ކެމިޓްރާން ނެގަރާ ބާކެންބަންގް(ކޭއެންބީ) ސްކޮލަރޝިޕް 2026 - އިންޑޮނޭޝިއާ

2026 ދިރާސީ އަހަރު އިންޑޮނޭޝިއާ ކެމިޓްރާން ނެގަރާ ބާކެންބަންގް ސްކޮލަރޝިޕްއަށް އެޕްލިކޭޝަން ހުށަހެޅުމުގެ ފުރުޞަތު 3 މާރިޗް އިން 21 މާރިޗް 2026  ގެ ނިޔަލަށް ހުޅުވާލާފައިވާކަމަށް އިންޑޮނޭޝިއާ އެންބަސީ އިން ވަނީ އަންގަވާފައެވެ. މި ސްކޮލަރޝިޕްގެ ދަށުން ބެޗްލަރސް ޑިގްރީ، މާސްޓަރސް ޑިގްރީ އަދި ޕީ.އެޗް.ޑީ ގެ ޕްރޮގްރާމްތަކަށް އެޕްލިކޭޝަން ހުށަހެޅޭނެއެވެ. އަދި މި ސްކޮލަރޝިޕްގެ ދަށުން ހިމެނޭ ކޯސްތައް ކުރިއަށް ގެންދަން ހަމަޖެހިފައިވަނީ އިންޑޮނޭޝިއާ ބަހުން ކަމަށާއި، އިންޑޮނޭޝިއަން ލެންގްއޭޖް ކްލާސަސް (BIPA) ގެ ދަށުން އިންޑޮނޭޝިއާ ބަސް ދަސްކުރުމުގެ 1 އަހަރު ދުވަހުގެ ކޯހެއް ފުރިހަމަކުރެވޭނެކަން އެފަރާތުން ފޮނުއްވާފައިވާ މަޢުލޫމާތު ކަރުދާހުގައި ވަނީ ބަޔާންކުރައްވާފައެވެ. 

މިސްކޮލަރޝިޕަށް ކެންޑިޑޭޓުން ހޮވުމުގެ ހުރިހާ މަސައްކަތެއް ކުރާނީ ސްކޮލަރޝިޕް ދޭ ފަރާތުންނެވެ. މިކޯސްތަކަށް ކުރިމަތިލުމުގެ ޝަރުތުތަކާއި އެޕްލައިކުރެވޭނެ ދާއިރާތަކާއި އިތުރު މައުލޫމާތު މިއިޢުލާނާއިއެކު މިމިނިސްޓްރީގެ ވެބްސައިޓް www.mohe.gov.mv އާއި https://kuri.gov.mv ލިބެން ހުންނާނެއެވެ. ސްކޮލަރޝިޕަށް އެލްޕިކޭޝަން ހުށަހެޅުމަށްޓަކައި، ތިރީގައިވާ ލިންކް އަދި އީމެއިލް އެޑްރެސް ބޭނުންކުރެވޭނެއެވެ.

-   https://knb.kemdiktisaintek.go.id

- [email protected]

އަދި ރާއްޖޭގެ ދަރިވަރުން ސްކޮލަރޝިޕްއަށް ހުށަހަޅަންޖެހޭ "ރިކޮމެންޑޭޝަން ލެޓަރ" އަދި އިތުރު މަޢުލޫމާތު ހޯއްދެވުމަށް ކޮޅުނބުގައި ހުންނަ އިންޑޮނޭޝިއާ އެމްބަސީގެ ހޮޓްލައިންގެ ތަފްސީލް ތިރީގައި ބަޔާންކުރަމެވެ.

Hotline: +94 7688 48106

Email: [email protected]

................................................................................................................................................................................

*  މިކޯސްތަކަށް ހޮވޭ ފަރާތްތަކުން، ކޯހަށް ފުރުމުގެ ކުރިން ކޯސް ހިންގާ އިންސްޓިޓިއުޓަކީ މޯލްޑިވްސް ކޮލިފިކޭޝަންސް އޮތޯރިޓީ (އެމް.ކިޔު.އޭ) އިން ޤަބޫލުކުރާ އިންސްޓިޓިއުޓެއްކަމާއި، ހޮވިފައިވާ ކޯހަކީ އެމް.ކިޔު.އޭ އިން ޤަބޫލުކުރާ ކޯހެއްކަން ކަށަވަރު ކުރުން އެދެމެވެ.

* މީގެއިތުރުން ރާއްޖޭގައި މަސައްކަތް ކުރުމަށް ވަކި ލައިސެންސެއް އޮންނަންޖެހޭ ދާއިރާއެއްގެ ކޯހެއް ހެދުމަށް ހޮވޭ ފަރާތްތަކުން، ކޯހަށް ފުރުމުގެ ކުރިން އެކޯހަކީ ކަމާބެހޭ އިދާރާތަކުން (މިސާލު: މޯލްޑިވްސް އެލައިޑް ހެލްތް ކައުންސިލް، މޯލްޑިވްސް ނަރސިންގ އެންޑް މިޑްވައިފްރީ ކައުންސިލް، މޯލްޑިވްސް މެޑިކަލް އެންޑް ޑެންޓަލް ކައުންސިލް، ސިވިލް އޭވިއޭޝަން އޮތޯރިޓީ) ޤަބޫލުކުރާ މަރުކަޒެއްގައި ހިންގާ އެ އިދާރާއަކުން ޤަބޫލުކުރާ ކޯހެއްކަން ކަށަވަރު ކުރުން އެދެމެވެ.