1447 ވަނަ އަހަރުގެ ރަމާޟާންމަހު ފިޠުރުޒަކާތް ބަލައިގަތުން ކުރިޔަށްގެންދިޔުމަށް ހަމަޖެހިފައިވަނީ  މޯލްޑިވްސް ޒަކާތު ހައުސްއިން ކަނޑައަޅައި އާންމުކޮށްފައިވާ އޮންލައިން ޕްލެޓްފޯމްތައް މެދުވެރިކޮށްކަމުގައި ދަންނަވަމެވެ. ނަމަވެސް އޮންލައިން ޕްލެޓްފޯމްތައް މެދުވެރިކޮށް ޒަކާތްދެއްކުމަށް ދަތިތަކާއި ކުރިމަތިވާ ފަރާތްތަކަށް ޚާއްސަކޮށް ، ރަމަޟާންމަހުގެ 5 ވަނަ ދުވަހުން ފެށިގެން 20 ވަނަ ދުވަހުގެ ނިޔަލަށް ރަސްމީ ބަންދުނޫން ކޮންމެ ދުވަހެއްގެ ހެނދުނު 09:00 އިން 12:00 އަށް ނަޤުދު ފައިސާއިން ޒަކާތްބަލައި ގަތުން "ކައުންސިލް އިދާރާގައި" ގައި ކުރިޔަށްދާނެއެވެ.

 އޮންލައިންކޮށް ފިޠުރު ޒަކާތް ބަލައިގަތުމަށް ޒަކާތު ހައުސްއިން ކަނޑައަޅައި އާންމުކޮށްފައިވާ އޮންލައިން ޕްލެޓްފޯމްތައް.

ފިޠުރު ޒަކާތުގެ މިންވަރަކީ 2.4 ކިލޯއެވެ. ޒަކާތް ނެރޭނީ އަހަރުތެރޭގައި އާންމުކޮށް ކައިއުޅުނު ބާވަތަކަށް ބަލައިގެންނެވެ. މިއިދާރާއަށް ފިޠުރު ޒަކާތް ބަލައިގަތުމަށް ހަމަޖެހިފައިވަނީ 2.4 ކިލޯގެ ގޮވާމުގެ މިންވަރަށްވާ ފައިސާއިންނެވެ. ޒަކާތް ދައްކަވަން ވަޑައިގަންނަވާއިރު އެބޭފުޅަކު ދައްކަވަންޖެހޭ އަދަދަށް ފައިސާ ހަމައަށް ހިއްޕަވައިގެން ވަޑައިގެންނެވުމަށް ދަންނަވަމެވެ. ޒަކާތްދެއްކުމުގައި ވަރަށް ގިނަފަހަރު އޮޅިގެން އެއްގެއަކަށް ދެފަހަރަށް ޒަކާތް ދެއްކޭގޮތް މެދުވެރިވާތީ، ޒަކާތް ދެއްކުމުގެ ކުރިން އެގެއަކުން ޒަކާތް ދައްކާފައި ނުވާކަން ޔަގީންކުރައްވައި ޒަކާތް ދެއްކުމަށް ވަޑައިގަތުމަށް ދަންނަވަމެވެ. ފިޠުރު ޒަކާތުގެ ގޮތުގައި އެކިއެކި ގޮވާމުގެ ބާވަތްތަކުން ދައްކަންޖެހޭ ފައިސާގެ އަދަދުތައް ތިރީގައި އެވަނީއެވެ.