ކޮޅުމަޑުލު ދިޔަމިގިލީ ކައުންސިލްގެ 04ވަަނަ ދައުރުގެ 242 ވަނަ ޢާންމު ޖަލްސާގެ ނިންމުން

ތަން:  ކޮޅުމަޑުލު ދިޔަމިގިލީ ކައުންސިލް އިދާރާގެ ޖަލްސާކުރާ މާލަމް

ތާރީހް: 04 ރަޖަބު 1447 ، 24 ޑިސެމްބަރ 2025  ބުދަ

ގަޑި: ހެނދުނު 08:30

އެޖެންޑާ

1. 17 ޑިސެމްބަރ 2025 އިން 23 ޑިސެމްބަރ 2025 ގެ ނިޔަލަށް ކައުންސިލް އިދާރާއަށް ލިބިފައިވާ ސިޓީތައް ކައުންސިލާއި ހިއްސާކުރުން.
2. ތ. މަޑިފުށި ދިޔަމިގިލި ގުޅާލާ ކޯޒްވޭ އާއި ގުޅިގެން ސަރުކާރުން ފޮނުއްވާފައިވާ ކޯޒްވޭގެ ކުރެހުން ފާސްކުރުމުގެ މައްސަލަ
3. 2026 ޖެނުއަރީ 01 ން ފެށިގެން ދިޔަމިގިލީ ރައްޔިތުކަމުން ވަކިވާ ކޮންމެ މީހަކުއަތުން -/1500 ރުފިޔާގެ ފީ އެއް ނެގުމުގެ މައްސަލަ
4. ޖޭ.އެލް.ސީ.އެލް ފަންޑުގެ މުއައްސަސާ އަދި ޖަމިއްޔތަކަށް އެހީ ފޯރުކޮށްދިނުން ހަރަކާތަށް އިތުރަށް ފައިސާ ބޭނުންވާތީ ތިރީގައިވާ ގޮތަށް ބަޖެޓް ކޮންޓްރޯލް ހެދުމުގެ މައްސަލަ 

• ބަޖެޓް ކޮންޓޯރޯލް (އިތުރު ކުރާ ކޯޑް)

• ބަޖެޓް ކޮންޓްރޯލް (އުނިކުރާ ކޯޑް) 

5. ދިޔަމިގިލީ ސްކޫލްގެ 2023/2024 އަދި 2024 ވަނަ އަހަރުގެ ޕްރައިޒް ޑޭ އަށް އިނާމް ހުށަހެޅުން ނަމުގައި ޖޭ.އެލް.ސީ.އެލް ފަންޑުގައި ހަރަކާތެއް އުފައްދައި ތިރީގައިވާ ގޮތަށް ބަޖެޓް ކޮންޓްރޯލް ހެދުމުގެ މައްސަލަ

• ބަޖެޓްކޮންޓޯރޯލް (އިތުރު ކުރާ ކޯޑް)

• ބަޖެޓް ކޮންޓްރޯލް (އުނިކުރާ ކޯޑް)

 6. 4 ވަނަ ދައުރުގެ 2025/52/4/242/385 ވަނަ ޖަލްސާގެ ޔައުމިއްޔާ ފާސްކުރުން

ޖަލްސާގެ ނިންމުންތަށް

1. 17 ޑިސެމްބަރ 2025 އިން 23 ޑިސެމްބަރ 2025 ގެ ނިޔަލަށް ކައުންސިލް އިދާރާއަށް ލިބިފައިވާ ސިޓީތައް ކައުންސިލާއި ހިއްސާކުރުން.
2. ތ. މަޑިފުށި ދިޔަމިގިލި ގުޅާލާ ކޯޒްވޭ އާއި ގުޅިގެން ސަރުކާރުން ފޮނުއްވާފައިވާ ކޯޒްވޭގެ ކުރެހުން ފާސްކުރުމުގެ މައްސަލަ އާއި ގުޅިގެން މެމްބަރުން ފުޅާ ދާއިރާއެއްގައި މަޝްވަރާ ކުރައްވައި ސަރުކާރުން މިހާރު ފޮނުއްވާފައިވާ ކުރެހުމުގައި ކޯޒްވޭ އެޅުމަށް ނިންމަވާފައިވާ ކުރެހުމުގައި ވަނީ ރަށްތަކުގެ ހުޅަނގު ފަރާތުން ކަމަށްވާތީ އާއި ރައްޔިތުންގެ ބައްދަލުވުމުގައި ރައްޔިތުންގެ މެޖޯރިޓީން ނިންމަވާފައިވަނީ ރަށްތަކުގެ އިރުމަތީފަރާތުން ކޯޒުވޭ އެޅުމަށް     ކަމުގައި ވާތީ ރައްޔިތުންގެ ޚިޔާލާއި އެއްގޮތްވާގޮތުގެ މަތިން ރަށްތަކުގެ އިރުމަތީފަރާތުން ކޯޒުވޭ އެޅުމަށް     ތާއީދުކުރައްވާ އިޢްތިރާޒެއް ނެތްކަމުގައި މެމްބަރުންގެ އިއްތިފާގުން ނިންމެވިއެވެ.
3. 2026 ޖެނުއަރީ 01 ން ފެށިގެން ދިޔަމިގިލީ ރައްޔިތުކަމުން ވަކިވާ ކޮންމެ މީހަކުއަތުން -/1500 ރުފިޔާގެ ފީ އެއް ނެގުމުގެ މައްސަލަ އާއި ގުޅިގެން މެމްބަރުން ފުޅާ ދާއިރާއެއްގައި މަޝްވަރާ ކުރައްވައި ރަށުގެ އާބާދީ ކުޑަވުމަކީ ތަރައްޤީއަށް ހުރަސް އެޅޭ ކަމަކަށްވާތީ އާއި ރަށުގެ ރަށްވެހިކަމުން ކެނޑިގެންވެސް ގިނަ ބަޔަކު ދިރިއުޅެނީ ރަށުގައިކަން ފާހަގަ ކުރެއްވުމާއެކު 2026 ޖެނުއަރީ 01 ން ފެށިގެން ދިޔަމިގިލީ ރައްޔިތުކަމުން ވަކިވާ ކޮންމެ މީހަކުއަތުން -/1500 ރުފިޔާގެ ފީ އެއް ކައުންސިލަށް ނެގުމަށް އިޢްތިރާޒެއް ނެތްކަމުގައި މެމްބަރުންގެ އިއްތިފާގުން ނިންމެވިއެވެ.
4. ޖޭ.އެލް.ސީ.އެލް ފަންޑުގެ މުއައްސަސާ އަދި ޖަމިއްޔތަކަށް އެހީ ފޯރުކޮށްދިނުން ހަރަކާތަށް އިތުރަށް ފައިސާ ބޭނުންވާތީ ތިރީގައިވާ ގޮތަށް ބަޖެޓް ކޮންޓްރޯލް ހެދުމުގެ މައްސަލަ

ބަޖެޓް ކޮންޓޯރޯލް (އިތުރު ކުރާ ކޯޑް)

ބަޖެޓް ކޮންޓްރޯލް (އުނިކުރާ ކޯޑް)

ޖޭ.އެލް.ސީ.އެލް ފަންޑުގެ މުއައްސަސާ އަދި ޖަމިއްޔތަކަށް އެހީ ފޯރުކޮށްދިނުން ހަރަކާތަށް އިތުރަށް ފައިސާ ބޭނުންވާތީ މަތީގައިވާ ގޮތަށް ބަޖެޓް ކޮންޓްރޯލް ހެދުމުގެ މި މައްސަލަ އާއި ގުޅިގެން މެމްބަރުން ފުޅާދާއިރާއެއްގައި މަޝްވަރާ ކުރެއްވުމަށްފަހު މަތީގައިވާ ޓޭބަލްގައިވާ ގޮތަށް ބަޖެޓް ކޮންޓްރޯލް ހެދުމާއިމެދު އިޢްތިރާޒެއް ނެތް ކަމުގައި މެމްބަރުންގެ އިއްތިފާޤުން ނިންމެވިއެވެ.

5. ދިޔަމިގިލީ ސްކޫލްގެ 2023/2024 އަދި 2024 ވަނަ އަހަރުގެ ޕްރައިޒް ޑޭ އަށް އިނާމް ހުށަހެޅުން ނަމުގައި ޖޭ.އެލް.ސީ.އެލް ފަންޑުގައި ހަރަކާތެއް އުފައްދައި ތިރީގައިވާ ގޮތަށް ބަޖެޓް ކޮންޓްރޯލް ހެދުމުގެ މައްސަލަ

-  ބަޖެޓްކޮންޓޯރޯލް (އިތުރު ކުރާ ކޯޑް)

- ބަޖެޓް ކޮންޓްރޯލް (އުނިކުރާ ކޯޑް)

• ދިޔަމިގިލީ ސްކޫލްގެ 2023/2024 އަދި 2024 ވަނަ އަހަރުގެ ޕްރައިޒް ޑޭ އަށް އިނާމް ހުށަހެޅުން ނަމުގައި ޖޭ.އެލް.ސީ.އެލް ފަންޑުގައި ހަރަކާތެއް އުފައްދައި މަތީގައިވާ ގޮތަށް ބަޖެޓް ކޮންޓްރޯލް ހެދުމުގެ މައްސަލަ އާއި މެމްބަރުން ފުޅާދާއިރާއެއްގައި މަޝްވަރާ ކުރެއްވުމަށްފަހު މަތީގައިވާ ޓޭބަލްގައިވާ ގޮތަށް ބަޖެޓް ކޮންޓްރޯލް ހެދުމާއިމެދު އިޢްތިރާޒެއް ނެތް ކަމުގައި މެމްބަރުންގެ އިއްތިފާޤުން ނިންމެވިއެވެ.

6. އެއްވެސް އުނި އިތުރެއް ނެތި މެމްބަރުންގެ އިއްތިފާޤުން 4 ވަނަ ދައުރުގެ 2025/52/4/242/385 ވަނަ ޖަލްސާގެ ޔައުމިއްޔާ ފާސްކުރެއްވިއެވެ.

ކޮޅުމަޑުލު ދިޔަމިގިލީ ކައުންސިލްގެ 04ވަަނަ ދައުރުގެ 242 ވަނަ ޢާންމު ޖަލްސާގެ ހާޒިރީ