އިޖްތިމާޢީ ބަދަހި މުޖުތަމަޢެއްގެ އެންމެ މުހިއްމު ސިފަތަކަކީ އިސްލާމީ ރިވެތި އަޚްލާޤާއި،  ލޯތްބާއި އޯގާތެރިކަމާއެކު އަޅާލާ، އެކަކުއަނެކަކަށް އިޙްތިރާމްކޮށް، އެހީތެރިކަން ބޭނުންވާ ވަގުތު އެހީތެރިކަން ފޯރުކޮށްދީ، އެކަކު އަނެކެއްގެ ހާލު ބެލުމެވެ.

އައްޑޫ މީދޫގެ ރައްޔިތުންނަކީ މި ސިފަތައް ލިބިގެންވާ ރައްޔިތަކަށްވީއިރު، އެހީތެރިކަން ބޭނުންވާ ފަރާތްތަކަށް އެހީތެރިކަން ފޯރުކޮށްދިނުމާއި، އެހީ ހޯދުމުގައި ފަސޭހަގޮތްތަކެއް ޤާއިމްކުރުމަށްޓަކައި، އައްޑޫ މީދޫ ކައުންސިލުން ވަނީ 'އައްޑޫ މީދޫ ކޮމިއުނިޓީ ވެލްފެއަރ ފަންޑް' ގެ ނަމުގައި ފަންޑެއް ޤާއިމްކޮށް އެ ފަންޑް ހިންގާނެގޮތުގެ އުޞޫލު ފާސްކޮށްފައެވެ. ވީމާ، 'އައްޑޫ މީދޫ ކޮމިއުނިޓީ ވެލްފެއަރ ފަންޑް' ހިންގާނެ ގޮތުގެ އުޞޫލު މި އިޢުލާނާއެކު އާންމުކުރަމެވެ.

2026 ވަނަ އަހަރުގެ އުމުރުން ދުވަސްވީ މީހުންގެ ދުވަހާއި ގުޅިގެން 2026 އޮކްޓޯބަރ 03 ގައި ކައުންސިލުން މި ފަންޑް ލޯންޗްކުރުމަށް ވަނީ ހަމަޖެހިފައެވެ. މި ފަންޑަށް ޖަމާވާ ފައިސާގެ ތަފްޞީލް ކައުންސިލްގެ ވެބްސައިޓުގައި ދުވަހުން ދުވަހަށް އަދާހަމަކުރެވޭނެއެވެ. މިފަންޑަށް ފައިސާ ޖަމާކުރައްވާނީ އައްޑޫ މީދޫ ކައުންސިލްގެ ނަމުގައި ބޭންކް އޮފް މޯލްޑިވްސްގެ ނަމުގައި ހުޅުވިފައި އޮންނަ ނަންބަރު 7770000248186 އެކައުންޓަށެވެ.

                    21 ރަބީޢުލްއާޚިރް 1448     

                    02  އޮކްޓޯބަރ  2026