މަޤާމު، ރޭންކް އަދި ބާވަތް:

ކެމްޕަސް މެނޭޖަރ  (ސ.މަރަދޫފޭދޫ ކެމްޕަސް)

ބޭނުންވާ އަދަދު: 1

މަސައްކަތްކުރަން ޖެހޭ ތަން:

ދިވެހިރާއްޖޭގެ އިސްލާމީ ޔުނިވަރސިޓީ (އައްޑޫ މަރަދޫފޭދޫ ކެމްޕަސް)

ކެމްޕަސް މެނޭޖަރ  (ސ.މަރަދޫފޭދޫ ކެމްޕަސް) -ދާއިމީ

މަޤާމުގެ މަސައްކަތާގުޅޭ ތަޢުލީމީ ދާއިރާތައް:

ޕަބްލިކް ފައިނޭންސް، ފައިނޭންސް، އެކައުންޓިންގ، އެކައުންޓިންގ އެންޑް ފައިނޭންސް، ފައިނޭންޝަލް މެނޭޖްމަންޓް، ފައިނޭންޝަލް މާކެޓްސް، ފައިނޭންޝަލް ޕްލޭނިންގ، ބޭންކިންގ، އިސްލާމިކް ފައިނޭންސް، އިސްލާމިކް ބޭންކިންގ އެންޑް ފައިނޭންސް، ފައިނޭންޝަލް އިންޖިނިއަރިންގ، ފައިނޭންޝަލް އިކޮނޮމިކްސް، ކޮމާރސް، ބިޒްނަސް، ޝަރީޢާ އެންޑް ލޯ، އިސްލާމިކް ސްޓަޑީސް، އެޑިއުކޭޝަން

މަސައްކަތުގެ ދާއިރާތައް:

އެޑްމިނިސްޓްރޭޝަން ދާއިރާ

މަޤާމުގެ މަސްއޫލިއްޔަތު:

-  ޔުނިވަރސިޓީގެ ސްޓްރެޓީޖިކް ޕްލޭނާއި އޮޕަރޭޝަން ޕްލޭނާ އެއްގޮތަށް ޔުނިވަރސިޓީގެ ކެމްޕަސްތަކުގެ މަސައްކަތްތައް ތަރުތީބުކޮށް ތަންފީޒުކުރުން.

-  ކެމްޕަސްތަކަށް ދަތުރުކުރާ ފަރާތްތަކުގެ ތާވަލުތައް ހެދުމާއި ދަތުރުތަކާ ގުޅިގެން ހަމަޖައްސަންޖެހޭ ލޮޖިސްޓިކް އިންތިޒާމުތައް އަދި ޓްރެވަލް އެރޭންޖްމަންޓްތައް ހަމަޖެއްސުން.

-  ކެމްޕަސްތަކުގައި މަސައްކަތްކުރާ އިދާރީ މުވައްޒަފުންނާ މަސައްކަތް ޙަވާލުކުރުމާއި، މަސައްކަތް ކުރާ ނުކުރާގޮތް ސުޕަވައިޒްކުރުމާއި، މުވައްޒަފުންގެ މަސައްކަތުގެ ފެންވަރު ބަލައި ވަޒަންކޮށް އަޅަންޖެހޭ ފިޔަވަޅުތައް އެޅުން.

-  ފުރިހަމަކަމާއި ނަތީޖާ ނެރެވޭ މެނޭޖްމަންޓް ނިޒާމެއް ޔުނިވަރސިޓީ ކެމްޕަސް ގަވަނަންސްގެ ނިޒާމުގައި ޤާއިމްކުރުން.

-  މައްސަލަތައް ޙައްލުކުރުމަށް އިސްވެ ހަރަކާތްތެރިވުމާއި އެކިކަންކަމާ ގުޅިގެން ޖަލްސާތައް ބާއްވައި، ކަންކަމާމެދު ގޮތްތައް ނިންމުން.

-  މަސްއޫލިއްޔަތު އުފުލުމާއި ގަވާއިދުތަކަށާއި ވާޖިބުތަކަށް ހުރުމަތްތެރިކޮށް ހިތުމުގެ ކަލްޗަރެއް ކެމްޕަސްތަކުގައި އަށަގެންނެވުން.

-  ޔުނިވަރސިޓީގެ ސިޔާސަތުތަކަށާއި އުޞޫލުތަކަށް ޢަމަލުކުރުމުގައި ނަމޫނާ ދެއްކުން.

-  އެކިކަންކަމާ ގުޅިގެން އަމިއްލަ ފަރާތްތަކާއި ސަރުކާރާއި މަރުކަޒީ ޑިޕާރޓްމަންޓުތަކުން އެދޭ ރިޕޯޓްތައް ވަގުތަށް ތައްޔާރުކުރުން.

-  ކެމްޕަސްތަކުގެ ޢުމްރާނީ ތަރައްޤީއާއި މަރާމާތާއި މުވައްޒަފުންގެ މަސައްކަތް ވިލަރެސްކުރުމާއި ޕްރޮގްރާމްތައް ހިންގުމުގައި ވާނުވާ ބެލުން.

-  ކެމްޕަސްތަކުގެ އެކްޝަން ޕްލޭން އެކުލަވާލައި އެ ޕްލޭން ތަންފީޒުކުރުމުގައި އިސްވެ ޙަރަކާތްތެރިވުން.

-  ޔުނިވަރސިޓީގެ ސިޔާސަތުތަކާބެހޭ ގޮތުން ޔުނިވަރސިޓީގެ މަރުކަޒުތަކުގެ މުވައްޒަފުންނަށް އިރުޝާދު ދިނުން.

-  ކެމްޕަސްތަކުގެ ކޯސްތަކުގެ ޕްރޮފައިލް ފުޅާކޮށް، އައު ކޯސްތައް ފެށުމަށް މަސައްކަތްކުރުމާއި، ކެމްޕަސްގައި ހިންގާ އެންމެހާ ކޯސްތަކަށް ދަރިވަރުން ހޯދުމަށް ކުރަންޖެހޭ މަސައްކަތްތައް ކުރުން.

-  ކޯސްތަކަށް ދަރިވަރުން ރެކްރޫޓްކުރުމުގައި އިސްވެ ޙަރަކާތްތެރިވުން.

-  ކެމްޕަސްތަކުގެ ހަރުމުދަލުގެ އިންވެންޓަރީ ބެލެހެއްޓުމާއި ޢުމްރާނީ ވަޞީލަތްތައް (ކިލާސްރޫމްތަކާއި އެހެނިހެން ޖާގަތައް) މަރާމާތުކޮށް ބަލަހައްޓައި އެތަންތަނުގެ ފުރިހަމަ ބޭނުން ކުރުން. އަދި އައު ޖާގަތައް ޕްލޭންކޮށް ހޯދައި ހަމަޖެއްސުމުގައި އެހީތެރިވުން.

-  ކެމްޕަސްގެ ބަޖެޓް އެކުލަވާލުމުގައާއި ބަޖެޓް ޔުޓިލައިޒްކުރުމުގައި ބޭނުންވާ ވަސީލަތްތައް ހޯދުމަށް ބަޖެޓުން ކުރެވޭ ޚަރަދު ކޮންޓްރޯލްތަކާ އެއްގޮތަށް ކުރުމަށް އެހީތެރިވުން.

ވަޒީފާއަށް އެންމެ ޤާބިލު ފަރާތެއް ހޮވުމަށް ބެލޭނެ ކަންތައްތައް:

• ލިބިފައިވާ ތަޢުލީމާއި ތަމްރީނު (ގުޅޭ ދާއިރާއިން)
• ލިބިފައިވާ މަސައްކަތުގެ ތަޖުރިބާ (ގުޅޭ ދާއިރާއިން)
• ލިބިފައިވާ ހުނަރު (އިންޓަރވިއު/ޕްރެކްޓިކަލްސް)
• އަނގަބަހުންނާއި އަދި ލިޔުމުން މުއާސަލާތުކުރުމުގެ ހުނަރުތައް ފުރިހަމައަށް ހުރުން

ވަޒީފާއަށް އެދި ހުށަހަޅަންޖެހޭ ލިޔެކިޔުންތައް:

• ދިވެހިރައްޔިތެއްކަން އަންގައިދޭ ކާޑުގެ ސާފު ކޮޕީ (ދެ ފުށް ފެންނާނެހެން ކިޔަން އެނގޭ ފަދަ ސާފު ކޮޕީއެއް)
• ވަޒީފާގައި އުޅުއްވާ ނުވަތަ އުޅުއްވާފައިވާ ބޭފުޅެއްނަމަ އަދާކުރައްވާ ނުވަތަ އަދާ ކުރެއްވި ވަޒީފާގެ މަސްއޫލިއްޔަތު އެނގޭނެ ރަސްމީ ލިޔުމެއް
• ވަޒީފާއަށް ކުރިމަތިލާ ފަރާތުގެ މަސައްކަތް ބެލެހެއްޓެވި ސްޕަރވައިޒަރަކު އެފަރާތެއްގެ މަސައްކަތާ މެދު ދެކޭ ގޮތުގެ ލިޔުމެއް
• ލިބިފައިވާ ތަޢުލީމީ ސެޓްފިކެޓްތަކާއި ޓްރާންސްކްރިޕްޓްތަކުގެ ކޮޕީ (ރާއްޖެއިން ބޭރުގެ ޔުނިވަރސިޓީ އަކުން ނުވަތަ ކޮލެޖަކުން ހަދާފައިވާ ކޯހެއްނަމަ އެކްރިޑިޓް ނުވަތަ ވެލިޑޭޓް ކޮށްފައިވާ ކޮޕީ) 
• ވަޒީފާއަށް ކުރިމަތިލާ ފަރާތުގެ ވަނަވަރު (ގުޅޭނެ ފޯނު ނަންބަރާއެކު)

ވަޒީފާއަށް އެދި ހުށަހަޅާނެ ގޮތް:

• ވަޒީފާއަށް އެދި ހުށަހަޅާނީ ތިރީގައި މި ވާ ލިންކް ބޭނުންކޮށްގެންނެވެ.
• https://forms.gle/Cr7bRp53WPZw7vZaA
• އަޕްލޯޑްކުރާ އެންމެހާ ލިޔެކިޔުންތައް ހުންނަންވާނީ ސާފުކޮށް ކިޔަން އެނގޭނެ ފަދަ ގޮތަކަށެވެ.

• އިޢުލާނުގައި ބަޔާން ކުރެވިފައިވާ ހުރިހާ ލިޔެކިޔުންތައް އެޕްލިކޭޝަނާއެކު ފޮނުވަން ޖެހޭނެއެވެ.

އިޢުލާނުގެ މުއްދަތު ހަމަވާ ތާރީޚް:

• 10 ސެޕްޓެންބަރު 2026 ދުވަހުގެ 23:59 އަށް

ނޯޓް:

• އިޢުލާނުގެ މުއްދަތުގެ ތެރޭގައި ފޮނުވާ އެއްވެސް އެޕްލިކޭޝަނަކަށް، އިޢުލާނުގެ މުއްދަތު ހަމަނުވަނީސް ޢަމަލެއް ނުކުރާނެއެވެ.
• އިޢުލާނުގައި ބަޔާންކޮށްފައިވާ ލިޔެކިޔުންތައް ފުރިހަމަ ނުވާ އެޕްލިކޭޝަންތައް ބާޠިލުވާނެއެވެ.
• އިންޓަރވިޔު ކުރެވޭނީ އިޢުލާނުގައި ބަޔާންކުރެވިފައިވާ މަޤާމަށް ޝަރުޠު ހަމަވާ ކެންޑިޑޭޓުންގެ ތެރެއިން ޝޯޓްލިސްޓް ކުރެވޭ ފަރާތްތަކާ އެކަންޏެވެ.
• މަޤާމަށް ނުހޮވޭ ކެންޑިޑޭޓުންނަށް ސިޓީ ފޮނުވޭނީ އިންޓަރވިއުކޮށް ނިމުމަށް ފަހުގައެވެ.

• މިމަޤާމަށް ހޮވޭ މުވައްޒަފަކު މަސައްކަތް ކުރައްވަން ޖެހިވަޑައިގަންނަވާނީ ހެނދުނު 8:00 އިން މެންދުރު 14:00 އަށެވެ.

• މި މަގާމަށް މީހަކު ހޮވުމަށް އިންޓަރވިއުކުރުން އޮންނާނީ 11 ސެޕްޓެންބަރު 2026 ވަނަ ދުވަހުން 15 އޮކްޓޫބަރ 2026 ވަނަ ދުވަހުގެ މުއްދަތުގެ ތެރޭގައެވެ. އިންޓަރވިއު އޮންނާނެ ތަނަކާއި ވަގުތު ކެންޑިޑޭޓުންނަށް ދުރާލާ އެންގޭނެއެވެ. ވުމާއެކު ވަޒީފާއަށް ކުރިމަތިލާ ފަރާތްތަކުން، މަތީގައިވާ ތާރީޚުތަކުގައި އިންޓަރވިއުއަށް ހާޒިރުވުމަށް ތައްޔާރުވެގެން ތިއްބެވުން އެދެމެވެ.

އިތުރު މަޢުލޫމާތު:

• މަޢުލޫމާތު ސާފުކުރުމަށް ގުޅާނީ، 1405 ހޮޓްލައިނަށެވެ.
• މި މަޤާމަށް ހޮވޭ ކެންޑިޑޭޓަކު ވަޒީފާއަށް ނުކުންނަ ތާރީޚުން ފެށިގެން ފުރަތަމަ 3 މަސްދުވަސް ބެލެވޭނީ، ވަޒީފާގެ ޕްރޮބޭޝަން މުއްދަތުގެ ގޮތުގައެވެ. މި މުއްދަތުގެ ތެރޭގައި މުވައްޒަފުގެ މަސައްކަތުގެ ފެންވަރާއި، މަސައްކަތްތަކުގެ އަޚުލާޤަށް ބަލައި،  އެއްވެސް ނޯޓިހެއް ދިނުމަކާނުލައި، ވަޒީފާގެ އެއްބަސްވުން އުވާލައި، މުވައްޒަފު ވަޒީފާއިން ވަކިކުރުމުގެ އިޚުތިޔާރު ޔުނިވަރސިޓީއަށް ލިބިގެންވެއެވެ.