ސަރުކާރުގެ ބޯހިޔާވަހިކަމުގެ ސިޔާސަތުގެ ދަށުން ދޫކުރާ ބިން/ފުލެޓަށް ކުރިމަތިލުމަށް ޓަކައި އެފަރާތަކީ މާލޭގައި ނުވަތަ ރަށުން ބޭރުގައި ދިގު މުއްދަތެއް ވަންދެން ދިރިއުޅޭ ފަރާތެއްކަން އަންގައިދޭ ލިޔުން ހޯދުމަށް އާންމުންގެ ތެރެއިން ގިނަ ފަރާތްތަކުން މިކައުންސިލަށް ހުށަހަޅަމުންގެންދާތީ ދަންނަވަމެވެ.

        ލޯކަލް ގަވަރމަންޓް އޮތޯރިޓީގެ ނަމްބަރ: -CCS/2026/05(ޖަނަވަރީ 2026 ) ގެ ސިޓީއިން، ރަށު ކައުންސިލަކުން މާލޭގައި ދިރިއުޅެފައިވާ މުއްދަތު ބަޔާންކޮށް ދޫކުރާ ލިޔުމަކީ އެ ކައުންސިލެއްގައި ބަލަހައްޓާ މަޢުލޫމާތު މައްޗަށް ބިނާކޮށް ދޫކުރެވޭ ލިޔުމަކަށް ވާންޖެހޭނެ ކަމަށް އަންގާފައިވެއެވެ.

        ވީމާ، މިފަދަ ލިޔުމެއް ކައުންސިލުން ހޯދުމަށް އެދި ހުށަހަޅާނަމަ، އަންނަނިވި ކަންކަން ފުރިހަމަކޮށް މި އިދާރާގެ ކައުންޓަރަށް ނުވަތަ [email protected]  އަށް އީ.މެއިލުން، ހުށަހެޅުމަށް ދަންނަވަމެވެ.:

1. މާލޭގައި ނުވަތަ ރަށުން ބޭރުގައި ދިރިއުޅޭ ފަރާތެއް ކަމާއި، ދިރިއުޅޭ ތަނުގެ މަޢުލޫމާތާއި، ރަށުން ބޭރުގައި ދިރިއުޅެފައިވާ މުއްދަތު ބަޔާންކުރުމަށްފަހު ސިޓީ ހުށަހެޅުން.
2. ސިޓީއަކާއެކު.... މާލޭގައި ނުވަތަ އެނޫންވެސް ތަނެއްގައި ދިރުއެޅެމުންދާ ފަރާތެއްކަން އަންގައިދޭ ސަރުކާރުގެ ރަސްމީ އިދާރާއަކުން ނުވަތަ ކުންފުންޏަކުން ދޫކޮށްފައިވާ މުއްދަތު ބަޔާންކޮށްފައިވާ ރަސްމީ ލިޔުމެއް ( ވަޒީފާ އަދާކުރާކަމުގެ ލިޔުން، ސުކޫލް ލީވިންގ ސެޓްފިކެޓް ފަދަ މިނޫނަސް ކައުންސިލަށް ޤަބޫލުކުރެވޭ ފަދަ ލިޔުމެއް) ހުށަހެޅުން.

• މިހާރު މި ލިޔުން ހޯދުމަށް އެދި ހުށައަޅާފައިވާ ފަރާތްތަކުންވެސް ދެންނެވުނު ލިޔުންތައް މި އިދާރާގެ އީމެއިލް  [email protected] އަށް ފޮނުއްވައިދެއްވުމަށް ދަންނަވަމެވެ.

       މިގޮތަށް ހުށައަޅަމުން ގެންދާ ފަރާތްތައް، މި ކައުންސިލުން ވަކި ދަފްތަރެއްގައި މި މައުލޫމާތު ރިކޯޑްކުރުމަށްފަހު، އެފަދަ ލިޔުންތައް ދޫކުރަމުން ގެންދާނެއެވެ. އަދި، ހުށަހަޅާ ލިޔުންތަކުން، އެމީހަކު މާލޭގައި ނުވަތަ އެހެން ރަށެއްގައި ދިރުޅޭކަން ކައުންސިލަށް ޔަޤީން ނުކުރެވޭނަމަ އެފަދަ ލިޔުމެއް ދޫކުރެވެން ނެތް ކަމުގައި ދަންނަވަމެވެ.

       ވީމާ، މިކަން އާންމުކޮށް އެންގުމަށްޓަކައި އިޢުލާން ކުރީމެވެ.