ދޮންފަނު ކައުންސިލްގެ 04 ވަނަ ދައުރުގެ 181 ވަނަ އާއްމު ބައްދަލުވުމުން ދޮންފަނުން ދިރިއުޅުމަށްޓަކައި 46 ބަންޑާރަ ގޯތި ދޫކުރުމަށް ވަނީ ނިންމާފައެވެ. އަދި ދިރިއުޅުމަށްޓަކައި ބަންޑާރަ ގޯތި ދޫކުރުމުގެ މަސައްކަތް ވިލަރެސް ކުރާނެ ކޮމެޓީއެއް އެކުލަވައިލުމާއި، މެންބަރުން އިންތިޚާބުކުރުމުގެ އުސޫލު ވަނީ 04 މާރިޗު 2025 ގައި އާއްމު ކުރެވިފައެވެ. މިއުސޫލާއި އެއްގޮތަށް ދިރިއުޅުމަށްޓަކައި ބަންޑާރަ ގޯތި ދޫކުރުމުގެ މަސައްކަތް ވިލަރެސް ކުރާނެ ކޮމެޓީއެއް އެކުލަވާލުމުގެ މަސައްކަތް މިދަނީ މިކައުންސިލުން ކުރަމުންނެވެ.

       ވީމާ ދިރިއުޅުމަށްޓަކައި ބަންޑާރަ ގޯތި ދޫކުރުމުގެ މަސައްކަތް ވިލަރެސް ކުރާނެ ކޮމެޓީއަށް މެންބަރުން އައްޔަންކުރުމަށްޓަކައި ބ. ދޮންފަނުގެ އާންމު ރައްޔިތުން ތަމްސީލުކުރާ 02 (ދޭއް) މެންބަރުން އައްޔަންކުރުމަށް ވަނީ ހަމަޖެހިފައެވެ. އާންމު ރައްޔުތުންގެ ތެރެއިން ބޭފުޅަކު ކޮމެޓީއަށް އައްޔަން ކުރުމަށްޓަކައި ތިރީގައިވާ ޝަރުތުތަކަށް ރިއާޔަތް ކުރެވޭނެއެވެ.

• ދިވެހި ރައްޔިތެއްކަމުގައިވުން
• ދޮންފަނުގެ ރަށްވެއްސަކަށްވުން ނުވަތަ ދޮންފަނުގެ ރަށްވެއްސަކާއި ކައިވެނީގެ ގޮތުން ގުޅިގެން އުޅުން
• މި މަސައްކަތުގައި ގިނަ ވަގުތު އުޅެވޭނެ މީހަކުކަމުގައިވުން
• އާންމު ރައްޔިތުންގެ ތެރެއިން ކުރިމަތިލާ ފަރާތްތަކަކީ ދޮންފަނު ކައުންސިލާއި ، ބ. ދޮންފަނު ސްކޫލް، ބ. ދޮންފަނު ސިއްޙީ މަރުކަޒު އަދި ފެނަކަ ދޮންފަނު ބްރާންޗްގައި މަސައްކަތްކުރާ މުވައްޒަފަކު ކަމުގައި ނުވުން. 
• އާންމު ރައްޔިތުންގެ ތެރެއިން ކުރިމަތިލާ ފަރާތްތަކަކީ މާޅޮސްމަޑުލު ދެކުނުބުރީ ދޮންފަނު އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ މެންބަރަކުކަމުގައި ނުވުން. 
• އާންމު ރައްޔިތުންގެ ތެރެއިން ކުރިމަތިލާ ފަރާތްތަކަކީ ކްލަބް ދޮންފަން އަދި ދޮންފަނު ޒުވާނުންގެ ރޫޙްގެ މެމްބަރަކު ކަމުގައި ނުވުން.

       02 މެންބަރުންނަށްވުރެ ގިނައިން ހުށަހަޅައިފިނަމަ 2 މެންބަރުން އިންތިހާބުކުރާނީ ރައްޔިތުންގެ އާންމު ބައްދަލުވުމެއް ބާއްވައި ޙާޒިރުވާ ފަރާތްތަކުގެ މެދުގައި ނެގޭ ސިއްރު ވޯޓަކުންނެވެ. އަދި އާންމު ރައްޔިތުންގެ ތެރެއިން ގެވަޅު ކޮމެޓީއަށް ހޮވޭ ކޮންމެ ފަރާތަކަށް އެފަރާތަކުން ބައިވެރިވާ ކޮންމެ ބައްދަލުވުމަކަށް -/50 (ފަންސާސް) ރުފިޔާގެ އެލަވަންސެއް ލިބޭނެއެވެ.

       ވީމާ މިކަމަށް ޝައުގުވެރިވެލައްވާ ފަރާތްތަކުން 16 މާރިޗު 2025 ގެ 12:00 ގެ ކުރިން މިއިދާރާއަށް ލިޔުމުން ނަން ހުށަހެޅުއްވުން އެދެމެވެ.

       މިހެންވެ މިކަން އާއްމުކޮށް އެންގުމަށްޓަކައި އިޢުލާން ކުރީމެވެ.