މިރަށު އޮޑިދޯނިފަހަރު އެހެލުމަށް ޚާއްސަކުރެވިފައިވާ ސަރަޚައްދު ތަރައްޤީކުރުމުގެ މަސައްކަތް މިކައުންސިލުން ކުރަންބޭނުންވާތީ، އެބިމުގައި އަމިއްލަ ފަރާތްތަކުން އިންދާފައިވާ ފޯދުނު 39 ރުއް އަދި ނުފޯދޭ 16 ރުއް ކަނޑަން ބޭނުންވެއެވެ. އޮޑިއެހެލާ ސަރަޚައްދުގެ އިރު އުތުރުން ކެނޑުމަށް ހަމަޖެހިފައިވާ ފޯދުނު ރުއްތަކުގައި O/01 އިން O/39 އަދި ނުފޯދޭ ރުއްތަކުގައި N/01 އިން N/16 އަށް ނޫކުލައިން ނަންބަރުޖަހައި ފާހަގަ ކޮށްފައިވާނެއެވެ.               

   ވީމާ، މިދެންނެވިގޮތަށް ނަންބަރު ޖަހާފައިހުރި ރުއްތަކުގެ ވެރިފަރާތްތަކުން ރުކުގައި ޖަހާފައި ހުރި ނަންބަރު އަދި އެއީ އެފަރާތެއްގެ ރުކެއްކަން އެނގޭނޭ ދެ ހެކިވެރިންގެ މަޢުލޫމާތާއެކު 28 ޖުލައި 2026 ވަނަ ދުވަހުގެ މެންދުރު 12:00 ކުރިން މިޢިދާރާއަށް ސިޓީއަކުން ހުށައެޅުއްވުން އެދެމެވެ.

   މިހެންވެ މިކަން އާއްމުކޮށް އެންގުމަށްޓަކައި އިޢުލާން ކުރީމެވެ.