ދުޅަހެޔޮ ހަށިހެޔޮ އަންހެނުންތަކެއް ދިރިއުޅޭ މުޖުތަމަޢެއް ބިނާކުރުމަށް މި ކޮމިޓީން އިސްނަގައިގެން ކުރިއަށްގެންދާ "ހަށިހެޔޮ ދުވާފަރު" ފިޓްނަސް ޕްރޮގްރާމްގައި ބައިވެރިވުމުގެ ފުރުޞަތު ރ. ދުވާފަރުގެ އެންމެހައި ލޮބުވެތި އަންހެން ކަނބަލުންނަށް ހުޅުވާލަމެވެ.

     މި ޕްރޮގްރާމަކީ ތަޖުރިބާކާރު ފިޓްނަސް ޓްރޭނަރުންގެ އިރުޝާދުގެ ދަށުން، ކަނބަލުންގެ ދުޅަހެޔޮކަމާއި، ބަރުދަން ލުއިކުރުމަށް ހިތްވަރުދީ، ކަސްރަތު ކުރުމުގެ ރޫޙު އާލާކުރުމަށް ހިންގޭ 21 ދުވަހުގެ ޚާއްޞަ ޕްރޮގްރާމެކެވެ.

ޕްރޮގްރާމްގެ ތަފްޞީލު:

• މުއްދަތު: 10 އޮކްޓޫބަރު 2026 އިން 31 އޮކްޓޫބަރު 2026 އަށް (21 ދުވަސް)
• އަމާޒުކުރެވޭ ފަރާތްތައް: ރ. ދުވާފަރުގެ އެންމެހައި އަންހެން ކަނބަލުން

ޕްރޮގްރާމްގެ ތެރޭގައި ހިމެނޭ ޚާއްޞަ ކަންތައްތައް:

• އަންހެން ކަނބަލުންނާ ގުޅޭނޭ ފަދަ ގޮތަކަށް ފަރުމާކުރެވިފައިވާ ކަސްރަތު ސެޝަންތައް.
• ބަރުދަން ލުއިކުރުމުގެ މުބާރާތެއް ކުރިއަށްދާނެއެވެ.
• އެންމެ އެދެވޭ ގޮތެއްގައި ބަރުދަން ލުއިކުރާ 3 ފަރާތަކަށް އަގުހުރި ފައިސާގެ އިނާމު ދެވޭނެއެވެ.
• ޕްރޮގްރާމް ފުރިހަމަކުރާ ހުރިހާ ބައިވެރިންނަށް ސެޓުފިކެޓާއި ހަނދާނީ ހަދިޔާ ދެވޭނެއެވެ.

ބައިވެރިވުމަށް ރަޖިސްޓްރީކުރުން:
މި ޕްރޮގްރާމްގައި ބައިވެރިވާން އެދޭ ކަނބަލުން ތިރީގައިވާ ގޫގަލް ފޯމް ލިންކް މެދުވެރިކޮށް 27 ސެޕްޓެމްބަރ 2026 ގެ ކުރިން ރަޖިސްޓްރީ ކުރެއްވުން އެދެމެވެ.

ރަޖިސްޓްރީ ކުރާނެ ލިންކް: https://forms.gle/1MJPY3Z5bmGn3KEy6

ދުޅަހެޔޮ ދިރިއުޅުމަކަށް އެޅޭ މި މުހިންމު ފިޔަވަޅުގައި ރަށުގެ ވީހާވެސް ގިނަ ކަނބަލުން ބައިވެރިވުމަކީ މި ކޮމިޓީގެ ވަރަށް ބޮޑު އެދުމެކެވެ. އިތުރު މަޢުލޫމާތު ހޯއްދެވުމަށް އ.ތ.މ. ކޮމިޓީގެ ނައިބު ރައީސާ އާމިނަތު ސަލީލާ (ފޯން ނަންބަރު: 7545541) އަށް ގުޅުއްވުން އެދެމެވެ.