މަޤާމް

ހިއުމަން ރައިޓްސް ކޮންސަލްޓަންޓް

ބޭނުންވާ އަދަދު:

1 (އެކެއް)

މަޤާމުގެ ގިންތި:

ކޮންޓްރެކްޓް

މުއްދަތު:

2 (ދޭއް) އަހަރު

ވަޒީފާ އަދާކުރަންޖެހޭ ތަން:

އެޓަރނީ ޖެނެރަލްގެ އޮފީސް / މާލެ

މުސާރަ:

25,000ރ (ފަންސަވީސްހާސް ރުފިޔާ)

ސަރވިސް އެލަވަންސް:

15,000ރ (ފަނަރަހާސް ރުފިޔާ)

މަޤާމުގެ މައިގަނޑު މަސްއޫލިއްޔަތުތަކާއި ވާޖިބުތައް:

1. އިންސާނީ ޙައްޤުތަކާބެހޭ ބައިނަލްއަޤްވާމީ ނިޒާމުތަކުން ދިވެހިރާއްޖެއަށް ހުށަހަޅާ ހުށަހެޅުންތައް ތަންފީޛުކުރެވެމުންދާ މިންވަރު ދެނެގަތުމަށާއި، ދިވެހިރާއްޖެއިން ބައިވެރިވެފައިވާ ބައިނަލްއަޤްވާމީ އިންސާނީ ޙައްޤުތަކާބެހޭ މުޢާހަދާތަކުގެ ދަށުން ހުށަހަޅަންޖެހޭ ރިޕޯޓުތައް ތައްޔާރުކުރުމުގެ މަސައްކަތްތަކާއި، ރިވިއުތަކުގައި ދިވެހިރާއްޖެއިން ބައިވެރިވުން ވިލަރެސްކުރުމަށާއި، ރިވިއުތަކާ ގުޅިގެން ކުރަންޖެހޭ ފޮލޯ-އަޕް އަދި އިމްޕްލިމެންޓޭޝަންގެ މަސައްކަތްތައް ވިލަރެސްކޮށް ހިންގުމަށް ޤާއިމްކޮށްފައިވާ ދިވެހިރާއްޖޭގެ ނޭޝަނަލް މެކޭނިޒަމް ފޮރ އިމްޕްލިމެންޓޭޝަން، ރިޕޯރޓިންގ އެންޑް ފޮލޯ-އަޕް (އެން.އެމް.އައި.އާރު.އެފް.) ގެ އެންމެހައި މަސައްކަތްތައް ރާވައި، އަމިއްލަ އިސްނެގުމުގެ ދަށުން ކުރުން؛
2. ދިވެހިރާއްޖޭގެ އެން.އެމް.އައި.އާރު.އެފް. މެނޭޖްކޮށް ހިންގުމަށްޓަކައި ދުވަހުން ދުވަހަށް ކުރަންޖެހޭ މަސައްކަތްތައް ކުރުމާއި، އެ ނިޒާމުގެ މަސައްކަތް ކުރާ އެޓަރނީ ޖެނެރަލްގެ އޮފީހުގެ ޤާނޫނީ އަދި އިދާރީ މުވައްޒަފުންނަށް މަސައްކަތް ޙަވާލުކުރުމާއި، މަސައްކަތް ހިނގާ ނުހިނގާ ގޮތް ބެލުމާއި، ހިއުމަން ރައިޓްސް އެންޑް އިންޓަރނޭޝަނަލް އެފެއާޒްގެ ޑިވިޜަން ހެޑަށް މަސައްކަތް ހިނގާ ނުހިނގާ ގޮތް ގަވާއިދުން ރިޕޯޓުކުރުން؛
3. ދިވެހިރާއްޖޭގެ އެން.އެމް.އައި.އާރު.އެފް. އެކުލެވިގެންވާ ގޮތާއި، އެން.އެމް.އައި.އާރު.އެފް. ގެ މަސްއޫލިއްޔަތުތަކާއި، މަސައްކަތްތައް ތަރުތީބުވާންޖެހޭ ގޮތްތައް ބަޔާންކުރެވިފައިވާ ޓަރމްސް އޮފް ރެފަރެންސް އަދި ސްޓޭންޑަރޑް އޮޕަރޭޓިންގ ޕްރޮސީޖަރތައް އެކުލަވާލައި، މަސައްކަތް ކުރިއަށްދާ ގޮތަށް ބިނާކޮށް އިޞްލާޙުކޮށް، އިތުރު ޓަރމްސް އޮފް ރެފަރެންސް ނުވަތަ ސްޓޭންޑަރޑް އޮޕަރޭޓިންގ ޕްރޮސީޖަރތައް އެކުލަވާލުން؛
4. ދިވެހިރާއްޖޭގެ އެން.އެމް.އައި.އާރު.އެފް. ގައި ހިމެނޭ 2 (ދޭއް) ކޮމިޓީއާއި 8 (އަށެއް) ސަބްކޮމިޓީ މެނޭޖްކޮށް، ކޮމިޓީތަކުގެ މެންބަރުންނާއި ފޯކަލް ޕޮއިންޓުތަކާ ގަވާއިދުން މުޢާމަލާތުކޮށް، މެންބަރުންނަށް އަރުވަންޖެހޭ މަޢުލޫމާތުތައް އަރުވައި، ކޮމިޓީތަކުގެ ބައްދަލުވުންތައް ވިލަރެސްކުރުން؛
5. ދިވެހިރާއްޖެއިން ބައިވެރިވެފައިވާ ބައިނަލްއަޤްވާމީ އިންސާނީ ޙައްޤުތަކާބެހޭ މުޢާހަދާތަކާގުޅޭ އަހުލުވެރިކުރުމުގެ ޕްރޮގްރާމްތައް ރާވައި ހިންގުމާއި، އެން.އެމް.އައި.އާރު.އެފް. ގެ ކޮމިޓީގެ މެންބަރުންނަށް ޚާއްޞަކޮށް އަހުލުވެރިކުރުމުގެ ސެޝަންތައް ގަވާއިދުން ކުރިއަށްގެންދިއުން؛
6. ދިވެހިރާއްޖެއިން ބައިވެރިވެފައިވާ ބައިނަލްއަޤްވާމީ އިންސާނީ ޙައްޤުތަކާބެހޭ މުޢާހަދާތަކާއި، ޔުނިވަރސަލް ޕީރިއޮޑިކް ރިވިއުގެ ދަށުން ހުށަހަޅަންޖެހޭ ރިޕޯޓުތައް ހުށަހަޅަންޖެހޭ ސުންގަޑިތައް ފާހަގަކޮށް، އެ ސުންގަޑިތަކަށް ރިޕޯޓްތައް ފުރިހަމަކޮށް ހުށަހަޅުމަށްޓަކައި ކޮމިޓީތަކުގެ މަސައްކަތްތައް ރާވައި ނިންމުން؛
7. ދިވެހިރާއްޖެއިން ބައިވެރިވެފައިވާ ބައިނަލްއަޤްވާމީ އިންސާނީ ޙައްޤުތަކާބެހޭ މުޢާހަދާތަކާއި، ޔުނިވަރސަލް ޕީރިއޮޑިކް ރިވިއުގެ ދަށުން ހުށަހަޅާ ރިޕޯޓުތައް ރިވިއު ކުރުމަށްޓަކައި، އ.ދ. ގެ އެކި ބޮޑީތަކުން ބާއްވާ ރިވިއު ސެޝަންތަކަށް ދިވެހިރާއްޖޭގެ ޑެލެގޭޝަން ތައްޔާރުކުރުމާއި، އެގޮތުން ބޭނުންވާ ބްރީންފިންގ ޕޭޕަރުތައް ތައްޔާރުކުރުމާއި، ލޮޖިސްޓިކްސް ހަމަޖެއްސުމާއި، ސެޝަންތަކުގައި ޢަމަލީ ގޮތުން ބައިވެރިވެ ދިވެހިރާއްޖެ ތަމްޞީލުކުރުން؛
8. ދިވެހިރާއްޖެއިން ބައިވެރިވެފައިވާ ބައިނަލްއަޤްވާމީ އިންސާނީ ޙައްޤުތަކާބެހޭ މުޢާހަދާތަކާއި، ޔުނިވަރސަލް ޕީރިއޮޑިކް ރިވިއުގެ ދަށުން ހުށަހަޅާ ރިޕޯޓުތަކާ ގުޅިގެން ބޭއްވޭ ރިވިއު ސެޝަންތަކަށްފަހު ލިބޭ ކޮންކްލޫޑިންގ އޮބްޒަރވޭޝަންތަކާއި ރެކޮމެންޑޭޝަންތައް ކެޓަގަރައިޒްކޮށް، ކަމާބެހޭ ސްޓޭކްހޯލްޑަރުންނަށް ފޮނުވައި، ތަންފީޛުކުރުމުގެ މަސައްކަތް ކުރިއަށްދާ މިންވަރު ގަވާއިދުން ދެނެގަނެ، ގޮންޖެހުންތައް ޙައްލުކުރުމަށް މަސައްކަތްކުރުން؛
9. އެން.އެމް.އައި.އާރު.އެފް. ގެ ދަށުން ކުރިއަށްގެންދާ މަސައްކަތްތަކަކީ އެކި ކަހަލަ ޚާއްޞަ ފަންނީ ހުނަރު ބޭނުންވާ ކަމަކަށް ވުމާއެކު، އ.ދ. ގެ އޮފީސް އޮފް ދަ ހައި ކޮމިޝަނަރ ފޮރ ހިއުމަން ރައިޓްސްއާ ގުޅިގެން ކަމާ ގުޅުންހުރި ތަމްރީންތައް ރާވައި ހިންގުން؛
10. އެން.އެމް.އައި.އާރް.އެފް. ގެ ދަށުން ކުރަމުން އަންނަ މަސައްކަތްތައް ދިގުމުއްދަތަކަށް ދެމިގެންދާނެ ގޮތަށް ހަރުދާނާކަމާއެކު ކުރުމަށްޓަކައި، އ.ދ ގެ އޮފީސް އޮފް ދަ ހައިކޮމިޝަނަރ ފޮރ ހިއުމަން ރައިޓްސްއާ ގުޅިގެން ގާއިމްކޮށްފައިވާ ނޭޝަނަލް ރެކޮމެންޑޭޝަން ޓްރެކިންގ ޑޭޓާބޭސް (އެން.އާރު.ޓީ.ޑީ.) މެނޭޖްކޮށް، އެ ޑޭޓާބޭސް ބޭނުންކުރުމާ ގުޅޭ އެންމެހައި އިންތިޒާމްތައް ހަމަޖައްސައި، އެ ޑޭޓާބޭސް ބޭނުންކުރުމާގުޅޭ ތަމްރީނުތައް ކަމާބެހޭ ފަރާތްތަކަށް ދިނުން؛
11. މި ދާއިރާއިން އެޓަރނީ ޖެނެރަލްގެ އޮފީހަށް ބޭނުންވާ ޤާބިލް މުވައްޒަފުން ބިނާކުރުމަށްޓަކައި، އޮފީހުގެ ކަމާގުޅޭ ޑިވިޜަންގެ ޤާނޫނީ އަދި އިދާރީ މުވައްޒަފުން މަސައްކަތައް އަހުލުވެރިކުރުވައި، އިދާރީ ގޮތުން މަސައްކަތްތައް ހިންގޭނެ ފެންވަރުގެ މުވައްޒަފުން ބިނާކުރުން.

މަޤާމުގެ ޝަރުޠުތައް:

1. ހިއުމަން ރައިޓްސް ނުވަތަ އިންޓަރނޭޝަނަލް ރިލޭޝަންސް ދާއިރާއިން މާސްޓަރސް ޑިގްރީއެއް ހާސިލްކޮށްފައިވުން.
2. ހިއުމަން ރައިޓްސް ނުވަތަ ޑިވެލޮޕްމަންޓް ސްޓަޑީޒްއާ ގުޅުންހުރި ދާއިރާއެއްގައި 10 (ދިހައެއް) އަހަރު މަސައްކަތްކޮށްފައިވުން.
3. ދިވެހިރާއްޖެއިން ބައިވެރިވެފައިވާ ބައިނަލްއަޤްވާމީ އިންސާނީ ޙައްޤުތަކާބެހޭ މުޢާހަދާތަކާއި އޮޕްޝަނަލް ޕްރޮޓޮކޯލްތަކަށް އަހުލުވެރިވުން.
4. އ.ދ. ގެ އިންސާނީ ޙައްޤުތަކާގުޅޭ އެކި ނިޒާމުތަކަށާއި، އެ ނިޒާމުތަކުން ފާހަގަކޮށްފައިވާ ދިވެހިރާއްޖެއާ ގުޅުންހުރި އިންސާނީ ޙައްޤުތަކާބެހޭ މައްސަލަތަކަށް އަހުލުވެރިވުން.
5. ދިވެހިރާއްޖެއިން ބޭރުގައި ދިވެހިރާއްޖެ ތަމްޞީލުކުރުމުގެ ތަޖުރިބާ ލިބިފައިވުމާއި، ބައިނަލްއަޤްވާމީ ފަރާތްތަކާއެކު ރަނގަޅަށް މުޢާމަލާތުކުރެވޭނެ، އިނގިރޭސި ބަހުގެ ފެންވަރު ރަނގަޅު ފަރާތަކަށްވުން.

ހުށަހަޅަންޖެހޭ ލިޔުންތަން:

1. ފުރިހަމަ ކޮށްފައިވާ ސިވިލް ސަރވިސްގެ ވަޒީފާއަށް އެދޭ ފޯމު (މި ފޯމް ސިވިލް ސަރވިސް ކޮމިޝަންގެ ވެބްސައިޓުން އަދި މި އޮފީހުގެ ވެބްސައިޓުންނާއި މި އޮފީހުގެ ކައުންޓަރުން އަދި ތިރީގައިވާ ލިންކުން ލިބެންހުންނާނެއެވެ.)

https://www.csc.gov.mv/download/2021/84/1e148c34-bc04-4150-9537-29309c104aa7.docx

1. ވަޒީފާއަށް އެދޭ ފަރާތުގެ ވަނަވަރު (ގުޅޭނެ ފޯނު ނަންބަރާއި އީމެއިލް އެޑްރެސް ހިމެނޭގޮތަށް).
2. ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ (މުއްދަތު ހަމަވެފައިވީ ނަމަވެސް) ދެފުށުގެ ލިޔުންތައް ފެންނަ، އަދި ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް. ނުވަތަ އައި.ޑީ.ކާޑު ގެއްލިފައިވާނަމަ އެ ފަރާތެއްގެ އުފަންދުވަހުގެ ސެޓްފިކެޓް، ޕާސްޕޯޓް ނުވަތަ ޑްރައިވިންގ ލައިސަންސް.
3. ސިވިލް ސަރވިސްއަށް / ސަރުކާރަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން ކުރިމަތިލާ މަޤާމަށް ހޮވިއްޖެނަމަ، އަދާކުރަމުންދާ ވަޒީފާއިން ވީއްލުމާމެދު އިއުތިރާޟެއް ނެތްކަމަށް، ވަޒީފާ އަދާކުރާ އޮފީހުން ދޫކޮށްފައިވާ ލިޔުން.
4. ލިބިފައިވާ ތަޢުލީމީ ސެޓުފިކެޓުތަކުގެ ކޮޕީ؛

(ހ) މޯލްޑިވްސް ކޮލިފިކޭޝަން އޮތޯރިޓީން ލެވެލް ކަނޑައަޅައި ތައްގަނޑުޖަހާފައިވާ، މަތީ ތަޢުލީމުދޭ ރާއްޖެއިން ބޭރުގެ މަރުކަޒަކުން ދޫކޮށްފައިވާ ތަޢުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓުގެ ކޮޕީ؛ ނުވަތަ ސެޓްފިކެޓް ނެތް ޙާލަތްތަކުގައި، ކޯސް ފުރިހަމަ ކުރިކަމުގެ ލިޔުމުގެ ކޮޕީއާއި، މޯލްޑިވްސް ކޮލިފިކޭޝަންސް އޮތޯރިޓީން ދޫކޮށްފައިވާ އެސެސްމެންޓް ރިޕޯޓުގެ ކޮޕީ އަދި ޓްރާންސްކްރިޕްޓްގެ ކޮޕީ.

(ށ) ރާއްޖޭގެ މަތީ ތަޢުލީމު ދޭ މަރުކަޒަކުން ދޫކޮށްފައިވާ ތަޢުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓްގެ ކޮޕީ؛ ނުވަތަ ކޯސް ފުރިހަމަކުރިކަމުގެ ލިޔުމުގެ ކޮޕީއާއި ޓްރާންސްކްރިޕްޓްގެ ކޮޕީ.

1. މަސައްކަތުގެ ތަޖުރިބާ އަންގައިދޭ ތިރީގައިވާ މިންގަނޑަށް ފެތޭ ލިޔުންތަކުގެ ކޮޕީ:

(ހ) ސިވިލް ސަރވިސްގެ ވަޒީފާއެއްގައި، ދައުލަތުގެ މުއައްސަސާއެއްގައި، ނުވަތަ ސަރުކާރު ޙިއްސާވާ ކުންފުންޏެއްގައި ވަޒީފާ އަދާކޮށްފައިވާނަމަ، އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ށ)  ސިވިލް ސަރވިސްގެ ތަޖުރިބާގެ ތެރެއިން https://myaccount.csc.gov.mv/ އިން ފެންނަންނެތް ތަޖުރިބާގެ މުއްދަތުތައް ހާމަކޮށްދިނުމުގެ ގޮތުން އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްޢޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ނ) އަމިއްލަ ކުންފުންޏެއް ނުވަތަ އަމިއްލަ އިދާރާއެއްގައި ވަޒީފާ އަދާކޮށްފައިވާނަމަ އަދާކޮށްފައިވާ ވަޒީފާ، ވަޒީފާ އަދާކުރި މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްޢޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީނަމަވެސް) ވަކިވަކިން ބަޔާންކޮށް އަދި މަސައްކަތްކޮށްފައިވާ ތަނުގެ މުވައްޒަފުންގެ އަދަދު ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ރ) ޤައުމީ ނުވަތަ ބައިނަލްއަޤުވާމީ ޖަމްޢިއްޔާ ނުވަތަ ޖަމާޢަތެއްގައި މަސައްކަތް ކޮށްފައިވާނަމަ، އަދާކޮށްފައިވާ ވަޒީފާ، އަދި ވަޒީފާ އަދާކުރި މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީނަމަވެސް) ވަކިވަކިން ބަޔާންކޮށް އެ ތަނަކުން ދޫކޮށްފައިވާ ލިޔުން (މި ލިޔުމުގައި އަދާކޮށްފައިވާ މަޤާމަކީ މުސާރަދެވޭ މަޤާމެއްކަން ނުވަތަ ނޫންކަން ބަޔާންކޮށްފައި އޮންނަން ވާނެއެވެ. ނުވަތަ ބަދަލުގައި އެކަން ބަޔާންކޮށް އެ ތަނަކުން ދޫކޮށްފައިވާ ރަސްމީ ލިޔުމެއް ހުށަހަޅަންވާނެއެވެ.)

(ބ)  ދަޢުލަތުގެ އުވާލާފައިވާ އިދާރާއެއްގައި، ނުވަތަ އަމިއްލަ ކުންފުންޏެއް ނުވަތަ އަމިއްލަ އިދާރާއެއްގައި، ނުވަތަ ޤައުމީ ނުވަތަ ބައިނަލްއަޤުވާމީ ޖަމްއިއްޔާ / ޖަމާޢަތެއްގައި މަސައްކަތްކޮށްފައިވާނަމަ، އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްޢޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން ލިބެންނެތް ނަމަ، ރެކްރޫޓްމަންޓް އުޞޫލުގެ ޖަދުވަލު 8 ގައިވާ "ވަޒީފާއަށް އެދޭ ފަރާތުގެ ރެފަރެންސް ޗެކް ފޯމު".

މަޤާމަށް އެދެންވީ ގޮތާއި ސުންގަޑި:

މަޤާމަށް އެދި ހުށަހަޅަންޖެހޭ ތަކެތި ހުށަހަޅާނީ 13 މޭ 2025 ވާ އަންގާރަ ދުވަހުގެ 13:30 ގެ ކުރިން، އެޓަރނީ ޖެނެރަލްގެ އޮފީހަށެވެ. ވަޒީފާއަށް އެދޭ ފޯމާއި ލިޔުންތައް އީމެއިލް [email protected] މެދުވެރިކޮށްވެސް ބަލައި ގަނެވޭނެއެވެ. އަދި އިޢުލާނުގެ ސުންގަޑި ހަމަވުމުގެ ކުރިން ސަރުކާރުން އަލަށް ބަންދު ދުވަހެއް ކަނޑައަޅައިފިނަމަ، އެކަނޑައަޅާ ދުވަހުގެ އަދަދަށް ވަޒީފާއަށް އެދޭ ފޯމު ބަލައިގަނެވޭނެއެވެ. ވަޒީފާއަށް އެދޭ ފޯމާއި ލިޔެކިޔުންތައް އީމެއިލްކުރައްވާނަމަ، އެއް އީމެއިލްއެއްގައި ހުރިހާ ޑޮކިއުމަންޓްތައް ޕީ.ޑީ.އެފް. ފޯމެޓުގައި އެޓޭޗްކޮށް ފޮނުއްވަންވާނެއެވެ.

ޝޯޓް ލިސްޓްކުރުން:

މި ވަޒީފާއަށް އެދި ހުށަހަޅާ ފަރާތްތަކުގެ ތެރެއިން ތަޢުލީމީ ފެންވަރާއި ތަޖުރިބާއަށް ބަލައި، ވަޒީފާއަށް ކުރިމަތިލާފައިވާ ފަރާތްތަކުގެ ތެރެއިން އެންމެ މަތިން މާކްސް ލިބޭ ފަރާތްތައް ޝޯޓްލިސްޓް ކުރެވޭނެއެވެ.

އިންޓަވިއުއަދި ޕްރެކްޓިކަލްއޮންނާނެ ތަނާއި، މުއްދަތު:

މި މަޤާމަށް މީހަކު ހޮވުމަށް ބޭއްވޭ ޕްރެކްޓިކަލް، އަދި އިންޓަރވިއު އޮންނާނީ 18 މޭ 2025 އާއި 25 ޖޫން 2025 އާ ދެމެދު އެޓަރނީ ޖެނެރަލްގެ އޮފީހުގައެވެ. ވުމާއެކު މި ވަޒީފާއަށް ކުރިމަތިލާ ފަރާތްތަކުން މި މުއްދަތުގައި ޕްރެކްޓިކަލް އަދި އިންޓަރވިއުށް ހާޒިރުވުމަށް ތައްޔާރުވެގެން ތިއްބެވުން އެދެމެވެ.

"ވަޒީފާ އަށް ކުރިމަތިލީ ފަރާތްތަކަށް ޕޮއިންޓް ލިބުނު ގޮތުގެ (A2 ފޯމު)" އާންމުކުރުން

އިންޓަރވިއު ބާއްވާތާ ރަސްމީ ބަންދު ނޫން 3 (ތިނެއް) ދުވަހުގެ ތެރޭގައި "ވަޒީފާއަށް ކުރިމަތިލީ ފަރާތްތަކަށް ޕޮއިންޓް ލިބުނުގޮތުގެ ޝީޓް (A2 ފޯމު)" ޢާންމުކޮށް ފެންނާހެން މި އިދާރާގައި އަދި އިދާރާގެ ވެބްސައިޓްގައި އާންމުކުރެވޭނެއެވެ. ވަޒީފާއަށް ކުރިމަތިލީ ފަރާތްތަކަށް ޕޮއިންޓް ދެވިފައިވާ ގޮތާމެދު ޝަކުވާއެއް އޮތްނަމަ A2 ފޯމު ޢާންމު ކުރާ ދުވަހުން ފެށިގެން ރަސްމީ ބަންދު ނޫން 3 (ތިނެއް) ދުވަހުގެ ތެރޭގައި އެ ޝަކުވާއެއް މި އިދާރާއަށް ހުށަހަޅަންވާނެއެވެ.

މި އިޢުލާނާ ގުޅިގެން މަޢުލޫމާތު ސާފުކުރުމަށް ގުޅާނީ 3010100 އަށެވެ. އީމެއިލް ކުރާނީ [email protected]  އަށެވެ. ސިވިލް ސަރވިސްގެ ވަޒީފާތަކަށް މީހުން ހޮވުމާއި ޢައްޔަންކުރުމުގެ މިންގަނޑުތަކާއި އުޞޫލްތައް "ރެކްރޫޓްމެންޓް އުޞޫލު"  (http://www.csc.gov.mv/policy/Index/40) އިން ލިބެން ހުންނާނެއެވެ.