މިކޯޓަށް ހުށަހެޅޭ މައްސަލަތަކާއިގުޅިގެން، ތަންތަނާއި ތަކެތީގެ ޝަރުޢީ އަގެއް ކަނޑައަޅަން ޖެހިއްޖެ ހިނދެއްގައާއި، އިންސްޕެކްޝަނާއި އެސެސްމަންޓް ހަދަންޖެހޭ ޙާލަތުގައި އެކަންކަމުގައި ޙަރަކާތްތެރިވާނެ ކޮމިޓީއެއް އެކުލަވާލުމަށް ބޭނުންވާތީ، ރާނާމީހުން، ވަޑާންކުރާމީހުން، ބީއޯކިއު ތައްޔާރުކުރާމީހުން އަދި އަރކިޓެކްޗަރުންގެ އިތުރުން ޢިމާރާތްކުރުމުގެ މަސައްކަތުގެ ތަޖުރިބާހުރި ފަރާތްތައް ހިމަނައިގެން އަގުކޮމިޓީގެ ދަފްތަރެއް އެކުލަވާލުމަށް ބޭނުންވެއެވެ. 

ޝަރުޢީ އަގުކޮމިޓީގެ ދަފްތަރު އެކުލަވާލުން

• ދަފްތަރުގައި ރަޖިސްޓްރީވުމަށްއެދި ހުށަހަޅުއްވާ ފަރާތްތަކުގެތެރެއިން މަތީގައި ދަންނަވާފައިވާ މަސައްކަތްތައްކުރުމުގެ ތަޖުރިބާހުރިފަރާތްތައް ހިމެނޭގޮތުން، ޝަރުޢީ އަގުކޮމިޓީގެ ދަފްތަރެއް ޤާއިމްކުރެވޭނެއެވެ.
• މަދުވެގެން ކޮންމެ ތިން އަހަރަކުން އެއްފަހަރު ދަފްތަރު އަލުން އެކުލަވާލުމަށް ޢާއްމުކޮށް އިޢުލާން ކުރެވޭނެއެވެ.

ޝަރުޢީ އަގުކޮމިޓީ އެކުލަވާލުން

• ހިނގަމުންދާ މައްސަލައަކާ ގުޅިގެން ތަނެއް ނުވަތަ އެއްޗެއް އަގުކުރަން އަދި އިންސްޕެކްޓް ކުރަންޖެހިއްޖެ ޙާލަތެއްގައި، ތަނުގެ ބާވަތަށް ބަލައި، އަގުކޮމިޓީގެ ދަފްތަރުގައި ހިމެނޭ ފަރާތްތަކުގެތެރެއިން އެންމެ ޤާބިލް 03 މެމްބަރުންގެ މައްޗަށް އެކުވެލޭ އަގުކޮމިޓީއެއް ޢައްޔަން ކުރެވޭނެއެވެ.

އުޖޫރަ

• އަގުކުރުމުގެ މަސައްކަތްކުރައްވާ ކޮމެޓީގެ މެމްބަރުންނަށް މަސައްކަތްކުރައްވާ ކޮންމެ ދުވަހަކަށް -/300 (ތިންސަތޭކަ) ރުފިޔާގެ އުޖޫރައެއް ދެވޭނެއެވެ.

ވީމާ، މިކަމަށް ޝައުގުވެރިވެވަޑައިގަންނަވާ ފަރާތްތަކުން 01 އޮކްޓޯބަރ 2026 ވާ ބުރާސްފަތި ދުވަހުގެ 13:00 ގެކުރިން، އަގުކޮމިޓީގެ މެމްބަރަކަށްވުމަށް އެދި ހުށަހަޅާ ފޯމާއި، ދިވެހިރައްޔިތެއްކަން އަންގައިދޭ ކާޑުގެ ކޮޕީއަކާއެކު މިކޯޓަށް ހުށަހެޅުއްވުން އެދެމެވެ.