ދިވެހިރާއްޖޭގެ ކާބޯތަކެތީގެ ރައްކާތެރިކަން ކަށަވަރުކޮށް، ދަނޑުވެރިކަމުގެ ދާއިރާ އިތުރަށް ހަރުދަނާކުރުމަށްޓަކައި ރަށްރަށުގެ ދަނޑުވެރިކަމުގެ އުފެއްދުންތެރިކަން ދެނެގަނެ، ޤައުމީ ފެންވަރުގެ ތަފާސްހިސާބު އެކުލަވާލުމަށާއި ދަނޑުވެރިންނާއި ދަނޑުވެރި ރަށްރަށުގެ ކުރިއެރުމަށާއި މި ދާއިރާގެ ދުރުރާސްތާ ތަރައްޤީއަށްޓަކައި، މިނިސްޓްރީ އޮފް ފިޝަރީޒް އެގްރިކަލްޗަރ އެންޑް އޯޝަން ރިސޯސަސް ގެ އެގްރިކަލްޗަރަލް ޑިވެލޮޕްމަންޓް ޑިޕާޓްމަންޓުން މިއަހަރުން ފެށިގެން ކުރިއަށް އޮތް އަހަރުތަކުގައިވެސް މެދުކެނޑުމެއްނެތި ތަފާސްހިސާބު އެއްކުރުމުގެ މަސައްކަތް ކުރިއަށް ގެންދަވާނެ ކަމަށް ވަނީ އަންގަވާފައެވެ. އަދި މި މަސައްކަތަށް ބޭނުންވާ މަޢުލޫމާތު އެއްކުރުމަށްޓަކައި، މިރަށުގައި ހައްދާ ދަނޑުވެރިކަމުގެ ބާވަތްތަކާއި، ރަށު ތެރޭގައާއި ރަށުން ބޭރަށް އެ ބާވަތްތައް ފޮނުވައި ވިޔަފާރިކުރާ މިންވަރުގެ މަޢުލޫމާތު ހޯއްދެވުމަށްފަހު، ކޮށްމެ މަހަކުވެސް ފޮނުވުމަށް ވަނީ އަންގަވާފައެވެ.

                     ވީމާ،  ދަނޑުވެރިކަމުގައި  ހަރަކާތްތެރިވާ  ފަރާތްތަކުން  ދަނޑުވެރިންގެ  ގޮތުގައި  ރަޖިސްޓްރީ ވުމަށްޓަކައި  2026 އޮކްޓޯބަރ 01 ވަނަ ދުވަހުގެ 14:00ގެ  ކުރިން  ދަނޑުވެރިއެއްގެ ގޮތުގައި ރަޖިސްޓްރީ ވުމަށް ހުށަހަޅަންޖެހޭ ފޯމް ހުށައެޅުއްވުން އެދެމެވެ. މި ފޯމް ބަންދު ނޫން ކޮށްމެ ދުވަހެއްގެ ރަސްމީ ގަޑީގައި ކައުންޓަރުން ލިބެން ހުންނާނެއެވެ.

                       ވީމާ، މިކަން  އާއްމުކޮށް އެންގުމަށްޓަކައި  އިޢުލާން ކުރީމެވެ.