އިޢުލާން

އޮޑިވެރިންނާ ބައްދަލުކުރުން

                 ދިގުރަށުގެ ފަޅާއި ފަޅުތެރެ ބޭނުންކުރުމާ ގުޅޭގޮތުންނާއި، ލަފާފުރުމުގެ ކަންކަން އިތުރަށް ހަރުދަނާކޮށް ލިބޭ ހިދުމަތްތައް ރަނގަޅުކުރުމަށްޓަކައި، ރަށުގެ އޮޑިވެރިންނާ ބައްދަލުކޮށް މަޝްވަރާކުރުމަށް މި ކައުންސިލުން ބޭނުންވެއެވެ.

                  މީގެ އިތުރުން، ފަޅާއި ބަނދަރުގެ ކަންކަމުގައި ކައުންސިލަށް ބޭނުންވާ ހިޔާލާއި ފަންނީ މަޝްވަރާ ދިނުމަށްޓަކައި، ރަށުގެ އޮޑިވެރިންގެ ތެރެއިން ހޮވާލެވޭ "އޮޑިވެރިންގެ ލަފާދޭ ކޮމިޓީ" އެއް އެކުލަވާލުމަށްވެސް މި ކައުންސިލުން ވަނީ ނިންމާފައެވެ. އަދި މި ބައްދަލުވުމުގެ ތެރެއިން މި ދެންނެވި ކޮމިޓީގައި ބައިވެރިވާން ބޭނުންފުޅުވާ ފަރާތްތައް ހޮވުމުގައި އަމަލުކުރާނެ ގޮތް ވެސް ރައްޔިތުންނާ ހިއްސާކުރެވިގެންދާނެއެވެ.

                 ވީމާ، ދިގުރަށުގެ އެންމެހައި އޮޑިވެރިން (ނުވަތަ އޮޑިދޯނިފަހަރުގެ ކެޕްޓަނުން/މަސްއޫލުވެރިން) ތިރީގައިވާ ގަޑިއަށް މި ބައްދަލުވުމަށް ވަޑައިގެންދެއްވުން އެދި ދަންނަވަމެވެ.

 ތާރީޚް: 02 ޖުލައި 2026

 ގަޑި: 20:30

 ތަން: ދިގުރަށު ކައުންސިލް އިދާރާގެ މީޓިންގ ރޫމް

            މި ބައްދަލުވުމަކީ ރަށުގެ ތަރައްޤީއަށާއި، ކަނޑުދަތުރުފަތުރާއި ލަފާފުރުމުގެ ކަންކަމުގައި ހުރި ދަތިތަކަށް ހައްލު ހޯދުމަށް ބޭއްވޭ މުހިންމު ބައްދަލުވުމަކަށްވާތީ، ހުރިހާ އޮޑިވެރިންވެސް ގަޑިއަށް ސަމާލުކަންދީ، މި ބައްދަލުވުމުގައި ބައިވެރިވެވަޑައިގެންދެއްވުމަކީ މި ކައުންސިލްގެ ވަރަށް ބޮޑު އެދުމެކެވެ.

          14مُحَرَّم1448  

         29 ޖޫން 2026

   އިބްރާހީމް ޢުޘްމާން

  ކައުންސިލްގެ ރައީސް