މިނިސްޓްރީ އޮފް ހެލްތަށް ހުށަހެޅޭ މެޑިކަލް އެކިއެކި މައްސަލަތައް މިނިވަން ފަންނީ މާހިރެއްގެ ހައިސިއްޔަތުން ރިވިއުކޮށް ރިޕޯޓް ތައްޔާރުކުރުމަށް ބޭނުންވެއެވެ. މި މައްސަލަތައް ރިވިއު ކުރައްވާ ފަރާތްތަކުގެ މައުލޫމާތަކީ ސިއްރުކުރެވޭނޭ މަޢުލޫމާތެކެވެ. އަދި މިމަސައްކަތް ކުރައްވާ ފަރާތްތަކަށް ހަމަޖެހިފައިވާ އުސޫލުގެ މަތިން -/20000 - -/5000 ރުފިޔާގެ އަދަދެއްގެ އިނާޔަތެއްދެވޭނެއެވެ.

ބޭނުންވާ ދާއިރާތައް:

ހުރިހާ ދާއިރާ ތަކުގެ މެޑިކަލް ސްޕެޝަލިސްޓުން

އުޖޫރައާއި އެލަވެންސް އަދި މަސައްކަތުގެ މުއްދަތު:

• ރިވިއު ކުރެވޭ ކޮންމެ ކޭސްއަކަށް އުޖޫރައެއް ރިވިއު ކުރާފަރާތައް ދެވޭނެ
• ޕްރިލިމިނަރީ ރިވިއު އެއްނަމަ 72 ގަޑިއިރު ތެރޭގައި ރިޕޯޓް ނިންމާ ހަވާލު ކުރުން
• އެކްސްޕެޑައިޓް ރިވިއު އެއްނަމަ 7 ދުވަހުގެ ތެރޭގައި ރިޕޯޓް ނިންމާ ހަވާލު ކުރުން
• ރޫޓީން ރިވިއު އެއްނަމަ 4 ހަފްތާގެ ތެރޭގައި ރިޕޯޓް ނިންމާ ހަވާލު ކުރުން

މަސައްކަތާއި ޒިންމާތައް:

• ހުށަހެޅޭ މައްސަލައަކާއި ގުޅޭގޮތުން މިނިސްޓްރީއިން ހަވާލުކުރާ ލިޔެކިޔުންތައް ބެލުމަށްފަހު ފަންނީ މާހިރެއްގެ ހައިސިއްޔަތުން ލަފާދިނުން.
• ހުށަހެޅޭ މައްސަލައަކާއި ގުޅިގެން އިތުރަށް މަޢުލޫމާތެއް ހޯދަންޖެހޭނަމަ އެމަޢުލޫމާތެއް ހޯދުމަށްޓަކައި މިނިސްޓްރީއާއި ގުޅިގެން މަސައްކަތް ކުރުން.
• މައްސަލައާއި ގުޅިގެން ހޯދުނު އެންމެހާ ލިޔެކިޔުންތަކާއި، މަޢުލޫމާތުތަކަށް ރިޢާޔަތްކުރުމަށް ފަހު ތަފްސީލީ ރިޕޯޓެއް މިނިސްޓްރީއަށް ހުށަހެޅުން.
• ރިވިއު ކުރަން ހަވާލުކުރާ މައްސަލައާއި ގުޅިގެން ދަތުރުކުރަންޖެހޭ ހާލަތެއްގައި ދަތުރުކުރުން.

ފެންވަރު ނުވަތަ ޝަރުތު:

• ޕޯސްޓްގްރެޖުއޭޓް މެޑިކަލް ޑިގްރީއެއް ހާސިލްކޮށްފައިވުން.
• މެޑިކަލް އެންޑް ޑެންޓަލް ކައުންސިލްގައި ރަޖިސްޓްރީވެ ލައިސެންސް އޮތް މީހެއްކަމުގައި ވުން.
• މަތީގައި އެވާ ދާއިރާއިން ޚާއްސަވުމަށްފަހު މަސައްކަތުގެ ދާއިރާގައި 3 އަހަރާއި ނުވަތަ 5 އަހަރާއި ދެމެދުގެ ތަޖްރިބާ ލިބިފައިވުން. (މި މަސައްކަތަށް މީހަކު ހޮވުމުގައި މަސައްކަތު ތަޖުރިބާއަށް އިސްކަންދެވޭނެއެވެ.)

ހުށަހަޅަންޖެހޭ ލިޔުންތައް:

• ސީވީ
• ފަންނީ ދާއިރާގެ ކައުންސިލްގެ ރަޖިސްޓްރޭޝަން އަދި ޕްރެކްޓިސިންގ ލައިސެންސްގެ ކޮޕީ
• އައިޑީ ކާޑުގެ ކޮޕީ

އިތުރު މަޢުލޫމާތު ހޯއްދެވުމަށް ގުޅުއްވާނީ : 3014426

ނޯޓް: މިކަމަށް އެދި 30 ނޮވެމްބަރ 2023  ގެ 13:00ގެ ކުރިން މިނިސްޓްރީ އޮފް ހެލްތުގެ ކުއަލިޓީ އެޝުއަރެންސް އެންޑް ރެގިއުލޭޝަން ޑިވިޜަންއަށް ސިޓީ ހުށަހެޅުއްވުން އެދެމެވެ. ނުވަތަ [email protected]/mv އަށް މެއިލް ކޮށްދެއްވުން އެދެމެވެ.