އިޢުލާން

ކާވެނި ކޮށްދިނުމަށް އެދި ހުށައަޅާ ފޯމާއެކު ތެލަސީމިއާ ކާޑު ހުށައަޅަންޖެހޭކަން އެންގުން

                2026 އޮކްޓޫބަރު 01 ވަނަ ދުވަހުން ފެށިގެން ޢަމަލުކުރަން ފަށާފައިވާ، ނަންބަރު: 2026/R-60 (މެޖިސްޓްރޭޓް ކޯޓުތަކުގެ ޤަވާޢިދު) ޤަވާޢިދުގެ 83 ވަނަ މާއްދާގައިވާ ގޮތުގެމަތިން، ކައިވެނިކުރުމަށް އެދި ހުށައަޅާއިރު، ކައިވެނި ކުރަން އެދޭ ދެމީހުން ތެލަސީމިއާއަށް ޓެސްޓްކޮށް، އޭގެ ނަތީޖާ (ތެލަސީމިއާ ކާޑު) ހުށައަޅަންވާނެކަން ބަޔާން ކޮށްފައިވާތީ، 2026 އޮކްޓޫބަރު 01 ވަނަ ދުވަހުން ފެށިގެން މި ކޯޓުން ކާވެނިކޮށް ދިނުމަށް ހުށައަޅާ ފޯމާއެކު ތެލަސީމިއާ ކާޑު ހުށައަޅަން ޖެހޭނެ ކަމުގައި ދަންނަވަމެވެ.

                ނަމަވެސް ކައިވެނިކުރަން އެދޭ ދެމީހުން ކުރެ އެކެއްގެ ކިބައިގައި ތެލަސީމިއާ ވާރުތަކުރާގޮތް ނެތްނަމަ، ކައިވެނިކުރަން އެދޭ ދެވަނަ މީހާގެ ތެލަސީމިއާ ޓެސްޓްގެ ނަތީޖާ ހުށަހެޅުން ލާޒިމު ނުވާނެ ކަމުގައިވެސް ދަންނަވަމެވެ.

                ވީމާ، މިކަން ޢާންމުކޮށް އެންގުމަށްޓަކައި އިޢުލާން ކުރީމެވެ.

20 ރަބީޢުލްއާޚިރު 1448

                       01 އޮކްޓޫބަރު 2026