ރަޖިސްޓްރޭޝަން

ރަޖިސްޓްރީކުރެވޭނެ ފަހު ތާރީޚް

  2 ފެބްރުއަރީ 2026 ވާ ހޯމަ ދުވަހުގެ 12:00 އެވެ.

ކަނޑައެޅިފައިވާ އެންމެ ބޮޑު އަގު އަދި މުއްދަތު

1. މިމަސައްކަތައް ކަނޑައެޅިފައިވާ ސީލިންގް އަކީ މީޓަރަކަށް 75 (ހަތްދިހަ ފަސްރުފިޔާ ) އެވެ.
2. މިމަސައްކަތައް ދެވޭނެ އެންމެ ދިގު މުއްދަތަކީ ހަވާލުކުރާ ދުވަހުން ފެށިގެން 35 ދުވަހުގެ މުއްދަތެވެ.  

 އަގު/ ކޯޓޭޝަން ހުޅުވުން

1. އަގު/ ކޯޓޭޝަން ހުޅުވުން އޮންނާނީ  2026 ފެބްރުއަރީ 03 ވާ އަންގާރަ ދުވަހުގެ 13:00 ގައި މިލަދުންމަޑުލު ދެކުނުބުރީ ޅޮހި ކައުންސިލްގެ އިދާރާގައެވެ.

ކޮންނަންޖެހޭ ދިގުމިނާއި، ފުންމިން އަދި މަސައްކަތް

1. ކޮންނަން ޖެހޭނެކަމަށް ލަފާކުރާ ޖުމްލަ ދިގުމިން: 3758 މީޓަރު ދިގު.
2. ކޮންނަންޖެހޭ ފުންމިނަކީ އެއްފޫޓް ބައި ފުންމިނުގައެވެ.
3. އަގު ހުށަހަޅަންވާނީ ދީފައިވާ ފުންމިނުގައި މީޓަރެއް ކޮނެދެވޭނެ އަގެވެ.
4. މިހާރު މަގުބައްތިތައް ހުރިތަންތަން ނުވަތަ ކައުންސިލުން ކަނޑައަޅާ ތަންތަނަށް އަދި އަލަށް މަގުބައްތި އިތުރުކުރުމަށް ކައުންސިލުން ކަނޑައަޅާފައިވާ ނުވަތަ ކަނޑައަޅާ ތަންތަނަށް މަގު ކޮނެ ކޭބަލް ވަޅުލާ ޓޭޕްލައި ފަސްއަޅައި ރީތިކުރަންވާނެއެވެ.
5. ޓޭޕް ލާނީ ކޭބަލްގެ އެއްފޫޓް މަތިންނެވެ. ނުވަތަ ހަމަބިމުން ހައިންޗި ހުންނަގޮތަށެވެ.
6. މިމަސައްކަތައް އަގު ހުށަހަޅަންވާނީ މަސައްކަތް ކުރަމުންދާ އިރުގައި  އެއްވެސް ފަރާތަކުން ވަޅުލާފައިވާ ނަރެއް/ ކޭބަލްއެއް ކެނޑުން ނުވަތަ ގެއްލުމެއް ލިބިއްޖެ ހާލަތެއްގައި މަސައްކަތް ކުރާ ފަރާތުން އެޒިންމާ ނެގޭނެ އަގު ހިމަނައިގެންނެވެ.

އިވެލުއޭޝަން ކްރައިޓީރިއާ

1. އަގު: 75% ޕޮއިންޓް ( ހުށަހަޅާފައިވާ އެންމެ ކުޑައަގު ބެންޗްމާކް ކަމުގައި ބަލައިގެން )
2. މުއްދަތު: 15% ޕޮއިންޓް ( ހުށަހަޅާފައިވާ އެންމެ ކުޑައަގު ބެންޗްމާކް ކަމުގައި ބަލައިގެން )
3. ތަޖްރިބާ:  10% ޕޮއިންޓް މި އިޢުލާން ކުރި ތާރީޚުން ފެށިގެން ވޭތުވެ ދިޔަ 2 އަހަރު ދުވަހު ކޮށްފައިވާ މި ބާވަތުގެ މަސައްކަތައް ( މަގުކޮނުމާއި ކޭބަލް ވަޅުލުމުގެ މަސައްކަތް) ، ކޮއްފައިވާ މިފަދަ ކޮންމެ މަސައްކަތަކަށް 5 ޕޮއިންޓް ގިނަވެގެން ދެވޭނީ 10 ޕޮއިންޓް)
4. ތަޖްރިބާގެ ބަޔަށް ޕޮއިންޓް ދެވޭނީ 2 އަހަރު ދުވަހު ކޮށްނިމައި އެކަމުގެ ލިޔުން ހުށަހަޅާފައިވާ ނަމައެވެ.  ( މުއްދަތާއި ތާރީޚް އަދި އަގު އެނގެން އޮންނަންވާނެއެވެ.)
5. ދެފަރާތެއް ނުވަތަ އެޔައްވުރެ ގިނަފަރާތުން ޕޮއިންޓް އެއްވަރުވެއްޖެނަމަ މަސައްކަތް ލިބޭނެ ފަރާތެއް ކަނޑައެޅުމުގައި ބަލާނީ ހުށަހެޅި އަގުތަކުގެ ތެރެއިން އެންމެ ކުޑައަގު ހުށަހެޅި ފަރާތެވެ.
6. ވަގުލިޔުމެއް ނުވަތަ އޮޅުވާލައިގެން ލިޔުމެއް ހުށަހަޅާފައިވާކަން މިއިދާރާއަށް ފާހަގަކުރެވިއްޖެނަމަ އެފަރާތެއްގެ ކޯޓޭޝަން ބާތިލްކުރެވޭނެއެވެ.

ހުށަހަޅަންޖެހެ ތަކެތި

1. އަގު ފޯމް ( އަގު ހުށަހެޅުމަށް ކައުންސިލުން ދޫކުރާ ފޯމް)
2. ކުންފުނި ނުވަތަ ވިޔަފާރީގެ ރަޖިސްޓަރީ ކޮޕީ
3. ވެރިފަރާތުގެ އައި.ޑީ ކާޑުގެ ކޮޕީ

އިތުރު މަޢުލޫމާތު

1. އެކަށީގެންވާ އަދަދަށް ބިޑް ލިބިފައި ނުވާނަމަ  އަދި ހުށަހަޅާފައިވާ ބިޑްތަކުގެ އަގާއި މުއްދަތު އެކަށީގެންނުވާނަމަ މި އިޢުލާނު ބާޠިލްކުރުމުގެ އިޚްތިޔާރު މިލަދުންމަޑުލު ދެކުނުބުރީ ޅޮހި ކައުންސިލްގެ އިދާރާއަށް ލިބިގެން ވެއެވެ.

• އަގު/ އަގު ފޯމް ބަލައިގަނެވޭނީ  ރަޖިސްޓަރީކުރުމަށް މަތީގައި ދެންނެވިފައިވާ ތާރީޚާއި ވަގުތުގެ ކުރިން ރަޖިސްޓަރީކުރައްވާ ފަރާތްތަކުން ހުށަހަޅާ އަގު ފޯމެވެ.
• އަގު/ ކޯޓޭޝަން ހުށަހަޅަންވާނީ ބަންދުކުރެވިފައިވާ ސިޓީއުރައެއްގައެވެ.
• ގަޑިޖެހިގެން އަގު ހުށަހަޅަން ވަޑައިގަންނަވާ ފަރާތްތަކަށް އަގު ހުށަހެޅުމުގެ ފުރުޞަތެއް ނުދެވޭނެއެވެ.
• ފޯމް ހުށަހެޅުމަށް ވަޑައިގަންނަވާ ކޮންމެ ފަރާތަކަށް ހުށަހެޅޭނީ އެއް ފޯމެވެ.
• އަގު ހުށަހަޅަންވާނީ މިއިދާރާއިން ދޫކުރާ އަގުހުށަހަޅާ ފޯމު މެދުވެރިކޮށެވެ. ފޯމާއި އެކު ހުރިހައި ލިޔެކިއުން ހަމަކޮށް ހުށަހަޅަންވާނެއެވެ.
• ފޯން:  6560032 (ރަސްމީ ގަޑީގައި)
• އީމެއިލް: [email protected]