މި ކޯޓުގައި ހުރި ބާވެ ހަލާކުވެފައިވާ ތަކެތި ނީލަން ކިއުން!

             މި ކޯޓުގައި ހުރި ބާވެ ހަލާކުވެފައިވާ ބައެއް ހަރުމުދާ ދުވަހު ނީލަމުގެ އުޞޫލުން ނީލަން ކިއުން 2026 ޖުލައި 7 ވާ އަންގާރަ  ދުވަހުގެ 16:30 ގައި މި ކޯޓުގައި އޮންނާނެއެވެ. އެދުވަހުގެ ނީލަމުގައި ނީލަންކިޔާނީ 2026 ޖުލައި 3 ވާ ހުކުރު ދުވަހު ނީލަމުގައި ނުވިކި ހުރި ބައިތަކެވެ. މި ތަކެތި  ނީލަންކިޔުން ކުރިއަށް ގެންދާނީ ލޮޓްތަކަށް ބަހާލެވިގެންނެވެ.  

             މި ތަކެތި ބަލަން ބޭނުންވާ ފަރާތްތަކުން 2026 ޖުލައި 7 ވާ އަންގާރަ ދުވަހުގެ 14:00 ން 15:00 ށް މި ކޯޓަށް ޙާޟިރުވުން އެދެމެވެ. ނީލަން ކިއުމަށް ހަމަޖެހިފައިވާ ތަކެތީގެ މަޢުލޫމާތު އަދި ނީލަން ފެށޭ އަގު މި އިޢުލާނާއެކު އެއްފަތްކުރެވިފައިވާނެއެވެ.

             ވީމާ، ނީލަމުގައި ބައިވެރިވުމަށް ބޭނުންވާ ފަރާތްތަކުން ދިވެހި ރައްޔިތެއްކަން އަންގައިދޭ ކާޑު ހިފައިގެން 2026 ޖުލައި 7 ވާ އަންގާރަ ދުވަހުގެ 16:30 އަށް މި ކޯޓަށް ޙާޟިރުވެ ނީލަމުގައި ބައިވެރިވުން އެދެމެވެ.

             ނީލަން ކާމިޔާބު ކުރާ ފަރާތުން ސަރުކާރު ބަންދު ނޫން 3 ދުވަހުގެ ތެރޭގައި، ނީލަން ކިއުނު ތަކެތީގެ ފައިސާ މިނިސްޓްރީ އޮފް ފިނޭންސުގެ ބަނޑޭރިޕޯޓަލް  https://bandeyripay.finance.gov.mvމެދުވެރިކޮށް ދެއްކުމަށްފަހު ސަރުކާރު ބަންދު ނޫން  3 ދުވަހުގެ ތެރޭގައި ތަކެތި ގެންދަންވާނެއެވެ. އަދި މިކަމާބެހޭގޮތުން އިތުރު މަޢުލޫމާތު އޮޅުންފިލުވުމަށް މި ކޯޓުގެ  ނަންބަރު 6608011 ފޯނަށް ގުޅުއްވުން އެދެމެވެ.

             މިހެންވެ މިކަންޢާންމުކޮށްއެންގުމަށްޓަކައި އިޢުލާންކުރީމެވެ.