އިޢުލާން

މާލެ ސިޓީގެ ގޭގޭ ގައި ހުރި، ނައްތާލަން ބޭނުންވާ، ބާވެ ނުވަތަ ހަލާކުވެފައިވާ މުޞްޙަފް ތަކާއި ކީރިތި ޤުރުއާނުގެ އާޔަތް ތަކާއި ކީރިތި ރަސޫލާގެ ( صلى الله عليه وسلم )  ޙަދީޘްތައް ލިޔެފައި ހުންނަ ފޮތްތަކާއި ލިޔުންތައް، މި އިދާރާ އާ ހަވާލު ކުރެވޭނެ އިންތިޒާމް ހަމަޖައްސައި، 22 ޖެނުއަރީ 2026 ގައި ކުރެވުނު މި އިދާރާގެ ނަންބަރ (IUL)425-A1/1/2026/10 ގެ އިޢުލާނުން، އެފަދަ ތަކެތި ބަލައިގަތުމަށް ހަމަޖައްސާފައިވާ މުއްދަތު، 1 ހަފުތާއަށް އިތުރުކޮށް، ތިރީގައި އެވާ ގޮތުގެމަތީން އެކަން ކުރިއަށް ގެންދިއުމަށް ވަނީ ހަމަޖެހިފައެވެ.

ތަކެތި ގެނެވޭނެ މުއްދަތު

31 ޖެނުއަރީ 2026 ވާ ހޮނިހިރު ދުވަހުން ފެށިގެން، 5 ފެބްރުއަރީ 2026 ވާ ބުރާސްފަތި ދުވަހަށް، ކޮންމެ ދުވަހެއްގެ ހެނދުނު 9:00 އިން މެންދުރު 12:00 އަށް، މެންދުރު ފަހު 1:00 އިން ހަވީރު 5:00 އަށް.

ތަކެތި ބަލައިގަންނަ ތަންތަން

މާލެ : ސިނަމާލެ 3 ގެ ގޯތިތެރެ ( ގަލޮޅު މަދުރަސާ ކުރިމަތިން ބުރުޒުމަގުން ސިނަމާލެ 3 ގެ ގޯތިތެރެއަށް ވަދެވޭ ގޭޓުން އެތެރެ )

ވިލިމާލެ : މާލޭ ސިޓީ ކައުންސިލް އިދާރާގެ ވިލިމާލެ ސެކްޝަން

ހުޅުމާލެ : މާލޭ ސިޓީ ކައުންސިލް އިދާރާގެ ހުޅުމާލެ އޮފީސް ( އަމީން އެވެނިއު މެޕްލް ފަސްޓް ފްލޯރ )  

މި އިދާރާއިން ބަލައިގަންނާނީ، މަތީގައި ބަޔާން ކުރެވިފައިވާ ގޮތުގެމަތީން، ހަމައެކަނި ގޭގެއިން ގެންނަ، ނައްތާލަން ބޭނުންވާ، ބާވެ ނުވަތަ ހަލާކުވެފައިވާ ތަކެއްޗެވެ.

އިތުރު މަޢުލޫމާތު ސާފު ކުރެއްވުމަށް، ނަންބަރު 7994565 ފޯނާ ގުޅުއްވުން އެދެމެވެ.

ވީމާ، މިކަން އާންމުކޮށް އެންގުމަށްޓަކައި އިޢުލާނު ކުރީމެވެ.