1447 ވަނަ އަހަރުގެ ރަމަޟާންމަހު މިރަށު މަސްޖިދުލް އަބީބަކްރްގައި އިމާމުވެ ހިފްޘުކޮށް ތަރާވީޙްނަމާދު ކުރާނެ ޙާފިޘަކު މިކައުންސިލަށް ގެނެސްދޭނެ ފަރާތެއް ހޯދަން ބޭނުންވެއްޖެއެވެ.

   ވީމާ، މިކަމަށް ޝައުޤުވެރިވެލައްވާ ފަރާތްތަކުން 07 ޑިސެންބަރު 2025 ވާ ބުރާސްފަތި ދުވަހުގެ 14:00 ގެ ކުރިން އަގު ( ކޯޓޭޝަން ) މިކައުންސިލަށް ހުށަހެޅުއްވުން އެދެމެވެ. އަދި އީމެއިލް މެދުވެރިކޮށް ކޯޓޭޝަން ހުށަހެޅުއްވުމަށް މެއިލް ކުރައްވާނީ  [email protected]  އަށެވެ. އިތުރު މަޢުލޫމާތު ސާފުކުރައްވަން ބޭނުންފުޅުވާނަމަ، މި ކައުންސިލްގެ ހޮޓްލައިން ނަންބަރ 7916100، އަދި  މި ކައުންސިލްގެ ރަސްމީ ނަންބަރ 6820020 އަށް ގުޅުއްވުން އެދެމެވެ.

ތިރީގައިވާ މަޢުލޫމާތު ކޯޓޭޝަންގައި ހިމަނަންވާނެއެވެ.

• ޙާފިޘުގެ ދެކޮޅު ޓިކެޓް ( ރާއްޖެއިން ބޭރުން ގެނައުމާއި، އެނބުރި ޤައުމަށް ފޮނުވުމުގެ ޚަރަދު )
• މާލޭގައި ހުރުމާއި ކެއުމުގެ ޚަރަދު، އަދި ރަށަށް ގެނައުމާއި، އެނބުރި މާލެ ދިއުމުގެ ޚަރަދު.
• ވިސާ ދެއްކުމާއި އިންސުއަރެންސް ފީ ދެއްކުމުގެ ޚަރަދު އަދި ދައުލަތުގެ އެހެން އިދާރާތަކުން ފުރިހަމަކުރަންޖެހޭ އެންމެހާ ލިޔެކިޔުންތައް ފުރިހަމަކުރުން.
• ހުށަހަޅާ ފަރާތުގެ ނަން، ގުޅޭނެ ނަންބަރު، އައި.ޑީ.ކާޑުގެ ކޮޕީ. ( ކުންފުންޏެއްނަމަ ރަޖިސްޓްރީގެ ކޮޕީ )
• ތަޖުރިބާގެ ލިޔުން އޮތްނަމަ އޭގެ ކޮޕީ.

  އެހެންކަމުން މިކަން އާންމުކޮށް އެންގުމަށްޓަކައި އިޢުލާން ކުރީމެވެ.