ފަތުރުވެރިކަމާއި ތިމާވެށްޓާ ބެހޭ ވުޒާރާ           
      މާލެ،

    ދިވެހިރާއްޖެ.

އެންހާންސިންގ ނޭޝަނަލް ޑިވެލޮޕްމަންޓް ތްރޫ އެންވަޔަރަންމަންޓަލީ ރެޒިލިއަންޓް އައިލެންޑްސް (އެންދެރި)

ލާމު އަތޮޅުގައި ބާއްވާ ބޭސިކް ރޭންޖަރސް ކޯސް ތަމްރީން ޕްރޮގްރާމްގައި ބައިވެރިވުމަށް ފުރުސަތު ހުޅުވާލުން

1. 1.     ތަފްސީލް

އެންދެރި މަޝްރޫއަކީ ގްލޯބަލް އެންވަޔަރަންމެންޓް ފެސިލިޓީ (ޖެފް)ގެ މާލީ އެހީއާއި ޔުނައިޓެޑް ނޭޝަންސް އެންވަޔަރަންމަންޓް ޕްރޮގްރާމް (ޔުނެޕް)ގެ އެހީތެރިކަމާއެކު ދިވެހި ސަރުކާރުގެ ފަރާތުން މި މިނިސްޓްރީ އިން ކުރިއަށްގެންދާ މަޝްރޫޢެކެވެ.

މި މަޝްރޫޢުގެ އަމާޒަކީ ދިވެހި ސަރުކާރުން އަލަށް ކަނޑައަޅާ ތިމާވެށީގެ ސިޔާސަތުތައް ތަންފީޒުކުރުމުގައާއި، އަތޮޅުތައް ތަރައްޤީކުރުމުގައި "ގްރީން ގްރޯތް" ނުވަތަ ކަނޑުގެ ޤުދުރަތީ ރައުސްމާލް ދެމެހެއްޓެނިވި ގޮތެއްގައި ބޭނުންކޮށް އަދި މުރަކަފަރުތަކުގެ ވިލުން އަދި އިޔާދަވުން އިތުރުވާނޭފަދަ ތަރައްގީގެ ވިސްނުންތަކެއް ބަލައިގަތުމުގައި އެހީތެރިވުމެވެ.  މިމަޝްރޫޢު އަކީ ދިވެހިރާއްޖޭގެ ދިރޭތަކެތީގެ ނަސްލުތަކާއި ޤުދުރަތީ ރައުސްމާލުގެ ހިސާބު ކިތާބު (ނެޗުރަލް ކެޕިޓަލް އެކައުންޓްސް) ގައުމީ ރައުސުލްމާލުގެ ތެރޭގައި ހިމެނޭނެ ގޮތްތައް ހޯދާ އެ އެކައުންޓުތައް ބޭނުންކޮށްގެން ދިވެހިރާއްޖޭގެ ފަރުތަކުގެ މާހައުލާއި ގުޅިފައިވާ ގުދުރަތީ ނިޒާމުތައް ރައްކާތެރިކޮށް ދެމެހެއްޓުމާއި، މި މާހައުލީ ނިޒާމުތަކުގެ ދުޅަހެޔޮކަން އިތުރުކޮށް ވިލުންތެރިކަން އިތުރުކޮށް، ތަރައްޤީގެ މަޝަރޫޢުތަކުން ލިބޭ އަދި ލިބިދާނޭ ނޭދެވޭ ގެއްލުންތައް ކުޑަކުރެވޭނޭ ގޮތްތަކެއް ހޯދައި އެފަދަ ގޮތްތައް ނަކަލު ކުރެވޭނޭ ނިޒާމެއް ހޯދުމަށް މަގުފަހި ކުރުމުގެ މަޤުޞަދުގައި ރޭވިގެން ކުރިއަށްގެންދާ މަޝްރޫޢު އެކެވެ.  

1. 2.     މައިގަނޑު މަޤްޞަދު

އެންދެރި ޕްރޮޖެކްޓްގެ ފަރާތުން ދިވެހިރާއްޖޭގެ ޤައުމީ ޔުނިވާސިޓީ އާއި ގުޅިގެން ހިންގާ މިތަމްރީނުގެ މައިގަނޑު މަޤުޞަދަކީ ލާމު އަތޮޅުގެ ތިމާވެއްޓާއި، އިޖްތިމާއީ އަދި އިދާރީ ހިންގުމުގެ ހާއްސަ ސިފަތަކަށް ބައްޓަންކޮށްގެން ކޯހެއް ތައްޔާރުކޮށް، ލާމު އަތޮޅުގެ ހިމާޔަތްކޮށްފައިވާ ސަރަހައްދުތައް އެންމެ އެކަށޭނެ ގޮތެއްގައި ބެލެހެއްޓުމަށް ބޭނުންވާ މަޢުލޫމާތާއި ހުނަރު ހުރި ރޭންޖަރުންތަކެއް އުފެއްދުމެވެ. 

ފުރަތަމަ ބުރު ލާމު އަތޮޅަށް ހާއްޞަކޮށްގެން ހިންގާ މި ކޯހުގައި ތިމާވެށީގެ ސައިންސް، ތިމާވެށީގެ ޤާނޫނާއި ތަންފީޒީ މަސައްކަތް، އިޖްތިމާޢި ބައިވެރިވުން އިތުރުކުރުމާއި ހޭލުންތެރިކަން އިތުރުކުރުން، އަސާސީ ކޮމްޕިއުޓަރުގެ މަސައްކަތް އަދި ނިޔަމި ކަމުގެ މާއްދާތައް ހިމެނޭނެއެވެ. މި ކޯސް ފުރިހަމަ ކުރާ ފަރާތްތަކަށް ނިޔަމި 2 ކޯހުގެ ސެޓްފިކެޓް ލިބޭނެއެވެ.  

ތަމްރީނު ޕްރޮގްރާމަށް މީހުން ހޮވުމުގައި އަންހެނުންނަށް އިސްކަން ދެވޭނެއެވެ.

1. 1.     ކުރިޔަށް ގެންދަން ހަމަޖެހިފައިވާ ގޮތް

ބާރަ (12) ހަފްތާގެ މުއްދަތުގެ ތެރޭގައި، އެކި ދުވަސްތަކަށް ބަހާލައިގެން ހިންގާ މި ތަމްރީން ކޯސް ހިންގުމަށް ހަމަޖެހިފައިވަނީ 2 ބަޔަކަށް ބަހާލައިގެން، އެމް.އެއް.ޔޫ ލ.ގަމު ކޭމްޕަސްގައެވެ. އެއީ ތިއަރީ އަދި ޕްރެކްޓިކަލް (އަމަލީ) ސެޝަންތަކެއްގެ ގޮތުގައެވެ. 5 މޮޑިއުލަކަށް ކުރިޔަށްގެންދާ މި ކޯހުގެ ހުރިހާ މޮޑިއުލެއްގައި ތިއަރީ ސެޝަންތައް ހިމެނޭއިރު، ފީލްޑް އެކްސަސައިޒްތަކާއި ޕްރެކްޓިކަލް އެސެސްމަންޓްތަކުގެ ސަބަބުން އަމަލީ ގޮތުން އުނގެނުމުގެ ފުރުސަތުތައް ލިބިގެންދާނެ އެވެ.

މި ކޯހުގައި ބައިވެރިވާ ފަރާތްތަކަށް އެލަވަންސެއްގެ ގޮތުގައި 4500.00 ދިވެހި ރުފިޔާ ލިބޭނެއެވެ.

1. 2.     ބައިވެރިވުމުގެ ފުރުޞަތު

ވިހި (20) ބައިވެރިންނަށް ފުރުސަތު ހުޅުވާލައިގެން ކުރިޔަށްގެންދާ މިތަމްރީން ކޯހުގެ ބައިވެރިން ހޮވުމުގައި، ލ. އަތޮޅުގެ މީހުން ދިރި އުޅޭ ކޮންމެ ރަށަކުން 1 ފަރާތެއް ހޮވުމަށް އިސްކަންދެވޭނެއެވެ.

-        ތިމާވެއްޓާއި، އެދާއިރާއާއި ގުޅުންހުރި ދާއިރާތަކަށް ޝައުގުވެރިވާ ފަރާތެއް ކަމުގައިވުން.

-        އުމުރުން 16 އަހަރުވެފައިވުން. (16 - 18 އަހަރުގެ ކުދިން ބެލެނިވެރިންގެ ހުއްދައާއިއެކު).

1. 3.     ބައިވެރިން ހޮވުމުގެ މިންގަނޑު

މީހުން ދިރިއުޅޭ ކޮންމެ ރަށަކުން އެކަކަށްވުރެ ގިނަ ފަރާތުން ފޯމު ހުށައަޅާފައިވާނަމަ، ބައިވެރިން ހޮވޭނީ ތިރީގައިވާ މިންގަނޑުތަކަށް ބަލައިގެންނެވެ. އަދި ޕޮއިންޓްގެ ގޮތުން އެއްރަށަކުން ގިނަ ބައިވެރިން އެއްވަރު ވެފައިވާ ނަމަ، ފޯމު ލީ ތަރުތީބުން ބައިވެރިއަކު ހޮވޭނެއެވެ.

1. 4.     ހުށަހަޅަންޖެހޭ ތަކެތި

- ޕްރޮގްރާމްގައި ބައިވެރިވުމަށް އެދި ހުށައަޅާ ފޯމް

- ދިވެހި ރައްޔިތެއްކަން އަންގައިދޭ ކާޑުގެ ކޮޕީ

- 18 އަހަރުންދަށުގެ ކުދިން މިކަމުގައި ބައިވެރިވުމަށް ބެލެނިވެރިން އިއުތިރާޒް ނުކުރާ ކަމުގެ ލިޔުން

- ތަޢުލީމާއި މަސައްކަތް އަންގައިދޭ ލިޔެކިޔުން (ޕޮއިންޓް ދެވޭނީ ހުށައަޅާފައިވާ ލިޔުމަށް އެކަނި)

1. 5.     ސުންގަޑި

ޓްރޭނިންއަށް އެދި ހުށަހަޅާ ފޯމާއި އެހެނިހެން ލިޔުންތައް ހުށަހަޅަންޖެހޭ އެންމެ ފަހު ތާރީޚަކީ 30 އޭޕްރިލް 2025 ވާ ބުދަ ދުވަހުގެ 14:00ގެ ކުރިންނެވެ. ހުށަހެޅުންތައް ހުށައަޅާނީ އޮންލައިންކޮށް އީމެއިލްގެ ޒަރީއާއިންނެވެ.

1. 6.     އިތުރު މަޢުލޫމާތު

ތަމްރީނާ ގުޅޭ އިތުރު މަޢުލޫމާތު އެންދެރި ޕްރޮޖެކްޓްގެ ލާމު އަތޮޅުގައި ހުންނަ ޕްރޮކެޖްޓް އިމްޕްލިމެންޓޭޝަން ޔުނިޓްގެ ނަންބަރު 7257321 އާއި ގުޅުއްވުމުން ލިބިވަޑައިގަންނަވާނެއެވެ.

އެންހާންސިންގ ނޭޝަނަލް ޑިވެލޮޕްމަންޓް ތްރޫ އެންވަޔަރަންމަންޓަލީ ރެޒިލިއަންޓް އައިލެންޑްސް (އެންދެރި)

ފަތުރުވެރިކަމާއި ތިމާވެށްޓާ ބެހޭ ވުޒާރާ

މާލެ / ދިވެހިރާއްޖެ

އީމެއިލް: [email protected]

ޖަދުވަލު 1

Training Modules: 

Environmental Science and Ecosystem Management: 

• • Introduction to reef ecosystems, marine biodiversity, and terrestrial habitats. 
  • Understanding of main threats to ecosystems and treat mitigation and management in context of Maldives. 
  • Techniques for monitoring and assessing biodiversity and ecosystem health. 
  • Introduction to protected species ecology, ecosystem functions and conservation best practices. 

• Legal framework, law enforcement and surveillance: 
  • Understanding the national and local environmental laws and regulations. 
  • Practical skills for effective enforcement and compliance, including investigation of incidents, and coordinating with related institutions 

• Community Engagement and Education: 
  • Strategies for raising awareness about environmental protection and community engagement. 
  • Techniques for effective communication and community liaison. 
  • Practical sessions for taking presentations and conducting outreach sessions. 
  • Sensitivity training related to controversial subjects (politics, ban on shark fisheries and how to answer public FAQs etc) 
  • Visitor management methods, communication and conflict resolution. 

• Emergency Response and First Aid: 
  • Basic first aid and emergency response training. 
  • Firefighting techniques and disaster preparedness. 

• Introduction to Microsoft Office (or Equivalent IT Software) 

• Basic Coastal Navigation 
  • Maritime Regulation 
  • Navigation 
  • Safety 
  • Communication facilities