2026 ވަނަ އަހަރަށް ބެޑްމިނަޓަން އެސޯސިއޭޝަންގެ އެންމެހާ މެމްބަރުންގެ މެމްބަރޝިޕް ފީ އައުކުރުމަށް އަދި އައު މެމްބަރުން ރަޖިސްޓްރީ ކުރުމަށް 5 ޖަނަވަރި 2026 ވާ އާދިއްތަ ދުވަހުން ފެށިގެން ހުޅުވާލެވިފައިވާކަން އެންމެހާ މެމްބަރުންގެ މަޢުލޫމާތައްޓަކައި ދަންނަވަމެވެ.

މެމްބަރޝިޕް ފީ އާއި ގުޅޭގޮތުން 2025 ވަނަ އަހަރު ފާސްކުރެވިފައިވާ ބެޑްމިނަޓަން އެސޯސިއޭޝަންގެ އައު ހިންގާ ޤަވާއިދުގެ އެނެކްސް 2 ގައި ހިމެނިފައިވާ މެމްބަރުންގެ އަތުން ނެގޭ މެމްބަރޝިޕް ފީގެ އޮނިގަނޑަށް ބަދަލު ގެނެއުމުގެ މަޞައްކަތް ކުރިއަށް ގެންދާތީ މެމްބަރުންގެ ފަރާތުން މިވަގުތު ނެގުމަށް ހަމަޖެހިފައިވަނީ 2026 ވަނަ އަހަރުގެ ފުރަތަމަ ކުއާޓަރގެ ފީ އެކަނިކަން ވެސް ދަންނަވަމެވެ.

ހިންގާ ޤަވާއިދު އަދި މެމްބަރޝިޕް ފޯމް ޑައުންލޯޑް ކުރުމަށް ސްކޭން ކޮށްލައްވާ:

މެމްބަރޝިޕް ފީ އައު ކުރާ އެންމެހާ މެމްބަރުން މެމްބަރޝިޕް ފީ ދައްކަވާ ފަރާތުގެ ތަފްޞީލް (މެމްބަރޝިޕް ނަމްބަރު، ނަން، އައިޑީ ކާޑު ނަމްބަރ އަދި ކުއާރޓަރ) އެންގޭނޭ ގޮތަށް ސްލިޕްގައި ހިމެނުމަށްފަހު ބެޑްމިންޓަން އެސޯސިއޭޝަންގެ BML އެކައުންޓް ނަމްބަރ: 7701172490001   އަށް ޓްރާންސްފަރ ކުރުމަށްފަހުގައި  މިއެސޯސިއޭޝަންގެ އީމެއިލް [email protected] ނުވަތަ ވަޓްސްއެޕް ނަމްބަރ 9904057 އަށް ފޮނުއްވުން އެދެމެވެ. (ފީ ދެއްކުމުން އެފަރާތަކާއި ފީ ދެއްކިކަމުގެ ރަޝީދު ޙިއްޞާކުރެވޭނެއެވެ.)

އަދި ކުލަބްގެ ދަފްތަރު / ކްލަބް މެންބަރސް ލިސްޓް ފޯމް މިކުއާޓަރ ގައި ހުރިހާ މެމްބަރ ކްލަބު ތަކަކުން ސޮޕްޓް ކޮފީ (ޕީޑީއެފް) ނުވަތަ ހާޑް ކޮޕީ ހުށައެޅުމަށްވެސް އެދި ދަންނަވަނެވެ.

އެކުވެނި އިންޑޯ ބެޑްމިންޓަން ކޯޓު ބޭނުންކުރައްވާ އެންމެހާ ފަރާތްތަކުން  2026 ވަނަ އަހަރުގެ ފުރަތަމަ ކުއާޓަރ ގެ (ޖަނަވަރީ، ފެބުރުވަރީ، މާރިޗު، އެޕްރީލް) މެމްބަރޝިޕް 31 ޖަނަވަރީ 2026 ވާ ހޮނިހިރު ދުވަހުގެ ކުރިން އައުކުރުމަށް ދަންނަވަމެވެ. 

މެމްބަރޝިޕް ފީ އަދި ރަޖިސްޓްރޭޝަން އަށް އޮފީސް ހުޅުވިފައި ހުންނާނީ:  މެންދުރު 12:00 އިން 15:00 އަށެވެ.

05 ޖަނަވަރީ 2026