންދޫ ކައުންސިލަށް ކުލީގެ ގޮތުގައި ދައްކަންޖެހޭ ޖުމްލަ ފައިސާ ހިމަނައިގެންނެވެ.
• ކައުންސިލުން އަކަފޫޓަކަށް ފެށޭ ކުލި ކަނޑައަޅާފައިވާ މިންވަރަށްވުރެ ދަށްކޮށް އެއްވެސް ފަރާތަކުން މިކަމަށް ކުލި ހުށަހަޅައިގެން ނުވާނެއެވެ.
• މިކަމަށް ކުރިމަތިލާ އެއްވެސް ފަރާތަކުން ކައުންސިލުން އަކަފޫޓަކަށް ފެށޭކުލި ކަމުގައި ކަނޑައަޅާފައިވާ އަކަފޫޓަކަށް 50/-(ފަންސާސް ލާރި) މި އަށްވުރެ ކުޑަ ކުލި ހުށަހަޅާފަރާތްތަކުގެ ހުށަހެޅުން ކެންސަލް ކުރެވޭނެއެވެ.

އިވެލުއޭޓްކުރެވޭނެ ކްރައިޓީރިއާ

• ކުލި % 85         
• ވިޔަފާރި ޕްލޭން % 5
• ސީ.އެސް.އާރުގެ ދަށުން ކުރަން ހުށަހަޅާ ކަންތައްތައް % 10

ބިޑްރަޖިސްޓްރީ ކުރުން:

މި އިޢުލާނާއި ގުޅިގެން ބިޑްރަޖިސްޓްރީ ކުރުމަށް 26 އޮކްޓޯބަރ 2026 ވާ ހޯމަ ދުވަހުގެ 10:00 ގެ ކުރިން ތިރީގައިވާ ލިންކް މެދުވެރިކޮށް ބިޑްރަޖިސްޓްރީ ކުރުމަށް ދަންނަވަމެވެ.

ލިންކް:  https://forms.gle/Lfw9stViRfPDdcfC8އިން ނުވަތަ ސިޓީއަކުންވެސް މި ބީލަމުގައި ރަޖިސްޓްރީ ވެވިދާނެއެވެ.

މަޢުލޫމާތު ދިނުން:

މަޢުލޫމާތު ދިނުމުގެ ސެޝަން އޮންނާނީ  26 އޮކްޓޯބަރ 2026 ވާ ހޯމަ ދުވަހުގެ 14:00 ގައި ކައުންސިލްގައި ބާއްވާ އޮންލައިން މީޓިންގ ގައެވެ. މީޓިންގް ލިންކް މިބިޑްގައި ރަޖިސްޓްރީ ކުރާ ފަރާތްތަކާއި ހިއްސާކުރެވޭނެއެވެ. އަދި މި މީޓިންގ އަށް ހާޒިރުވެ މަޢުލޫމާތު ބޭނުންވާ ފަރާތްތަކަށްވެސް އެފުރުޞަތު އޮންނާނެ ވާހަކަ ދެންނެވީމެވެ.

ބިޑް ހުށަހެޅުން:

ބިޑް ހުށަހެޅުން، ބިޑް ހުޅުވުން އޮންނާނީ 02 ނޮވެންބަރު 2026 ވާ ހޯމަ ދުވަހުގެ 14:00ގައި މިއިދާރާގެ ކޮންފަރެންސް ހޯލުގައި ބާއްވާ އޮންލައިން މީޓިންގައެވެ. މީޓިންގް ލިންކް މިބިޑްގައި ރަޖިސްޓްރީ ކުރާ ފަރާތްތަކާއި ހިއްސާކުރެވޭނެއެވެ. އަދި މި މީޓިންގ އަށް ހާޒިރުވެ ބިޑް ހުށަހެޅުމަށް ބޭނުންވާ ފަރާތްތަކަށްވެސް އެފުރުޞަތު އޮންނާނެ ވާހަކަ ދެންނެވީމެވެ.

އިތުރު މަޢުލޫމާތު:-

ހުވަދުއަތޮޅު އުތުރުބުރީ ދާންދޫ ކައުންސިލްގެ އިދާރާ

އަމީނީމަގު، ގއ.ދާންދޫ، ދިވެހިރާއްޖެ،

ފޯން  : 6820026، 7330026

އީމެއިލް : [email protected]

މިހެންވެ މިވާހަކަ ޢާންމުކޮށް އަންގައި އިޢުލާން ކުރީމެވެ.