ދިވެހިރާއްޖެ
މިރަށު ބަނދަރު ސަރަހައްދުގައި ޢިމާރާތް ކޮށްފައިވާ '' ކައުންސިލް ކެފޭ '' 5 އަހަރު ދުވަހުގެ މުއްދަތަށް ކުއްޔަށް ދޫކުރުމަށް މިއިދާރާއިން ކުރި ނަމްބަރ: (IUL)289/289/2025/05 (30 ޖަނަވަރީ 2025) ގެ އިޢުލާނާއި ގުޅިގެން ބިޑް ހުށަހަޅާފައިވަނީ އެންމެ ފަރާތަކުން ކަމަށްވާތީ، އެކަމަށް ޝަޢުޤުވެރިކަން ފާޅުކުރި ފަރާތްތައް މަދުކަމަށް ފެންނާތީ، އެއިޢުލާން ބާޠިލްކޮށް، ކައުންސިލް ކެފޭ ކުއްޔަށް ދޫކުރުމަށްޓަކައި އަލުން އިޢުލާން ކުރީމެވެ.
ވީމާ 5 އަހަރު ދުވަހުގެ މުއްދަތަށް ކައުންސިލް ކެފޭ ކުއްޔަށް ހިފުމަށް ޝައުޤުވެރިވެލައްވާ ފަރާތްތަކުން ކަނޑައެޅިފައިވާ މުއްދަތުގެ ތެރޭގައި ބީލަމުގައި ރަޖިސްޓްރީ ވުމަށްފަހު، ބީލަން ހުށަހެޅުއްވުން އެދެމެވެ. ބީލަމުގައި ރަޖިސްޓްރީވުމަށްއެދި ފޯމް ހުށަހަޅުއްވާ ފަރާތްތަކަށް، ބީލަމާގުޅޭ މަޢުލޫމާތު ކަރުދާސް ފޯރުކޮށް ދެވޭނެއެވެ.
|
ބީލަން ރަޖިސްޓްރީ ކުރުން |
27 އޭޕްރީލް 2025 ވަނަ ދުވަހުން ފެށިގެން 30 އޭޕްރީލް 2025 ވަނަ ދުވަހުގެ 14:00 ގެ ކުރިން، ބީލަމުގައި ރަޖިސްޓްރީ ވުމަށް އެދޭ ފޯމާއެކު ދައްކަންޖެހޭ ފައިސާ، ޖުމްލަ -/200 (ދުއިސައްތަ) ރުފިޔާ، ލަންދޫ ކައުންސިލް އިދާރާގެ ނަމްބަރ: 7720700408001 ގެ އެކައުންޓަށް ޖަމާކޮށް، ފައިސާ ދެއްކި ކަމުގެ ރަސީދު، [email protected] އަށް އީމެއިލް ކުރެއްވުން އެދެމެވެ، ބީލަމުގައި ރަޖިސްޓްރީ ވުމަށް އެދޭ ފޯމް، ދިވެހި ސަރުކާރުގެ ގެޒެޓުންނާއި، ކައުންސިލް އިދާރާއިން ލިބެން ހުންނާނެ، |
|
ބީލަން ހުށަހެޅުން |
08 މެއި 2025 ވަނަ ދުވަހުގެ 11:00 ގައި ލަންދޫ ކައުންސިލް އިދާރާގެ ކޮންފަރަންސްހޯލްގައި |
އަދި ދަންނަވަމެވެ. މިފަހަރު ''ކައުންސިލް ކެފޭ'' ކުއްޔަށް ހިފުމުގެ ބިޑް ކާމިޔާބު ކުރައްވާ ފަރާތުން، އެޑްވާންސް ޕޭމަންޓްގެ ގޮތުގައި 1 މަސްދުވަހުގެ ކުލި ކައުންސިލަށް ދައްކަން ވާނެއެވެ. އަދި އެފައިސާ، ކެފޭ ދޫކޮށްލުމުން އެފަރާތަކަށް އަނބުރާ ލިބިވަޑައިގަންނަވާނެއެވެ. އަދި ކުރިއެކޭއެއްގޮތަށް މިފަހަރުވެސް ކެފޭގެ ޚިދުމަތް ފެށުމަށްޓަކައި މަސައްކަތަށް ތައްޔާރުވުމުގެ ގޮތުން 1 މަސްދުވަހުގެ ގްރޭސް ޕީރެޑެއް ދިނުމަށް ހަމަޖެހިފައިވާތީ މިވާހަކަވެސް މަޢުލޫމާތަށްޓަކައި ދެންނެވީމެވެ.
މި އިޢުލާން އާއި ގުޅިގެން އިތުރު މަޢުލޫމާތެއް ސާފު ކުރައްވަން ބޭނުންފުޅުވެލައްވާނަމަ، މިއިދާރާއަށް ދުރުވެ ނުވަތަ މިއިދާރާގެ ނަމްބަރ 6563759 ނަމްބަރު ފޯނާ ގުޅުއްވާ މަޢުލޫމާތު ސާފުކުރެއްވުން އެދެމެވެ. ނުވަތަ [email protected] އަށް އީމެއިލް ކުރެއްވުން އެދެމެވެ. ބީލަމުގައި ރަޖިސްޓްރީނުވެ ހުށަހަޅާ ބީލަން ތަކާއި، ގަޑިޖެހިގެން ހުށަހަޅާ ބީލަންތައް ބަލައި ނުގަނެވޭނެ ވާހަކަވެސް ދެންނެވީމެވެ.
މިހެންވެ މިކަން ޢާއްމުކޮން އެންގުމަށްޓަކައި އިޢުލާން ކުރީމެވެ.
