އިޢުލާނު

އދ.ދިއްދޫ އިން ބަންޑާރަ ގޯތި ދޫކުރުން

       އދ. ދިއްދޫއިން ދިރިއުޅުމަށްޓަކައި ބަންޑާރަ ގޯތި ދޫކުރުމަށްޓަކައި 16 ނޮވެމްބަރ 2025 ގައި މި އިދާރާއިން ކުރި އިޢުލާނާއެކު ޢާންމުކުރެވުނު އުޞޫލުގެ "ކައިވެނީގެ ބައި" ގެ (ނ) (ރ) (ބ) (ޅ) ގައި ދަރިންނަށް ޕޮއިންޓް ދިނުމަށް ކަނޑައަޅާފައިވާއިރު، ހަމަ އެ އުޞޫލުގެ ޕޮއިންޓް ދޭނެ ގޮތުގެ މިންގަނޑުގެ 3 ވަނަ ނަންބަރުގައިވާ "ދަރިންގެ ބައި" ގައިވެސް ދަރިންނަށް ރިޢާޔަތްކޮށް ޕޮއިންޓް ދެވޭތީ، ދަރިންނަށް ދެ ފަހަރަށް ޕޮއިންޓް ލިބޭގޮތަށް އޮތްކަން މިނިސްޓްރީ އޮފް ހައުސިންގ، ލޭންޑް އެންޑް އާބަން ޑިވެލޮޕްމަންޓް ވަނީ ފާހަގަކުރައްވާފައެވެ. މިނިސްޓްރީގެ ލަފާގެ މަތިން، މި ކައުންސިލުން މިހާރު ވާނީ ގޯތި ދޫކުރުމުގެ އުޞޫލުގެ "ކައިވެނީގެ ބައި" ގެ (ނ) (ރ) (ބ) (ޅ) އުނިކޮށް ޕޮއިންޓް ދޭނެ ގޮތުގެ މިންގަނޑުގެ 3 ވަނަ ނަންބަރުގައިވާ ދަރިންގެ ބަޔަށް އިތުރު ކޮށްފައެވެ. އަދި ގޯތި ލިބޭ ފަރާތްތައް ކަނޑައެޅުމުގެ 19 ވަނަ ނަންބަރުގެ (އ) ގައިވާ ގޯއްޗަށް އެދި ދެމަފިރިން ފޯމު ހުށަހަޅާފައިވާނަމަ އަދި އެ ދެމަފިރިންނަކީ މި އުޞޫލުގައިވާ ޝަރުޠު ހަމަވާ ދެ ފަރާތްކަމަށްވެފައި، އެ ދެމަފިރިންގެ ތެރެއިން އެއް ފަރާތަށް ދެވޭ ގޯތި ދެމަފިރިން އެއްބަސްވާ ގޮތެއްގެ މަތިން ދެމީހުންގެ ނަމުގައި ރަޖިސްޓްރީ ހަދައިދެވޭނެ ކަމަށް ބަޔާންކޮށްފައިވީ ނަމަވެސް، މިނިސްޓްރީ އޮފް ހައުސިންގ، ލޭންޑް އެންޑް އާބަން ޑިވެލޮޕްމަންޓުގެ ލަފާގެ މަތިން މިގޮތަށް ރަޖިސްޓްރީ ކުރަން ދެމަފިރިން އެއްބަސްނުވާ ޙާލަތެއްގައި ގޯތި ރަޖިސްޓްރީ ކޮށްދެވޭނީ ގުރުއަތު ނަގައިގެން ކަމުގައި ވާނީ އިތުރުކުރެވިފައެވެ.                                                                       

      ވީމާ މި ބަދަލާ ގުޅިގެން އެއްވެސް ޝަކުވާއެއް އޮތްނަމަ، އެ ޝަކުވާއެއް ހުށަހެޅުމުގެ ފުރުޞަތު 04 އޮކްޓޫބަރ 2026 ގެ ނިޔަލަށް ވަނީ ހުޅުވާލެވިފައެވެ. އިތުރު މަޢުލޫމާތު ސާފުކުރެއްވުމަށް މި ކައުންސިލްގެ ނަންބަރު 6680057 ފޯނަށް ގުޅުއްވުން އެދެމެވެ.