ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު ނަންބަރ : 2010/7 ގެ 107 ވަނަ މާއްދާގެ ދަށުން، މިއަހަރުގެ ފެބުރުއަރީ މަހު ބާއްވަން ލާޒިމުކުރާ ރައްޔިތުންގެ ބައްދަލުވުން 15 ފެބުރުއަރީ 2025 ވަނަ ދުވަހުގެ ރޭގަނޑު  8:30 ގައި ޕްރީސްކޫލް ހޯލުގައި ބޭއްވުމަށްވަނީ ހަމަޖެހިފައެވެ. ނިމިދިޔަ އަހަރެކޭ އެއްފަދައިންވެސް މިއަހަރުގެ ބައްދަލުވުމުގައިވެސް ރައްޔިތުން މަޖިލީހުގެ ކެންދޫ ދާއިރާގެ އިއްޒަތްތެރި މެންބަރު މައުރޫފް ޒާކިރު ބައިވެރިވެޑައިގަންނަވާނެއެވެ.

މިބައްދަލުވުމުގެ އެޖެންޑާ ތިރީގައި އެވަނީއެވެ.

1-      2024 ވަނަ އަހަރުގެ ކައުންސިލްގެ އަހަރީ ރިޕޯރޓާއި މާލީ ރިޕޯރޓް ހިއްސާކުރުން.  

2-      2025 ވަނަ އަހަރަށް ފާސްކުރެވުނު ބަޖެޓް ހިއްސާކުރުން.

3-      ރަށުގައި ހިންގާ ޕްރޮޖެކްޓް ތަކުގެ މަޢުލޫމާތު

4-      ރައްޔިތުންގެ ސުވާލާއި ޖަވާބު.

5-      މަޖިލިސް މެންބަރު ދެއްވާ އުމްރާދަތުރުގެ ގުރުނެގުން. ( ގުރުނެގުން ކުރިއަށްގެންދާނީ ނިމިދިޔަ އަހަރާއި އަދި  15 ފެބްރުއަރީ 2025 ވަނަ ދުވަހު ބޭއްވޭ ބައްދަލުވުމުގައި ދޫކުރެވޭ ކޫޕަން އެއްކޮށްލައިގެން)

            ވީމާ މި ބައްދަލުވުމުގައި ބައިވެރިވެދެއްވުމަށް އެންމެހާ ލޮބުވެތި ރައްޔިތުންނަށް ދަޢުވަތު އަރުވަމެވެ.

            މިހެންވެމިކަން އާޢްމުކޮށް އެންގުމަށްޓަކައި އިޢުލާން ކުރީމެވެ.