ޤާނޫނު ނަންބަރު 2010/07 (ދިވެހިރާއްޖޭގެ ދާއިރާތައް ލާމަރުކަޒީ އުސޫލުން ހިންގުމުގެ ޤާނޫނު) އަށް ގެނެވުނު 16 ވަނަ އިސްލާހުގެ ސަބަބުން މި އަންނަނިވި ކަންކަން މި ހިނދުން ހުއްޓާލުމަށް ޖެހިފައިވާކަން އާއްމުކޮށް އަންގާ އިޢުލާން ކުރަމެވެ.

1. ބުނެވިދިޔަ ޤާނޫނުގެ 144-1 ވަނަ މާއްދާގެ (ހ) ގައި ކައުންސިލްގެ އިދާރާގެ ނުވަތަ ކައުންސިލްގެ އޮފީހަކަށް ދާއިމީ މުވައްޒަފުންގެ ގޮތުގައި ނުވަތަ ކޮންޓްރެކްޓް އުޞޫލުން މުވައްޒަފުން ނެގުން މަނާކުރެވިފައި ވުމުން:

• ކައުންސިލް އިދާރާގެ ކައުންސިލް އޮފިސަރ (ދާއިމީ)  2 މަޤާމަށް މުވައްޒަފަކު ނެގުމުގެ މަސައްކަތް މަޑުޖައްސާލުން.
• ރަށުގެ އިޖްތިމާއީ ސަރަހައްދު ކުނިކަހާ ސާފުކޮށް ބަލަހައްޓާނެ މުވައްޒަފުން ނެގުމުގެ މަސައްކަތް މަޑުޖައްސާލުން.
• ޕްރީސްކޫލް ޓީޗަރ (ވަގުތީ) މަޤާމަށް މުވައްޒަފަކު ނެގުމުގެ މަސައްކަތް މަޑުޖައްސާލުން.

1. ބުނެވިދިޔަ ޤާނޫނުގެ 144-1 ވަނަ މާއްދާގެ (ށ) ގައި ކައުންސިލްގެ އިޙްތިޞާޞްގެ ދަށުގައި ހުރި ބިމާއި، ފަރާއި، ފަރުގެ ސަރަހައްދުތައް ކުށްޔަށް ދޫކުރުން މަނާކުރެވިފައިވުމުން:

• ލޯކަލް ޓޫރިޒަމް ތަރައްޤީކުރުމަށް ގެސްޓް ހައުސް އެޅުމަށް ބިން ދޫކުރުން.
• ވަރުވާއަށް ބިންތައް ދޫކުރުން.

     ވީމާ، މަތީގައި ބަޔާންކުރެވިފައިވާ މަސައްކަތްތައް މާލީ ކަންކަން ހިންގުމާއިބެހޭ ވުޒާރާއާއި ލޯކަލް ގަވަރމަންޓް އޮތޯރިޓީއިން ކަނޑައަޅާ އުޞޫލުތަކާއި އެއްގޮތްވާ ގޮތުގެ މަތީން މި މަސައްކަތްތައް ކުރުމަށް ހުއްދަ ލިބުމުން ކުރިއަށް ގެންދެވޭނެ ވާހަކަ މައުލޫމާތަށްޓަކައި ހިއްސާކުރަމެވެ.