|
އެންޓިކޮރަޕްޝަން ކޮމިޝަން
މާލެ،
ދިވެހިރާއްޖެ
|
|
|
ވަޒީފާގެ ފުރުޞަތު
|
ތާރީޚް:
|
05 ޖުމާދަލްއޫލާ1447
27 އޮކްޓޫބަރު 2025
|
|
ނަންބަރު:
|
(IUL)123-HR/123/2025/101
|
|
މަޤާމް:
|
ސުޕްރިންޓެންޑެންޓް
|
|
ކްލެސިފިކޭޝަން:
|
ސުޕްރިންޓެންޑެންޓް
|
|
ވަޒީފާގެ ބާވަތް:
|
ދާއިމީ
|
|
މަސައްކަތް ކުރަންޖެހޭ ތަން:
|
އެންޓި-ކޮރަޕްޝަން ކޮމިޝަން / މާލެ
|
|
މުސާރަ:
|
-/20000 (ވިހި ހާސް ރުފިޔާ)
|
|
ޑެއިލީ އެލަވަންސް:
|
368/- (ތިންސަތޭކަ ފަސްދޮޅަސް އަށް ރުފިޔާ)
|
|
ބޭނުންވާ ޢަދަދު
|
01 (އެކެއް)
|
|
މަޤާމުގެ ޝަރުޠު
|
- ޑެޕިއުޓީ ސުޕްރިންޓެންޑެންޓް މަޤާމުގައި 03 އަހަރު ދުވަހު އުޅެ މަސައްކަތުގެ ތަޖުރިބާ ލިބިފައިވުމާއެކު މަސައްކަތުގެ ފެންވަރު ބެލުމުގެ ނިޒާމުން ފާއިތުވި 03 އަހަރުގެ އެވްރެޖް 80 އިންސައްތައަށް ވުރެ މަތިން ޕޮއިންޓް ލިބިފައި ވުމާއެކު މަސައްކަތުގެ ފެންވަރު ބެލުމުގެ ނިޒާމުން ފާއިތުވި އަހަރު 80 އިންސައްތަ އަށްވުރެ މަތިން ޕޮއިންޓް ލިބިފައިވުން. ނުވަތަ
- މަޤާމުގެ މަސައްކަތާ ގުޅޭ ދާއިރާއަކުން ޤައުމީ ސަނަދުތަކުގެ އޮނިގަނޑުގެ ލެވަލް 09 ގެ ސަނަދެއް ޙާޞިލްކޮށްފައި އޮތުމާއެކު މަޤާމުގެ މަސައްކަތާ ގުޅޭ ދާއިރާއެއްގައި 9 އަހަރު ދުވަހުގެ މަސައްކަތުގެ ތަޖުރިބާ ލިބިފައިވުން އަދި، އެމުއްދަތުގެ ތެރެއިން މަދުވެގެން 3 އަހަރު ދުވަހުގެ ހިންގުމުގެ ތަޖުރިބާ ލިބިފައިވުން ނުވަތަ
- މަޤާމުގެ މަސައްކަތާގުޅޭ ދާއިރާއަކުން ޤައުމީ ސަނަދުތަކުގެ އޮނިގަނޑުގެ ލެވަލް 07 ގެ ސަނަދެއް ހާސިލުކޮށްފައި އޮތުމާއެކު މަޤާމުގެ މަސައްކަތާގުޅޭ ދާއިރާއެއްގައި 10 އަހަރު ދުވަހު މަސައްކަތްކޮށް ތަޖުރިބާ ލިބިފައިވުން. އަދި، އެމުއްދަތުގެ ތެރެއިން މަދުވެގެން 4 އަހަރު ދުވަހުގެ ހިންގުމުގެ ތަޖުރިބާ ލިބިފައިވުން.
- ސިޔާސީ ޕާޓީއެއްގެ މެމްބަރަކަށް ނުވުން (ސިޔާސީ ޕާޓީއެއްގެ ރަޖިސްޓްރީގައި އެމީހެއްގެ ނަން ހިމެނިފައިވާނަމަ، މަސައްކަތަށް ނުކުތުމުގެ ކުރިން ޕާޓީއިން ވަކިވުން)
|
|
މަޤާމާއި ގުޅޭ ދާއިރާތައް:
- އިންވެސްޓިގޭޝަން
- މެނޭޖްމަންޓް
- އެޑްމިނިސްޓްރޭޝަން
- ޤާނޫނު
- އެކައުންޓިންގ
- ފައިނޭންސް
- ޝަރީޢާ
- ޝަރީޢާ އެންޑް ލޯ
- ފޮރެންސިކް
- އޮޑިޓިންގ
މަޤާމުގެ ތަޢުލީމީ ރޮނގުތައް:
- ބިޒްނަސް އެޑްމިނިސްޓްރޭޝަން
- ބިޒްނަސް މެނޭޖްމަންޓް
- ޕަބްލިކް އެޑްމިނިސްޓްރޭޝަން
- އެންޓި ކޮރަޕްޝަން ސްޓަޑީޒް
- ޤާނޫނު
- ޝަރީޢަތާއި ޤާނޫނު
- އިޤްތިޞާދީ ޢިލްމް
- އެކައުންޓިންގ
- ފައިނޭންސް
- ފޮރެންސިކް އެކައުންޓިންގ
- އޮޑިޓިންގ
- ޕަބްލިކް ފައިނޭންސް
- ފައިނޭންޝަލް މެނޭޖްމަންޓް
- ފައިނޭންޝަލް މާކެޓިންގ
- ފައިނޭންޝަލް ޕްލޭނިންގ
- ކޯޕަރޭޓް ފައިނޭންސް
- ބޭންކިންގ
- އިސްލާމިކް ފައިނޭންސް
- ފައިނޭންޝަލް އިންޖިނިއަރިންގ
- ފައިނޭންޝަލް އިކޮނޮމިކްސް
- ފިލޯސަފީ އެންޑް އެތިކްސް
- ގަވަރނަންސް
- ކްރިމިނަލޮޖީ
|
|
މައިގަނޑު މަސައްކަތް:
|
- ރަޖިސްޓްރޭޝަން އެންޑް ލީގަލް ޑިވިޝަންގެ މަސައްކަތްތައް ނަތީޖާ ހާސިލްކުރެވޭނެ ފަދަ ގޮތަކަށް ޕްލޭންކޮށް ޓާގެޓްތައް ކަނޑައަޅައި އެ ޓާގެޓްތަކާ އެއްގޮތަށް މަސައްކަތްތައް ކުރިއަށް ދާކަން ކަށަވަރުކުރުން.
- ވަކިފަރާތަކުން މައްސަލައެއް ހުށަހެޅުމަކާ ނުލައި، ކޮރަޕްޝަންގެ ކުށެއް ހިނގައިފިކަމުގެ ނުވަތަ ހިންގާކަމުގެ، ނުވަތަ ހިންގަން އުޅޭކަމުގެ މަޢުލޫމާތު ލިބިއްޖެނަމަ، ނުވަތަ އެފަދަ ކުށެއް ހިނގައިފިކަމުގެ، ނުވަތަ ހިންގާކަމުގެ ނުވަތަ ހިންގަން އުޅޭކަމުގެ މައްޗަށް ޝައްކުކުރެވިއްޖެނަމަ، ވަކިފަރާތަކުން އެކަމެއް އެންގުމަކާ ނުލައި، ވަކިފަރާތަކުން އެ މަޢުލޫމާތު ލިބުމަކާ ނުލައި، އަމިއްލަ އިސްނެގުމުގައި ހޯދަންޖެހޭ ހޯދުންތައް ހޯދައި، ކުރަންޖެހޭ ތަޙްޤީޤުތައް ކުރުން.
- ކޮމިޝަނަށް ހުށަހެޅޭ ޝަކުވާތަކުގެ ތެރެއިން ކޮމިޝަނުގެ އިޚްތިޞާޞްގެ ތެރެއަށް ނުފެތޭ ޝަކުވާތައް ކަމާގުޅުންހުރި މުއައްސަސާތަކަށް ފޮނުވުމާއި، ކޮމިޝަނުން ތަޙްޤީޤު ކުރަމުންދާ މައްސަލައެއްގެ ތެރެއިން އެހެން އިދާރާއަކުން ތަޙްޤީޤު ކުރަންޖެހޭ ކަމެއް ފާހަގަކުރެވިއްޖެނަމަ، އެކަމެއް އެ އިދާރާއަކަށް ފޮނުވުން.
- ކޮމިޝަނަށް ހުށަހެޅޭ މައްސަލަތަކާއި އެ މައްސަލަތަކާ ގުޅުންހުރި ލިޔެކިޔުންތައް ބަލައިގަތުން.
- ހުށަހެޅޭ މައްސަލަތަކާއި އެ މައްސަލަތަކާ ގުޅުންހުރި ލިޔެކިޔުން ހުށަހެޅިފައިވަނީ ޤާނޫނާއި ގަވާއިދާއި އުސޫލުތަކާ އެއްގޮތަށްތޯ ކަށަވަރުކުރުން.
- ދައުލަތުގެ އިދާރާތަކުން އެކުލަވާލައި ހިންގަންޖެހޭ ޕްލޭންތަކާއި، މަޝްރޫޢުތަކާއި، ހަދަންޖެހޭ އުސޫލުތަކާއި، ތަޢާރަފުކުރަންޖެހޭ ހަމަތައް، ތަޢާރަފުކޮށް ހިންގާތޯ ބަލައި، ކަމާގުޅޭގޮތުން، ދައުލަތުގެ އިދާރާތަކުން އަޅަންޖެހޭ ފިޔަވަޅުތަކާއި، ތަންފީޛުކުރަންޖެހޭ އުސޫލުތަކާއި، ތަޢާރަފުކުރަންޖެހޭ ހަމަތަކާ ގުޅޭގޮތުން، އެ ފަރާތްތަކަށް ދޭންޖެހޭ ލަފާދިނުމާއި، ހުށަހަޅަންޖެހޭ ހުށަހެޅުންތައް ހުށަހެޅުމާއި، އަންގަންޖެހޭ އެންގުންތައް އެންގުމާއި، އެކަންކަމަށް ޢަމަލުކުރަމުންދާ ގޮތް ބަލައި، ނަތީޖާ ނެރެދޭ މިންވަރު ވަޒަންކުރުން.
- ޤާނޫނުތަކާއި ގަވާއިދުތަކަށް އަންނަ ބަދަލުތައް ދެނެގަނެ، ކޮމިޝަނުގެ މަސައްކަތްތަކަށް ގެންނަންޖެހޭ ބަދަލުތައް ގެނައުމުގައި ޤާނޫނީ ލަފާދިނުން.
- ބަލައިނުގަނެވޭ މައްސަލަތަކުގައި ސަބަބު ބަޔާންކޮށް ލިޔުމުން ޖަވާބުދީ، އެ ޖަވާބުދެވުނު ސަބަބު މައްސަލަ ހުށަހެޅި ފަރާތަށް އިތުރަށް ސާފުކޮށްދޭންޖެހޭ ހާލަތުގައި ލިޔުމުން ސާފުކޮށްދިނުން.
- ކޮމިޝަނުގެ ޝަކުވާތަކުގެ ރަޖިސްޓްރީއާއި މައްސަލަތަކުގެ ރަޖިސްޓްރީ ބެލެހެއްޓުން.
- ސެކްޝަންތަކަށް ނުފޮނުވި ހުންނަ މައްސަލަތަކާ ގުޅިގެން މަޢުލޫމާތު ސާފުކުރުމަށް މީހަކު އެދިއްޖެނަމަ ޤާނޫނާއި ގަވާއިދާ އެއްގޮތަށް އެ ފަރާތަކަށް މުޢާމަލާތުކޮށް އެކަން ސާފުކޮށްދިނުން.
- މައްސަލަތަކާ ގުޅިގެން ހުށަހަޅާ ސިޓީތަކަށް ޖަވާބު ދޭކަން ކަށަވަރުކުރުން.
- ކޮމިޝަނުގެ ވަކީލުންގެ ދަފުތަރެއް ހަދައި، އެ ދަފުތަރު ބެލެހެއްޓުން.
- ކުށުގެ ރެކޯޑު ސާފުކުރުމަށް ކޮމިޝަނަށް ހުށަހަޅާ ފަރާތްތަކުގެ ކުށުގެ ރެކޯޑް ސާފުކޮށްދިނުމާގުޅޭ އެންމެހާ ކަންކަން ބަލަހައްޓައި ރެކޯޑް ސާފުކޮށްދިނުމުގެ މަސައްކަތް ހަރުދަނާކުރުމަށް މަސައްކަތްކުރުން.
- ކޮމިޝަނަށް ހުށަހެޅޭ ޝަކުވާތަކުގެ ތެރެއިން ކޮމިޝަނުގެ ޤާނޫނާއި، ގަވާއިދާއި އުސޫލުތަކާއި އިޖުރާޢަތުތަކާ އެއްގޮތަށް ހުށަހެޅޭ ޝަކުވާތައް ބަލައިގަނެ، ޝަކުވާ ރަޖިސްޓްރީ ކުރުމާމެދު ގޮތެއް ނިންމުން.
- ކޮމިޝަނުގެ ތަޙުޤީޤުގެ ދާއިރާގެ އަދި ޤާނޫނީ ދާއިރާގެ ތަސައްވުރާއި އަމާޒަށް ވާސިލުވުމަށް ލަނޑުދަނޑިތައް ކަނޑައަޅައި، ސްޓްރެޓެޖީތަކާއި ވިސްނުންތައް ގެންގުޅޭނެ ގޮތްތައް އެކުލަވާލައި ނަތީޖާ ނެރެވޭނެހެން ތަންފީޒުކުރުމާއި، އެކަންކަން މުރާޖަޢާކުރާނެ ގޮތްތައް ކަނޑައަޅައި ތަންފީޒުކުރުމާއި ލަނޑުދަނޑިތަކާ ގުޅުވާލެވޭ ނަތީޖާތައް ކޮމިޝަނަށް ހުށަހަޅައި ކޮމިޝަނުގެ ލަފައާއި މަޝްވަރާ ހޯދުން.
- ކޮމިޝަނުގެ ތަޙުޤީޤުގެ ދާއިރާގެ އަދި ޤާނޫނީ ދާއިރާގެ ސްޓްރެޓީޖިކް އަދި އޮޕަރޭޝަނަލް އެގްޒެކިއުޝަނުގައި (ތަންފީޒުކުރުން) ދިމާވާ ގޮންޖެހުންތައް ދެނެގަނެ އެކަންކަން ޙައްލުކުރާނެ ގޮތްތައް ކޮމިޝަނުން ކަނޑައަޅާ މުއްދަތުތަކުން ކޮމިޝަނަށް ހުށަހަޅައި ކޮމިޝަނުގެ ލަފައާއި މަޝްވަރާ ހޯދުން.
- ކޮމިޝަނުގެ ހުށަހެޅޭ މައްސަލަތައް ރަޖިސްޓްރީ ކުރުމާއި، ރިކޯޑް ބެލެހެއްޓުމާއި، ކޮމިޝަނުން އިދާރާތަކަށް ދޭ ރެކޮމެންޓޭޝަން ހަރުދަނާ ކުރުމާއި، ކޮމިޝަނުގެ ޤާނޫނީ ދާއިރާ ހަރުދަނާކުރުމާއި ކުރިޔަށް ގެންދިއުމާ ގުޅޭގޮތުން އިންވެސްޓިގޭޝަންގެ ޑިޕާޓްމަންޓްތަކަށް އިރުޝާދާއި ލަފާދީ، އެކަންކަމުން ލިބޭ ނަތީޖާތައް ކޮމިޝަނަށް ހުށަހަޅައި ކޮމިޝަނުގެ ލަފައާއި އިރުޝާދު ހޯދުން.
- ކޮމިޝަނަށް ހުށަހެޅޭ މައްސަލަތަކާ ގުޅިގެން ކޮމިޝަނުން ރައްޔިތުންގެ މަޖިލީހަށް ޖަވާބުދާރީވާންޖެހޭ ޙާލަތްތަކުގައި އެކަމުގައި ކޮމިޝަނަށް ފުރިހަމަ އެހީތެރިކަމާއި އެއްބާރުލުން ދިނުން.
- ކޮމިޝަނަށް ހުށަހެޅޭ މައްސަލަތަކާ ގުޅިގެން ކޮމިޝަނުން މީޑިއާއަށް ޖަވާބުދާރީވާންޖެހޭ ޙާލަތްތަކުގައި ކޮމިޝަނުގެ މަޝްވަރާއާއެކު މީޑިއާއަށް ޖަވާބުދާރީވުން.
- ޑިވިޝަންގެ މަސައްކަތްތަކާ ގުޅިގެން ކޮމިޝަން ތަމްސީލް ކުރަންޖެހޭ ހާލަތްތަކުގައި އިސްދައުރެއް އަދާކޮށް ކޮމިޝަން ތަމްސީލްކުރުން.
- ޑިވިޝަންގެ މަސައްކަތްތައް ހަރުދަނާ ކުރުމަށް ބޭނުންވާ ގަވާއިދުތަކާއި އުޞޫލުތައް ކޮމިޝަނުގެ މެމްބަރުންގެ މަޝްވަރާގެމަތިން ހެދުމާއި، ގެންނަންޖެހޭ އިޞްލާޙުތައް ގެނައުމާއި އެކަންތައްތައް ތަންފީޒުކުރުން.
- ކޮމިޝަނަށް އާންމުކޮށް ހުށަހެޅޭ މައްސަލަތަކުގެ ބާވަތާއި ދިމާތައް ދެނެގަނެ، ދިވެހިރާއްޖޭގައި އިތުރުވަމުން އަންނަ ކޮރަޕްޝަނުގެ ކުށްތައް ދެނެގަނެ އެކަން ދިރާސާކޮށް ނަޒާޙަތްތެރި މުޖުތަމަޢެއް ބިނާކުރުމަށް ކަމާ ގުޅުންހުރި ފަރާތްތަކާއެކު މަސައްކަތްކުރުން.
- ޑިވިޝަންގެ މަސައްކަތްތައް ކަނޑައެޅިފައިވާ ޓާގެޓްތަކަށް ނިންމުމުގައި ދިމާވާ ދަތިތަކާއި މަސައްކަތްތައް ކުރިއަށް ގެންދިއުމުގައި ދިމާވާ ގޮންޖެހުންތައް ކޮމިޝަނުގެ މެންބަރުންނާއި ޙިއްޞާކޮށް، އެކަންކަން ހައްލުކުރުމަށް މަސައްކަތްކުރުން.
- ކޮމިޝަނާ ގުޅުންހުންނަ އޮޑިޓު ރިޕޯޓުތަކުން ކޮމިޝަނާ ގުޅޭ ގޮތުން ފާހަގަކުރާ ކަންކަން ދެނެގަންނާނެ ގޮތްތައް އެކަށައަޅައި ތަންފީޒުކޮށް އެފަދަ ރިޕޯޓުތަކުން ފާހަގަކުރާ ކަންކަން އިސްލާހުކުރުމަށް ކުރުމާއި، އެ ކަންކަން ކޮމިޝަނަށް ހުށަހަޅައި ކޮމިޝަނުގެ ލަފައާއި މަޝްވަރާ ހޯދުން.
- ކޮމިޝަނުގެ ސްޓްރެޓެޖިކް އެކްޝަން ޕްލޭންއާ އެއްގޮތްވާ ގޮތުގެ މަތިން ޑިވިޝަންގެ އަހަރީ ޕްލޭން އެކުލަވާލާ ތަންފީޒުކުރުން.
- ސްޓްރެޓެޖިކް އެކްޝަން ޕްލޭންއާ އެއްގޮތްވާ ގޮތުގެ މަތިން ކީ ޕަރފޯމަންސް އިންޑިކޭޓާރސް (ކޭޕީއައި)ތައް އެކުލަވާލާ ކޭޕީއައިތައް ހާސިލްވާކަން ކަށަވަރު ކުރުން.
- ކޮމިޝަނުގެ މަޝްވަރާއާއެކު ކޮމިޝަނުގެ ކުރިއެރުމާއި ތަރައްޤީއަށް ދުރު، މެދު އަދި ކުރު ރާސްތާގެ މަޝްރޫޢުތައް އެކުލަވާލުމާއި، ކޮމިޝަންގެ ސްޓްރެޓީޖިކް ޕްލޭން އެކުލަވާލައި، އެމަޝްރޫޢުތައް ހިންގައި މޮނިޓަރކޮށް ބެލެހެއްޓުން.
- ކޮމިޝަނުގެ މަސައްކަތާ ގުޅޭގޮތުން ބޭރުގެ ފަރާތްތަކާ ވިއުގަކޮށް، ގުޅުން ބަދަހިކޮށް، ތަޖުރިބާ ހިއްސާކޮށް ހެދުމާއި މަސައްކަތާ ގުޅުންހުރި ރޮނގުރޮނގުގެ މައުލޫމާތާއި އައު ހޯދުމާއި ޢިލްމީ ދިރާސާތަކަށް ޝައުޤުބަހައްޓައި، ހޯދައި، ލިބިގަނެ، މެމްބަރުންނާއި މުވައްޒަފުންނާ ހިއްސާކުރުން.
- ޑިވިޝަންގެ ދަށުން ހުންނަ ޑިޕާރޓްމަންޓްތަކުގެ ވެރިންގެ ފެންވަރު ވަޒަންކުރުމުގެ ގޮތުން ޕާރފޯމަންސް އެޕްރެއިޒަލް ނިޒާމު ތަންފީޒުކޮށް ޖަވާބުދާރީކުރުވުން.
|
|
މަޤާމަށް ކުރިމަތިލާ ފަރާތްތަކަށް ޕޮއިންޓްދޭނެ މިންގަނޑު
|
- ތަޢުލީމާއި ތަމްރީނު ( ކަނޑަ އެޅިފައިވާ އިން ސައްތަ %20)
- މަސައްކަތުގެ ތަޖުރިބާ ( ކަނޑަ އެޅިފައިވާ އިން ސައްތަ )
- ޕްރެޒެންޓޭޝަން / ޕްރެކްޓިކަލްސް ( ކަނޑަ އެޅިފައިވާ އިންސައްތަ %20 )
- އިންޓަވިއު ( ކަނޑަ އެޅިފައިވާ އިންސައްތަ %50 )
|
|
އެޕްލިކޭޝަން ސުންގަޑި:
|
04 ނޮވެންބަރު 2025 ވާ އަންގާރަ ދުވަހުގެ މެންދުރު 14:00 ގެ ކުރިންނެވެ.
|
|
ވަޒީފާއަށް އެދި ހުށަހަހަޅަންޖެހޭ ތަކެތި
|
- ފުރިހަމަކޮށްފައިވާ، އެންޓި-ކޮރަޕްޝަން ކޮމިޝަނުގެ ވަޒީފާއަށް އެދޭ ފޯމް. (އެންޓި-ކޮރަޕްޝަން ކޮމިޝަނުގެ ވަޒީފާއަށް އެދޭ ފޯމް ކޮމިޝަނުގެ ކައުންޓަރުން ލިބެން ހުންނާނެއެވެ. އަދި މި ކޮމިޝަންގެ ވެބްސައިޓް www.acc.gov.mv އިން ޑައުންލޯޑު ކުރެވޭނެއެވެ).
- ދިވެހި ރައްޔިތެއްކަން އަންގައިދޭ ކާޑުގެ ދެފުށުގެ ކޮޕީ. (ލިޔެފައިވާ ލިޔުންތައް ކިޔަން އެނގޭ ގޮތަށް).
- މަޤާމަށް އެދޭފަރާތުގެ ވަނަވަރު (ސީވީ). (ގުޅޭނެ ނަންބަރާއި އީމެއިލް އެޑްރެސް ހިމެނޭގޮތަށް)
- ލިބިފައިވާ ތައުލީމީ ސެޓްފިކެޓުތަކުގެ ކޮޕީ. (މޯލްޑިވްސް ކޮލިފިކޭޝަން އޮތޯރިޓީން ޤަބޫލުކުރާ ތަޢުލީމީ ސަނަދުގެ ކޮޕީ އާއި ޓްރާންސްކްރިޕްޓް ހުށަހަޅަން ވާނެއެވެ. ތަޢުލީމީ ސެޓްފިކެޓް ވަޒީފާއަށް ކުރިމަތިލާއިރު ލިބިފައި ނުވާނަމަ، ކޯހުގެ ހުރިހާ މާއްދާއަކުން ފާސްވެފައިވާކަން އެނގޭނެ ޓްރާންސްކްރިޕްޓާއި އެމީހަކު ކޯސް ފުރިހަމަކުރި، ތަޢުލީމުދޭ މަރުކަޒުން ކޯސް ފުރިހަމަކުރިކަމަށް ދީފައިވާ ލިއުންހުށަހެޅަން ވާނެއެވެ. ރާއްޖެއިން ބޭރުގެ ޔުނިވަރސިޓީއަކުން ފުރިހަމަކޮށްފައިވާ ކޯހެއްނަމަ އެކޯހަކީ މޯލްޑިވްސް ކޮލިފިކޭޝަން އޮތޯރިޓީން އެކްރެޑިޓް ކޮށްފައިވާ ކޯހެއްކަން އެނގޭނެ ލިއުން ހުށަހަޅަންވާނެއެވެ. އަދި ރާއްޖެއިން ބޭރުގެ ޔުނިވަރސިޓީއަކުން ފުރިހަމަ ކޮށްފައިވާ ކޯހެއްގެ ސެޓްފިކެޓް ހުށަހަޅާނަމަ އެ ސެޓްފިކެޓުގެ ކޮޕީގައި މޯލްޑިވްސް ކޮލިފިކޭޝަން އޮތޯރިޓީއިން އެކްރެޑިޓް ކޮށްފައިވާކަމުގެ ތައްގަނޑު ޖަހާފައި އޮންނަންވާނެއެވެ. އަދި ސެޓްފިކެޓްތަކުގެ ކޮޕީއާއި ޓްރާންސްކްރިޕްޓްގެ ކޮޕީ ހުށަހަޅާއިރު ޤާނޫނީ ވަކީލެއްގެ ފަރާތުން އަސްލާ އެއްގޮތްކަން އެގޭނެ ތައްގަނޑު ޖަހާ ސޮއިކޮށްފައި އޮންނަންވާނެއެވެ. އަދި އަސްލާއެއްގޮތްކަން އެނގޭނެ ތައްގަނޑު ޖަހާފައިނުވާނަމަ ޝޯޓްލިސްޓް ކުރެވޭ ފަރާތްތަކުގެ ސެޓްފިކެޓުތަކުގެ އޮރިޖިނަލް ކޮމިޝަނަށް ހުށަހަޅާ ވެރިފައި ކުރަންވާނެއެވެ.)
- ލިބިފައިވާ ތަޖުރިބާ ދަލީލުކޮށްދޭ ލިޔުންތަކުގެ ކޮޕީ. ( ތަޖުރިބާ ލިބިފައިވާކަން ދަލީލުކޮށްދޭ ލިއުމުގައި އެމީހަކު އެތަނެއްގައި އަދާކުރި މަޤާމާއި، އެމީހަކު ކުރި މައިގަނޑު މަސައްކަތާއި، އެތަނެއްގައި ވަޒީފާ އަދާކުރި މުއްދަތާއި، އެތަނުގެ އެޑްރެހާއި، އެތަނެއްގެ އިސްވެރިއެއްގެ ސޮޔާއި، ތައްގަނޑު އޮންނަންވާނެއެވެ).
- ލިބިފައިވާ ކާމިޔާބީތަކާއި އެހެނިހެން ސެޓްފިކެޓްތަކުގެ ކޮޕީ. ( މަސައްކަތާ ގުޅުންހުރި ދާއިރާތަކުން ލިބިފައިވާ ކާމިޔާބީތައް ދަލީލުކޮށްދޭ ލިޔުންތަކާއި އަދި ފުރިހަމަކޮށްފައިވާ ކުރުމުއްދަތުގެ ޓްރެއިނިންގ/ވޯކްޝޮޕް ތަކުން ލިބިފައިވާ ސެޓްފިކެޓް ތަކުގެ ކޮޕީ )
|
|
އިތުރު މަޢުލޫމާތު
|
- ކޮމިޝަންގެ ވަޒީފާއަށް އެދޭފޯމާއި ކަމާބެހޭ ލިއުންތައް ހުށަހަޅާނީ މ. ފިނިފަރުގެ ހަތްވަނަ ފަންގިފިލާގައި ހުންނަ މިކޮމިޝަންގެ ކައުންޓަރަށެވެ. އަދި އީމެއިލް މެދުވެރިކޮށް ވަޒީފާއަށް އެދޭފޯމާއި ލިއުންތައް ހުށަހަޅަން ބޭނުންވާ ފަރާތްތަކަށް ([email protected]) އީމެއިލް މެދުވެރިކޮށް ކަނޑައެޅިފައިވާ ސުންގަޑީގެ ކުރިން ފޮނުވިދާނެއެވެ.
- ވަޒީފާއަށް އެދި ހުށަހަޅާ ކޮންމެ އެޕްލިކޭޝަން ފޯމަކަށް ފޯމު ލިބުނު ކަމުގެ ތަރުތީބު ނަންބަރެއް ޖަހާފައިވާ ސްލިޕެއް ދޫކުރެވޭނެއެވެ. އަދި އީމެއިލްއިން ހުށަހަޅާ އެޕްލިކޭޝަންތަކަށް ވެސް ތަރުތީބު ނަންބަރު ޖަހާފައިވާ ސްލިޕް އީމެއިލް ކުރެވޭނެއެވެ.
- އިޢުލާނުގެ މުއްދަތު ހަމަވާ ތާރީޚުން ފެށިގެން ގިނަވެގެން ރަސްމީ 05 ދުވަހުގެ ތެރޭގައި ތަޢުލީމާއި ތަޖުރިބާޔަށް ބަލާ ވަޒީފާޔަށް ކުރިމަތިލީ ފަރާތްތަކަށް ދޫކޮށްފައިވާ ރެފަރެންސް ނަންބަރު ހިމަނައިގެން ޝޯޓްލިސްޓްކުރެވޭ ފަރާތްތަކުގެ ލިސްޓު ކޮމިޝަންގެ ވެބްސައިޓުގައި ޝާއިޢު ކުރެވޭނެއެވެ.
- މިވަޒީފާއަށް މީހަކު ނެގުމުގައި ޢަމަލުކުރެވޭނީ ކޮމިޝަންގެ ވަޒީފާތަކަށް މީހުން ހޯދުމާއި ވަޒީފާ ދިނުމުގައި ޢަމަލުކުރާނެގޮތުގެ އުސޫލާ އެއްގޮތަށެވެ. މި އުސޫލު ކޮމިޝަންގެ ވެބްސައިޓުގައި ޢާއްމުކޮށް ޝާއިޢު ކުރެވިފައިވާނެއެވެ.
- މި ވަޒީފާއަކީ ދާއިމީ ވަޒީފާއެއްކަމުގައި ވީނަމަވެސް، މި ވަޒީފާއަށް ހޮވޭ ފަރާތަކީ ވަޒީފާގެ މަސްއޫލިއްޔަތު އަދާކުރެވޭވަރުގެ ޤާބިލުކަން ހުރި މީހެއްތޯ ބެލުމަށް، ޕްރޮބޭޝަން 3 (ތިނެއް) މަސްދުވަހުގެ މުއްދަތެއް ދެވޭނެއެވެ. އަދި އެ މުއްދަތުގެ ތެރޭގައި ވަޒީފާ އަދާކުރާ ފަރާތަކީ، މަސައްކަތަށް ޤާބިލު މީހެއްކަމުގައި ފެންނަނަމަ، އެ މުވައްޒަފަކާއެކު ކޮމިޝަނުން ދާއިމީ އެއްބަސްވުމެއް ހެދޭނެއެވެ.
- ދައުލަތަށް ނުވަތަ އަމިއްލަ ފަރާތަކަށް ޚިދުމަތްކުރުމުގެ ބޮންޑެއް އޮތް މުވައްޒަފަކު، ކޮމިޝަންގެ މަޤާމަށް ހޮވިއްޖެނަމަ، އަދާކުރަމުންދާ ވަޒީފާއިން ގިނަވެގެން 01 (އެކެއް) މަސް ދުވަހުގެ ތެރޭގައި ވީއްލުމާއިމެދު އިޢުތިރާޒެއްނެތްކަމަށް، ވަޒީފާ ދީފައިވާ ފަރާތުން ދޫކޮށްފައިވާ ލިޔުން ހުށަހަޅަންވާނެއެވެ.
|
|
އިތުރު މަޢުލޫމާތު ހޯއްދެވުމަށް:
ފޯނު ނަންބަރު: 3015217 / 3015265
އީމެއިލް: [email protected]
|
