2026 ވަނަ ދިރާސީ އަހަރަށް ސްކޫލަށް ދަރިވަރުން ވެއްދުމާ ގުޅޭ

2026 ވަނަ ދިރާސީ އަހަރަށް މިސްކޫލުގެ އެލް.ކޭ.ޖީ، ޔޫ.ކޭ.ޖީ އަދި ގުރޭޑް 1 އަށް ކުދިން ވެއްދުމުގެ ފުރުޞަތު ހުޅުވާލަމެވެ.

ސްކޫލަށް ކުދިން ވެއްދުމާއި އެއް ސްކޫލުން އަނެއް ސްކޫލަށް ދަރިވަރުން ބަދަލުކުރުމުގައި އުމުރުފުރާތައް ބަލާނެ ގޮތް:

• އެއްވެސް ދަރިވަރަކު ހިނގަމުންދާ ދިރާސީ އަހަރެއްގެ ތެރޭގައި އެއް ގްރޭޑުން އަނެއް ގްރޭޑަށް ބަދަލު ނުކުރެވޭނެއެވެ.
• އެލް.ކޭ.ޖީއަށް ދަރިވަރަކަށް ވަދެވޭނީ، ނިމުނު އަހަރުގެ ޑިސެންބަރު 31 އަށް އުމުރުން 4 އަހަރު ފުރިފައިވާ ކުދިންނަށް ކަމުގައި ކަނޑައަޅާފައިވީ ނަމަވެސް، ހިނގާ އަހަރުގެ 31 މާރިޗުގެ ނިޔަލަށް 4 އަހަރު ފުރޭ ކުދިންނަށް އެލް.ކޭ.ޖީއަށް ވަނުމުގެ ފުރުޞަތަށް ބެލެނިވެރިޔާ އެދިއްޖެނަމަ އެ ކުއްޖަކަށް ފުރުޞަތު ދެވިދާނެއެވެ.
• މިހާރު މި ސްކޫލުގެ ފައުންޑޭޝަން ސްޓޭޖުގައި ކިޔަވަމުންދާ ދަރިވަރުން، ޔޫ.ކޭޖީއަށް ނުވަތަ ގުރޭޑް 1 އަށް ބަދަލުވުމަށް ފޯމު ހުށަހަޅާކަށް ނުޖެހޭނެއެވެ.

ވީމާ، ދަރިވަރުން ސްކޫލަށް ވައްދަން އެދޭ ފަރާތްތަކުން އެކަމަށް ޚާއްޞަ ކުރެވިފައިވާ ފޯމު ("އެލް.ކޭ.ޖީއަށް ދަރިވަރުން ވެއްދުމަށް އެދޭފޯމު" ނުވަތަ "އެލް.ކޭ.ޖީ ފިޔަވައި އެހެނިހެން ގްރޭޑްތަކަށް ކުދިން ވެއްދުމަށް އެދޭފޯމު") ފުރިހަމަ ކުރެއްވުމަށްފަހު 2025 އޯގަސްޓް 31 ވާ އާދީއްތަ ދުވަހުގެ 13:00ގެ ކުރިން މިސްކޫލަށް ހުށަހެޅުއްވުމަށް ދަންނަވަމެވެ. ފޯމާއެކު މިދަންނަވާ ލިޔުންތައް ހުށަހަޅަންވާނެއެވެ.

• ކުއްޖާގެ އައިޑީކާޑު ނުވަތަ އުފަންދުވަހުގެ ސެޓްފިކެޓްގެ އަސްލާއި ކޮޕީ
• ބެލެނިވެރިޔާގެ އައިޑީކާޑުގެ އަސްލާއި ކޮޕީ
• ކުއްޖާގެ ވެކްސިންގ ކާޑުގެ އަސްލާއި ކޮޕީ

ފޯމު ދޫކުރުމާއި ބަލައިގަތުމަށް ހަމަޖެހިފައިވަނީ ކޮންމެ ރަސްމީ ދުވަހެއްގެ 09:00 ން 13:00 އަށެވެ.

މިހެންވެ، މިކަން ޢާންމުކޮށް އެންގުމަށްޓަކައި އިޢުލާންކުރީމެވެ.