ސަރުކާރުން މިރަށުގައި ޤާއިމްކޮށްދެއްވުމަށް ނިންމަވާފައިވާ ކައުންސިލް އައު އޮފީސް، ޢިމާރާތްކޮށްދޭނެ ސަބްކޮންޓްރެކްޓަރެއް ހޯދަން ބޭނުންވެއެވެ. މިއިޢުލާނާއި ގުޅިގެން ހޯދާ ސަބްކޮންޓްރެކްޓަރާއިއެކު މަސައްކަތުގެ އެއްބަސްވުމުގައި ސޮއިކުރާނީ މި މަޝްރޫޢުގެ މެއިން ކޮންޓްރެކްޓަރު ހެކްސްޓަރ ގްލޯބަލް އެސް.ޑީ.އެން.ބީ.އެޗް.ޑީ އިންނެވެ.

ވީމާ، މިކަމަށް ޝަޢުޤުވެރިވެލައްވާ ފަރާތްތަކުން މިއިޢުލާނާއިއެކު އެއްކަރުދާސްކޮށްފައިވާ ބިލް އޮފް ކުއަންޓިޓީސް ފުރިހަމަކުރައްވާ ހުށަހެޅުއްވުން އެދެމެވެ.

އިތުރު މަޢުލޫމާތު

1. މި ޕްރޮޖެކްޓްގެ ބިޑު ސެކިއުރިޓީގެ ގޮތުގައި 25،000.00 (ފަންސަވީސްހާސް) ރުފިޔާގެ ބިޑު ސެކިއުރިޓީއެއް ހުށަހަޅަންވާނެއެވެ. ބިޑް ސެކިއުރިޓީގެ މުއްދަތަކީ ބިޑް ހުޅުވާ ތާރީޚުން ފެށިގެން 120 (ސަތޭކަ ވިހި) ދުވަހެވެ. ބިޑް އެވޯޑުކުރާ ފަރާތުގެ ބިޑް ސެކިއުރިޓީ ދޫކުރާނީ ޕާފޯމަންސް ގެރެންޓީ ހުށަހެޅުމުންނެވެ.
2. ޕްރޮޖެކްޓް ކާމިޔާބު ކުރައްވާ ފަރާތުން ހުށަހަޅުއްވާ ބީލަމުގެ އަގުގެ %5 (ފަހެއް އިންސައްތަ) އަށް ވާ ޢަދަދުގެ ޕާފޯމަންސް ގެރެންޓީއެއް ހުށަހަޅަންވާނެއެވެ.
3. ބިޑް ސެކިއުރިޓީ އާއި ޕާފޯމަންސް ގެރެންޓީ ވާންވާނީ ދިވެހިރާއްޖޭގައި ޤާއިމްވެފައިވާ ބޭންކަކުން ނުވަތަ ފައިނޭންޝިއަލް އިންސްޓިޓިއުޓަކުން މި ޕްރޮޖެކްޓަށް ދޫކޮށްފައިވާ ސެކިއުރިޓީއަކާއި ޕާފޯމަންސް ގެރެންޓީއަކަށެވެ.

އަގު ހުށަހަޅަންވީ ގޮތް:

- އަގު ހުށަހަޅަންވާނީ ދިވެހި ރުފިޔާއިންނެވެ.

- ބީލަން ހުށަހަޅަންވާނީ މިކައުންސިލުން ތައްޔާރުކޮށްފައިވާ ބީލަން ފޯމުންނެވެ.

- އަންދާސީ ހިސާބު ހުށަހަޅަންވާނީ ބަންދުކުރެވިފައިވާ ސިޓީއުރައެއްގައިއެވެ.

- ސިޓީއުރައިގައި ބަންދުކުރެވިފައިވާ ލިޔެކިޔުން ފިޔަވާ އެހެން ލިޔުމެއް ފަހުން ބަލައެއް ނުގަނެވޭނެއެވެ. އަދި ބަންދުކުރެވިފައިވާ ސިޓީއުރައިގެ ބޭރުގައި އިޢުލާން ނަންބަރު އަދި ތިރީގައިވާގޮތަށް އެޑްރެސްކުރެވިފައި އޮންނަންވާނެއެވެ.

"ކައުންސިލްގެ އައު އޮފީސް ޢިމާރާތްކުރުން"

މާޅޮސްމަޑުލު އުތުރުބުރީ މަޑުއްވަރީ ކައުންސިލްގެ އިދާރާ

ހުށަހަޅަން ޖެހޭ ލިޔެކިޔުންތައް:

- ވިޔަފާރީގެ މުއްދަތު ހަމަނުވާ ރަޖިސްޓްރީގެ ކޮޕީ.

- އަންދާސީ ހިސާބު ހުށަހަޅާ ފޯމް.

- ޓެކްސް ކުލިއަރެންސް ރިޕޯޓް.

- ބިޑު ސެކިއުރިޓީ.

ޕޮއިންޓް ދެވޭގޮތުގެ ތަފްސީލު:

1. ޕޮއިންޓް ދިނުމުގައި ބަލާ މިންގަނޑު ތަކަކަކީ:

- އަގު: އަށްޑިހަ އިންސައްތަ

- ތަޖުރިބާ: ދިހަ އިންސައްތަ

- މުއްދަތު: ދިހަ އިންސައްތް

1. ބިޑް އިވެލުއޭޓްކުރުމުގައި އަގުގެ ބެންޗްމާކުގެ ގޮތުގައި ބަލާނީ ހުށަހަޅާފައިވާ އެންމެ ކުޑައަގެވެ.
2. ތަޖުރިބާއަށް ޕޮއިންޓް ދިނުމުގައި ބަލާނީ ފާއިތުވި 2 އަހަރު ކޮށްފައިވާ މިފަދަ މަސައްކަތްތަކުގެ ލިޔުމަށެވެ.
3. ބިޑް އިވެލުވޭޓްކުރުމުގައި މުއްދަތުގެ ބެންޗްމާކުގެ ގޮތުގައި ބަލާނީ ހުށަހަޅާފައިވާ އެންމެ ކުރު މުއްދަތެވެ.
4. ބިޑް އިވެލުއޭޓް ކުރާނީ މިއިދާރާގެ ބިޑް އިވެލުއޭޝަން ކޮމިޓީންނެވެ.
5. ބިޑް އިވެލުއޭޝަން ކޮމިޓީން އިވެލުއޭޓްކުރުމަށް ފަހު، ބިޑުތައް ކާމިޔާބު ކުރެވުނު ފަރާތަށާއި ނުކުރެވުނު ފަރާތްތަކަށް އެންގޭނެއެވެ.
6. ބިޑް އިވެލުއޭޝަނާއި ގުޅިގެން އެއްވެސް ޝަކުވާއެއް އޮތްނަމަ "ބީލަންވެރިޔާ މައްސަލަ ހުށަހަޅާ ފޯމް" ހުށަހެޅުމުން އެފަރާތަކަށް ޖަވާބުދެވޭނެއެވެ.

މިހެންވެ، މިކަން ޢާންމުކޮށް އެންގުމަށްޓަކައި އިޢުލާނުކުރީމެވެ.