|
1. ޔުނިވަރސިޓީގެ ސްޓްރެޓެޖިކް ޕްލޭން އަދި އެ ސްކޫލެއްގެ އޮޕަރޭޝަނަލް ޕްލޭންގައި ހިމެނޭ ކަންކަން ހާޞިލް ކުރުމުގައި އިސްނަގައި ހަރަކާތްތެރިވުމާއި، ދޭންޖެހޭ އެންމެހާ އެއްބާރުލުމެއް ދިނުމާއި އެހީތެރިކަން ދިނުމާއި އަދި އެފަދައިން އިދާރީ ކަންކަން ތަރުތީބުކުރުން.
2. އިދާރީ މުވައްޒަފުންގެ މަސައްކަތްތައް ރޭވުމާއެކު އެ މުވައްޒަފުންގެ ވަޒީފާ ބަޔާނާ އެއްބަސްވުމުގައި ސޮއި ކުރެވިފަވޭތޯބަލާ، އެ މުވައްޒަފުންގެ މަސްޢޫލިއްޔަތާ ޒިންމާތައް ފުރިހަމައަށް އަދާކުރޭތޯ ބެލުމާ، މި މުވައްޒަފުންގެ މަސައްކަތުގެ ފެންވަރު ގަވާއިދުން ބަލާ އިސްލާޙްކުރުމަށް އަޅަންޖެހޭ ފިޔަވަޅުތައް ޑީން އަދި ހިއުމަން ރިސޯސް ޑިޕަރޓްމަންޓްގެ އިރުޝާދުގެ ދަށުން އެޅުން.
3. މުވައްޒަފުންގެ ހާޒިރީ، ޑިއުޓީ ރޮސްޓަރ، އިތުރުގަޑިއާ ގުޅޭ ގޮތުން ހިއުމަން ރިސޯސް ސިސްޓަމްއިން ކުރަންޖެހޭ ކަންކަން ކުރުމާއި، ހާޒިރީއާ ގުޅިގެން ދިމާވާ މައްސަލަތައް ކަމާބެހޭ ފަރާތްތަކާ ގުޅިގެން ދުވަހީ ގޮތެއްގައި ހައްލުހޯދައި ދިނުމާއި އެފަދައިން އިންތިޒާމްތައް ހަމަޖެހިފައިވާކަން ޔަޤީންކުރުން.
4. ސްކޫލްގެ މަސައްކަތްތަކަށާއި ކިޔަވައިދިނުމަށް ބޭނުންވާ އެންމެހާ ވަޞީލަތްތަކާއި، އޮފީސް ހިންގުމަށް ހޯދަންޖެހޭ ފަރުނީޗަރާއި، އިކްއިޕްމަންޓާއި މެޝިނަރީފަދަ ތަކެތި ފާހަގަކޮށް، ޑީންގެ ލަފަޔާއެކު އެތަކެތި ހޯދުމުގެ އެންމެހައި މަސައްކަތެއްކުރުމާއި އެ ފަދަ މަސައްކަތް ދާނުދާގޮތްބަލާ މޮނިޓަރކޮށް އެކަށޭނެ ހަލުވިމިނެއްގައި އެ މަސައްކަތް ނިންމުމަށް މަސައްކަތްކުރުން.
5. ކްލާސްރޫމްތަކާއި، އޮފީހުގެ އެތެރެއާއި ބޭރު ކަނޑައެޅޭ އުސޫލެއްގެ މަތިން (އެންމެ ލަސްވެގެން ކޮންމެ މަހަކު އެއްފަހަރު) އިންސްޕެކްޓްކޮށް، ކުރަންޖެހޭ މަރާމާތުތައް ފާހަގަކޮށް އެތަންތަން މަރަމާތުކުރުމުގެ އިންތިޒާމުތައް ކުރުމާއި ސްކޫލް އިން ގެއްލޭ ތަކެއްޗާއި މުދަލުގެ ރެކޯޑް ބަލާ ކަމާބެހޭ ފަރާތްތަކަށް އެކަންކަން އަންގުމާއެކު އިޙުމާލުވާ ފަރާތެއްވާނަމަ އެ ފަރާތްތަކާމެދު ޑީންގެ އަދި ހިއުމަން ރިސޯސް ޑިޕަރޓްމަންޓްގެ އިރުޝާދުގެ ދަށުން އިސްލާޙީ ފިޔަވަޅު އެޅުން.
6. ސްކޫލްގެ ބަޖެޓްތައްޔާރު ކުރުމަށް އިދާރީ މަރުކަޒަށް ބޭނުންވާ މަޢުލޫމާތު ދިނުމާއި ބަޖެޓުން ކުރެވޭ ޚަރަދުތައް އިދާރީ މަރުކަޒުގެ ކަމާ ބެހޭ ސެކްޝަނާ ގުޅައިގެން ކުރިޔަށް ގެންދިޔުމާއި ތައްޔާރުކުރަންޖެހޭ ރިޕޯޓްތައް ތައްޔާރުކުރުން.
7. ސްކޫލަށް ހޯދާ ތަކެތި ޤަވާއިދުން އިންވެންޓްރީ ކުރުވާ އިންވެންޓްރީ ރަނގަޅަށް ބެލެހެއްޓުމާއި އުކާލާ ތަކެއްޗާއި، ނީލަންކިޔާ ތަކެއްޗާއި، ނައްތާލާތަކެތި ފާހަގަކޮށް، އެފަދަ ތަކެތި އޮފީހުގައި ގިނަވެފައި ނުހުންނާނެ ގޮތެއްގެ މަތިން، ގަވާއިދާއެއްގޮތަށް ނައްތާލުން / އިންވެންޓްރީއިން އުނިކުރުމުގެ އިންތިޒާމް ހަމަޖެއްސާ ކަނޑައެޅިފައިވާ ތާވަލްއަކާއި އެއްގޮތްވާ ގޮތުގެ މަތީން މޮނިޓަރކޮށް ބެލެހެއްޓުން.
8. ސްޓޮކުން މަދުވާތަކެތި ބަލައި އޮފީހަށް ބޭނުންވާ ތަކެތި އޮފީހަށް ދަތިނުވާނޭހެން ހޯދުމުގެ އިންތިޒާމް ހަމަޖެއްސުމާއި ސްޓޮކް، މޮނިޓަރކޮށް ސުޕަވައިޒްކުރުމާއި، އިސްރާފްތައް ދެނެގަނެ ވީހާވެސް އިސްރާފް މަދުކުރެވޭނެ ގޮތްތައް ހޯދުމާއި އެފަދަ ގޮތްތައް ބޭނުންކުރުން.
9. ސްކޫލް އިން ހިންގާ އެކިއެކި ލޯކަލް އަދި އިންޓަރނޭޝަނަލް ޕްރޮޖެކްޓްސް އަދި ޕްރޮގްރާމްތަކާއި ގުޅިގެން ހަވާލުކުރެވޭ ކަންކަން ކުރުމާއި މޮނިޓަރކުރުމާއި މަސައްކަތް ކުރެވެމުންދާ މިންވަރު ކަނޑައެޅިފައިވާ ތާވަލްއެއްގެ ދަށުން ގަވާއިދުން ރިޕޯރޓްކުރުން.
10. ކިޔަވައިދިނުމަށް ބޭނުންވާ ކުލާސްރޫމުތައް ހޯދައި ހަމަޖެއްސުމާއި އެކަޑެމިކް މުވައްޒަފުންނަށް ދަތިނުވާނޭ ފަދަގޮތަކަށް ކިޔަވައިދިނުމާ ގުޅޭގޮތުން ހަމަޖައްސަންޖެހޭ ހުރިހާ އިދާރީ ކަމެއް ހަމަޖެހިފައިވޭތޯ ކަށަވަރުކުރުމާއި މި މަސައްކަތް އިންތިޒާމްކޮށް ރާވާ ހިންގުމާއި ފާހަގަކުރެވޭ އުނިކަންކަން ޑީނާއި މަޝްވަރާކޮށްގެން ރަގަޅުކުރުމަށް އަޅަންޖެހޭ ފިޔަވަޅުތައް އެޅުމާއި އެފަދައިންއިންތިޒާމްތައް ހަމަޖެހިފައިވާކަން ކަށަވަރުކުރުން.
11. ސްކޫލްގެ ކުރިއެރުމަށް ނުވަތަ ދުވަހީ އިންތިޒާމުތައް ކޮށްދިނުމާއި އިމްތިޙާން ތަކަށް ހޯލް / ކިލާސްރޫމްފަދަ ތަންތަން ތައްޔާރު ކުރުމުގެ ކަންތައް ހަމަޖެއްސުމާއި އިދާރީ ގޮތުން ހަމަޖައްސަންޖެހޭ ކަންކަން ހަމަޖެހިފައިވޭތޯ ކަށަވަރުކުރުމާއި މި މަސައްކަތް އިންތިޒާމްކޮށް ރާވާ ހިންގުމާއި އެފަދައިންއިންތިޒާމްތައް ހަމަޖެހިފައިވާކަން ކަށަވަރުކުރުން.
12. ސްކޫލްގެ ދަރިވަރުން / މުވައްޒަފުން ކުރަންޖެހޭ ދަތުރު ތަކުގެ ކަންތައްތައް މަރުކަޒީ އިދާރާޔާ ގުޅައިގެން ކުރިޔަށް ގެންދިޔުމުގެ އިންތިޒާމް ހަމަޖެހިފައިވާކަން ކަށަވަރުކުރުމާއި މޮނިޓަރކޮށް ބެލެހެއްޓުން.
13. ޕާޓްޓައިމް ލެކްޗަރާއިންގެ ޕޭޝީޓުތައް ކަނޑައެޅިފައިވާ މުއްދަތުގެ ތެރޭގައި މަރުކަޒީ އިދާރާއަށް ފޮނުވޭކަން ކަށަވަރުކުރުމާއި އެމީހުންގެ އުޖޫރަ ގަވާއިދުން ދެވޭތޯ ކަށަވަރުކުރުމާއި ދިމާވާ ދަތިތައް ވީހާ އަވަހަކަށް ހައްލުކުރުމަށް މަސައްކަތްކުރުން.
14. ތަނަށް އަލަށް ނެގޭ މުވައްޒަފުން މަސައްކަތަށް އަހުލުވެރިކުރުމުގެ ގޮތުން އިންޑަކްޝަން ޕްރޮގްރާމްގެ ތެރެއިން ޙަވާލުކުރެވޭ ބައިތައް ހިންގުމާއި ޕްރޮބޭޝަންގެ އެންމެހާ ކަންތައްތައް ރަނގަޅަށް ދޭތޯ ކަށަވަރުކުރުން.
15. ތަނުގެ އިދާރީ ހިންގުން ހަރުދަނާކުރުމަށްޓަކައި މަސައްކަތްތައް ހަލުވިކޮށް ފެންވަރު މަތިކުރުމަށް އަމިއްލައަށް އިސްނަގައިގެން އިދާރީ މަސައްކަތްތައް ރޭވުމާއި ޑީނާއި އެހެނިހެން މުވައްޒަފުންގެ މަޝްވަރާއާއި ޝާމިލްވުން ހިމެނޭހެން ރަގަޅުކުރުމަށް އަޅަންޖެހޭ ފިޔަވަޅުތައް އެޅުމާއި ދިމާވާ މައްސަލަތައް އަވަހަށް ހައްލުކުރުމުގައި ގަދައަޅައި މަސައްކަތް ކުރުން.
16. ތަނުގެ އެންމެހާ ރެކޯޑްތައް ރަނގަޅު އިންތިޒާމެއްގެ ތެރެއިން ބެލެހެއްޓޭކަން ކަށަވަރުކުރުމާއި އެފަދަ ހަރުދަނާ އިންތިޒާމްތައް ގާއިމްކުރުމާއި އިދާރީ މަސައްކަތްތަކާ ގުޅޭ އެސްއޯޕީ އަދި އުސޫލުތައް ތައްޔާރުކޮށް ޑީންގެ މަޝްވަރާގެ ދަށުން ތަންފީޒުކުރުން.
17. އިދާރީ ހިންގުން ހަރުދަނާކުރުމަށް ކަނޑައަޅާފައިވާ ސިޔާސަތުތަކާ އުޞޫލުތައް ތަންފީޒްކޮށް، މޮނިޓަރކުރުމުގައި ޑީނަށް އެއްބާރުލުމާއި އެހީތެރިކަން ދިނުމާއި މިފަދަ ސިޔާސަތުތަކާ އުޞޫލުތަކަށް މުވައްޒަފުން އަހުލުވެރިކުރުވުން.
18. މަތީގައި ބުނެފައިވާ ކަންކަމުގެ އިތުރުންވެސް އިދާރީ މަސައްކަތާ ގުޅޭގޮތުން ޑީން ހަވާލުކުރާ މަސައްކަތްތައް ކުރުން.
|
