ދިވެހިރާއްޖެ
ކައުންސިލްގެ ރަސްމީ ސިއްކައިގެ ގޮތުގައި ބޭނުންކުރުމަށާއި، ކައުންސިލްގެ ފަރާތުން އިންތިޒާމްކޮށްގެން ބާއްވާ މުބާރާތްތަކާއި، ބައިވެރިވާ ހަރަކާތްތަކާއި، އެކި އެކި ރަސްމިއްޔާތުތަކުގައި ބޭނުންކުރުމަށް ލޯގޯ ފަރުމާކުރުމުގެ ފުރުޞަތު ހުޅުވާލަމެވެ. ހުށަހަޅާ ލޯގޯ ތަކުގެ ތެރެއިން ހޮވޭ އެންމެ ރަގަޅު ލޯގޯ އަކަށް -/10000( ދިހަ ހާސް ރުފިޔާ ) ގެ ފައިސާގެ އިނާމެއް ދިނުމަށް ވަނީ ކަނޑައެޅިފައެވެ.
ލޯގޯ ހުށަހެޅުމުގެ ސުންގަޑި: 15 އޮކްޓޯބަރ 2026، 23:59 ގެ ނިޔަލަށް
ލޯގޯ ހުށަހަޅާނެ އީމެއިލް އެޑްރެސް: [email protected]
ލޯގޯ ފަރުމާކުރުމުގައި ބަލަންޖެހޭ މިންގަނޑުތައް
- ފަރުމާކުރެވޭ ލޯގޯއަކީ އައްޑުއަތޮޅު އައްޑޫ ހުޅުދޫ ރަމްޒުކޮށްދޭ ފަދަ އަމިއްލަވަންތަ ލޯގޯއަކަށް ވާންވާނެއެވެ. މިގޮތުން ހުޅުދޫ އަށް ޚާއްސަ ސިފަތަކާއި، ކަންކަމާއި، ތަކެތި ހިމެނޭގޮތަށް ފަރުމާކޮށްފައިވާ ލޯގޯއަކަށް ވާންވާނެއެވެ.
- ލޯގޯއަކީ އެއްވެސް ސިޔާސީ ޕާޓީއެއް ނުވަތަ އެހެން އިދާރާއެއް ރަމްޒުކޮށްދޭ ފަރުމާއަކަށް ވެގެން ނުވާނެއެވެ.
- ލޯގޯގައި އައްޑުއަތޮޅު އައްޑޫ ހުޅުދޫ ކައުންސިލްގެ ނަން ބޭނުންކުރާނީ އަންނަނިވި ގޮތަށެވެ. ދިވެހި ބަހުން ނަމަ " އައްޑުއަތޮޅު އައްޑޫ ހުޅުދޫ ކައުންސިލްގެ އިދާރާ" އިނގިރޭސި ބަހުންނަމަ
"Secretariat of the Addu Hulhudhoo Council " ލޯގޯގައި އެއްބަހުން ލިޔާނަމަ ލިޔަންވާނީ ދިވެހި ބަހުންނެވެ.
- ލޯގޯ ފަރުމާކުރެވިފައި ހުންނަންވާނީ ދިދަ، ޖާރޒީ، ލެޓަރހެޑް، ސްޓާފް ކާޑު، ޔުނީފޯމް އަދި ވެބްސައިޓް ފަދަ ތަކެތީގައި ބޭނުންކުރެވޭ ފަދަ ގޮތަކަށެވެ.
- ލޯގޯ ހުންނަންވާނީ Vector ފައިލް ފޯމެޓަށެވެ. ޑިޒައިން ކުރަން ބޭނުން ކުރަންޖެހޭނީ އެޑޯބް އިލެސްޓްރޭޓަރ އަދި އެކްސްޕޯޓް ކުރެވިފައި ހުންނަން ވާނީ (AI) ފައިލް އެކްސްޓެންޝަން ފޯމެޓަށެވެ. މިފައިލް ގައި ވަކި ވަކިން ޕޭޖް ކުރެވި (AI) ފައިލް ފޯމެޓްގައި ހުންނަން ވާނެއެވެ. އަދި އިލެސްޓްރޭޓަރ އިން ހަދައި ދެވޭއިރު ވަކިވަކިން ޑިޒައިންގެ އޮބްޖެކްޓްތައް ލޭޔަރ ކުރެވި ރަނގަޅަށް ގުރޫޕް ކުރެވިފައި ހުންނަންވާނެއެވެ.
- ލޯގޯ ފަރުމާ ކުރަންވާނީ ތިރީގައި މިވާ ސައިޒް ތަކަށެވެ. އަދި 2cmX2cm އަށް ކުޑަކުރުމުންވެސް ލޯގޯގެ އަސްލު ނުގެއްލޭގޮތަށެވެ.
|
Typical placement |
Recommended logo size |
Screen width |
Device |
|
Website header |
150–250 × 40–80 px |
1024 px and above |
PC / Desktop |
|
Website header |
120–200 × 35–60 px |
768–1023 px |
Tablet |
|
Website header |
100–150 × 30–50 px |
768–1023 px |
Phone |
|
App icon |
1024 × 1024 px |
Any device |
Mobile app icon |
|
Browser tab |
32 × 32 px or 16 × 16 px |
Any device |
Favicon |
- ލޯގޯ ފަރުމާކުރުމުގައި މައިގަނޑުކުލައެއްގެ ގޮތުގައި ބޭނުންކުރަންވާނީ ތިރީގައި މިދަންނަވާ ކުލަތަކެވެ.
|
HEX |
Colour |
# |
|
#FFAC4A |
Orange |
1 |
|
#AD4810 |
Rust/ Burnt Orange |
2 |
|
#216E75 |
Teal |
3 |
|
#004852 |
Dark Teal |
4 |
|
#0A4006 |
Dark Green |
5 |
- ލޯގޯއަކީ ލަކުޑި، ފައިބަރު އަދި މައުދަންތަކުގައި ކަނޑާ ނަގައިގެން ސިފަ ފާޅުކުރެވޭގޮތަށް ފަރުމާ ކޮށްފައިވާ ލޯގޯއަކަށް ވާންވާނެއެވެ.
- ލޯގޯ ފަރުމާކުރަންވާނީ ވެބް ވާރޝަން، ޕްރިންޓް ކޮލެޓީ ވަރޝަން އަދި SVG ފޯމެޓަށެވެ.
ލޯގޯ އާއި އެކު ހުށައަޅަންޖެހޭ ޑިޒައިންތައް
- ލެޓާ ހެޑް އަދި ފުޓަރ ޑިޒައިން (ހެޑާގައި ދައުލަތުގެ ނިޝާން، ކައުންސިލްގެ ނަން ދިވެހިންނާއި އިނގިރޭސި އަކުރުން ހިމެނުން، އަދި ފުޓަރގައި ކައުންސިލްގެ ނަމާއި އިދާރާ ހުރި މަގުގެ ނަމާއި ފޯނު ނަންބަރާއި އަދި އީމެއިލް އެޑްރެސް ހިމެނުން)
- ސިޓީއުރައިގެ ބޭރު ޑިޒައިން( A4 އަދި C5 ސައިޒަށް)
- ސްޓާފް ކާޑް އަދި ލޭންޔާޑް ޑިޒައިން
- ކައުންސިލްގެ ދިދަ
- ސޯޝަލް މީޑީއާ ޕޯސްޓަރ ޑިޒައިން
ލޯގޯ އާއި ޑިޒައިންތަކާއި އެކު ހުށަހަޅަންޖެހޭ ތަކެތި
- ލޯގޯ އާއި ޑިޒައިންތަކުގެ ,PNG, PSD އަދި JPEG ފައިލް ހުށަހަޅަންވާނެއެވެ.
- ލޯގޯ އާއި ޑިޒައިންތަކުގެ ގްރޭ ސްކޭލް އަދި ކުލަކޮށް އޮންނަ PDF ފައިލެއް ހުށަހަޅަންވާނެއެވެ. އަދި ލޯގޯގެ PDF ފައިލް 20 އެމް.ބީ އަށް ވުރެ އިތުރުވެގެން ނުވާނެއެވެ. ހުށަހަޅާ ލޯގޯގެ ކުލަ އަދި ބުލެކް އެންޑް ވައިޓް ހާޑުކޮޕީއާއި ސޮޕްޓްކޮޕީ (ސޮފްޓްކޮޕީގެ ގޮތުގައި އޭގެ އޮރިޖިނަލް އަދި ވެކްޓަރ ފައިލްސް ) ހުށަހަޅަންވާނެއެވެ.
- ލޯގޯ އާއި ޑިޒައިންތަކުގެ ކުލަ ސޮފްޓް ކޮޕީ، ކުލަތަކުގެ ޕެންޓޯން ނަންބަރު އަދި ކުލަ ކޯޑާއެކު ޖޭޕެގް / ޓިޕް ފޯމެޓުގައެވެ.
- ލޯގޯ އާއި ޑިޒައިންތައް ހުށަހަޅާ ފަރާތުގެ އިތުރު ހުއްދައަކާއިނުލާ ލޯގޯ އާއި ޑިޒައިންތައް ބޭނުންކުރުމުގެ ފުރިހަމަ އިޚްތިޔާރު މި ކައުންސިލަށް ދޭކަން އަންގައިދޭ ލިޔުމެއް.
- ލޯގޯ ހުށަހެޅި ފަރާތުގެ ވަނަވަރު.
- ލޯގޯ ހުށަހެޅި ފަރާތުގެ އައި.ޑީ.ކާޑުގެ ކޮޕީ.
- ލޯގޯއިން ރަމްޒުކޮށްދޭ މާނައާއި ތަފްސީލް ބަޔާންކޮށްދޭ ލިޔުމާއި ވީޑިއޯ ޕްރެޒެންޓޭޝަން.
- ލޯގޯ ފަރުމާކޮށްފައިވާ RAW ފައިލް ހުށަހަޅަންވާނެއެވެ.
މާކްސް ދެވޭނެ ގޮތުގެ ތަފްސީލް
- ލޯގޯ ފަރުމާ ކޮށްފައިވަނީ މަތީގައި ބަޔާންކޮށްފައިވާ މިންގަނޑުތަކާއި އެއްގޮތަށްތޯ ބަލާ ފާސްކުރުން
- ލޯގޯގެ ޓެކްނިކަލް ފެންވަރާއި ކޮލިޓީ މިންވަރު
- އައްޑުއަތޮޅު ސިފަކޮށްދީފައިވާ މިންވަރު
- ލޯގޯގެ ފަރުމާތަކަށް އިންސާފްކުރާނީ ކައުންސިލް އިދާރާއިން އެކަމަށް ހާއްސަ ކުރެވޭ ކޮމިޓީ އަކުންނެވެ.
އެހެނިހެން ކަންކަން
- ކޮންމެ ފަރާތަކަށްވެސް ގިނަވެގެން ހުށަހެޅޭނީ 2 ލޯގޯއެވެ. ހުށަހަޅާ ކޮންމެ ލޯގޯއަކަށް ޑިޒައިން ސެޓް ހުށަހަޅަންވާނެއެވެ.
- 1ވަނަ އަށް ހޮވޭ ލޯގޯއަށް ބަދަލެއް ގެނައުމަށް ކައުންސިލުން ބޭނުންވާނަމަ، އެ ބަދަލެއް ގެނައުމަށްފަހު އަލުން ހުށަހަޅަންވާނެއެވެ.
މާކްސް ދެވޭނެ މިންގަނޑު:
|
# |
ކްރައިޓީރިއާ |
މާކްސް |
|
1 |
ކޮލިޓީ އަދި ޓެކްނިކަލް ފެންވަރު |
35 |
|
2 |
އުފެއްދުންތެރިކަމާއި މަސައްކަތްތެރިކަން |
20 |
|
3 |
އަމިއްލަވަންތަކަން |
15 |
|
4 |
ހުޅުދޫ ސިފަކޮށްދީފައިވާ މިންވަރު |
30 |
ވީމާ،މަތީގައި ބަޔާންކޮށްފައިވާ ފޯމެޓްތަކަށް ލޯގޯގެ ސޮފްޓްކޮޕީ އަދި މަތީގައި ދެންނެވިފައިވާ ލިޔެކިޔުންތައް ފުރިހަމަކުރުމަށްފަހު 15 އޮކްޓޯބަރ 2026ވާ ބުރާސްފަތި ދުވަހުގެ 23:59 ކުރިން މިއިދާރާއަށް ހުށަހެޅުމަށް ދަންނަވަމެވެ. އީމެއިލް ކުރައްވާނީ [email protected] އަށެވެ.
