މަގާމު:

މެކޭނިކަލް އިންޖިނިއަރ

ބޭނުންވާ ޢަދަދު:

01 (އެކެއް)

މުސާރަ:

މަހަކު 5,610.00 ރުފިޔާ

ސަރވިސް އެލަވަންސް:

މަހަކު 2,000.00 ރާފިޔާ

ފެންވަރު ނުވަތަ ޝަރުތު:

1- މެރިން އިންޖިނިއަރިންގ ދާއިރާއިން ޤައުމީ ސަނަދުތަކުގެ އޮނިގަނޑުގެ ލެވެލް 5 ނުވަތަ 6 ގެ ސަނަދެއް ހާސިލުކޮށްފައިވުމާއެކު، 2 އަހަރު ދުވަހުގެ މަސައްކަތުގެ ތަޖުރިބާ ލިބިފައިވުން. ނުވަތަ،

2- މެރިން އިންޖިނިއަރިންގ ދާއިރާއިން އިންބޯޑް/އައުޓްބޯޑް އިންޖިނިއަރެއްގެގޮތުން އެސިސްޓެންޓް ޓެކްނިކަލް އޮފިސަރ ގްރޭޑް 2 ރޭންކުގައި 4 އަހަރުދުވަހު މަސައްކަތްކޮށް ތަޖުރިބާ ލިބިފައިވުން. ކަނޑުމަތީގެ ޑިއުޓީގައި ގިނަވަގުތު ޑިއުޓީ ކުރުމުގެ ޤާބިލުކަން ހުރުމާއެކު މަސައްކަތް ކުރުމުގެ ފުރިހަމަ ސިއްހަތެއްގައިހުރި މީހެއް ކަމުގައިވުން.

ވަޒީފާގެ މައިގަނޑު މަސައްކަތާއި މަސްއޫލިއްޔަތު

1- އުޅަނދުފަހަރުގެ ޓެކްނިކަލް ހުރިހާ މައްސަލަތައް ހައްލުކުރުމުގައި ޒިންމާދާރުކަމާއެކު މަސައްކަތް ކުރުމާއި، އުޅަނދުފަހަރުގެ ކޮންޑިޝަން ދުވަހުން ދުވަހަށް ދެނެގަތުން.

2- ރަސްމީ ދަތުރުތަކުގައި އިންޖިނިއަރެއްގެގޮތުގައި ބައިވެރިވުމާއި އުޅަނދުގެ ކަންޑިޝަން ރަނގަޅުކަން ޗެކްކުރުން.

3- ދަށުން މަސައްކަތްކުރާ މީހުންނަށް ޓެކްނިކަލް މަސައްކަތްތައް ކިޔާދިނުމާއި، ކަންކަން އޮޅުންފިލުވާދީ އެކުގައި މަސައްކަތްކުރުމާއި ރާވާ ހިންގުމުގައި ހިންގުމުގައި ހަވާލުވެހުންނަ ސްޕަވައިޒަރަށް އެހީތެރިވުން.

4- މަސައްކަތުގެ ވަގުތުގައްޔާއި އަދި އެހެނިހެން ވަގުތުތަކުގައި ތިމާއާއި ހަވާލުކުރާ އެންމެހާ މަސައްކަތްތައް ވީ އެންމެ ރަނގަޅަށް ފުރިހަމައަށްކުރުން.

މަގާމު:

ފަޅުވެރި

ބޭނުންވާ ޢަދަދު:

4 (ހަތަރެއް)

މުސާރަ:

މަހަކު 4,465.00 ރުފިޔާ

ސަރވިސް އެލަވަންސް:

1,500.00 ރުފިޔާ

ފެންވަރު ނުވަތަ ޝަރުތު:

- ގްރޭޑް 7 ގެ ފެންވަރު ހުރުން، ނުވަތަ ކަނޑުމަތީ އުޅަނދެއްގައި 4 އަހަރު ދުވަހުގެ އަމަލީ ތަޖުރިބާ ލިބިފައިވުމާއެކު، މަސައްކަތްކުރުމުގެ ހުނަރު/ ގާބިލުކަން ސާބިތުކޮށްދިނުމާއި، ޓްރާންސްޕޯޓް އޮތޯރިޓީން ފުރިހަމަކުރާ "ފަޅުވެރިންގެ ކޯސް" ފުރިހަމަކޮށްފައިވުން. މީގެ އިތުރުން ކަނޑުމަތީގައި ގިނަ ވަގުތު ޑިއުޓީގައި އުޅުމުގެ ގާބިލުކަން ހުރުމާއެކު މަސައްކަތްކުރުމުގެ ފުރިހަމަ ޞިއްޙަތެއްގައިހުރުން.

ވަޒީފާގެ މައިގަނޑު މަސައްކަތާއި މަސްއޫލިއްޔަތު:

1- ލޯންޗްފަހަރުގެ ފަޅުވެރިއެއްގެގޮތުން ކަނޑުމަތީގެ ދަތުރުފަތުރުކޮށްދިނުމާއި، އުޅަނދާއި އުޅަނދުން ދަތުރުފަތުރުކުރާ މީހުންނަށް ސަލާމަތާއި ރައްކާތެރިކަމާއެކު މަސައްކަތްކުރުން.

2- އުޅަނދެއް ދަތުރަށް ތައްޔާރުކޮށްދޭއިރު އެންމެމަތީ އަދި އެންމެ ރަނގަޅު ފެންވަރުގައި އެ އުޅަނދެއްގެ ކަންތައްތައް ތައްޔާރުކޮށްދިނުމުގައި މަސައްކަތްކުރުން.

3- އުޅަނދުގެ އެތެރެއާއި ބޭރުގެ މެއިންޓަނަންސް މަސައްކަތްތައް ކުރުމާއި، އުޅަނދުގައިވާ އިކްވިޕްމަންޓްތައް ސާފުތާހިރުކޮށް ބެލެހެއްޓުން.

4- ލޯންޗްގައި އެމީހަކާ ހަވާލުކުރެވޭ ޑިއުޓީގައި ހިންގާކޮންމެކަމަކަށް ޒިންމާވުން.

5- މަސައްކަތުގެ ވަގުތުގައްޔާއި އަދި އެހެނިހެން ވަގުތުތަކުގައި ތިމާއާއި ހަވާލުކުރާ އެންމެހާ މަސައްކަތްތައް ވީއެންމެ ރަނގަޅަކަށް ފުރިހަމައަށް ކުރުން.

މަގާމު:

ވޮޗަރ

ބޭނުންވާ ޢަދަދު:

1 (އެކެއް)

މުސާރަ:

4,000.00 ރުފިޔާ

ސަރވިސް އެލަވަންސް:

1,000.00 ރުފިޔާ

މިނިމަމްވޭޖް އެލަވަންސް:

1,080.00 ރުފިޔާ

ފެންވަރު ނުވަތަ ޝަރުތު:

1- ލިޔަންކިޔަން އެނގުމާއެކު، މަގާމުގެ މަސައްކަތުގެ ހުނަރު/ތަޖުރިބާ ހުރުން. ނުވަތަ،

2- މަގާމާގެ މަސައްކަތުގެ ހުނަރު/ޤާބިލުކަން ސާބިތުކޮށްދިނުމާއެކު މިދާއިރާގައި ސަޕޯޓް ސްޓާފް ގްރޭޑް 2 ގެ މަގާމުގައި މަދުވެގެން 2 އަހަރު ދުވަހު މަސައްކަތްކޮށްފައިވުން.

ވަޒީފާގެ މައިގަނޑު މަސައްކަތާއި މަސްއޫލިއްޔަތު:

1- ވެހިކަލް ގަރާޖާއި ގަރާޖުގައިވާ ތަކެއްޗަށް އެއްވެސް ނުރައްކަލެއް ނާންނާނެގޮތުގެމަތިން ސެކިއުރިޓީ ބެލެހެއްޓުން.

2- ވެހިކަލް ގަރާޖަށް ވަންނަ މީހުންނަކީ ހުއްދަ ލިބިފައިވާ ފަރާތްތައްތޯބަލާ ޗެކުކުރުމާއި، ހުއްދަނެތް ފަރާތްތައް ކަމާބެހޭ ފަރާތުގެ ހުއްދަލިބިގެން މެނުވީ އިމާރާތުގެ ތެރެއެއަށް ވަދެއުޅުނަ ނުދިނުން.

3- ވެހިކަލް ގަރާޖުން ބޭރަށް ގެންދެވޭތަކެއްޗަކީ ހުއްދަލިބިގެން ގެންދެވޭތަކެތިތޯބަލާ ޗެކްކުރުން.

4- މަސައްކަތާގުޅިގެން ހަވާލުކުރެވޭތަކެތި ރައްކާތެރިކަމާއެކު ބެލެހެއްޓުން.

ޢާންމުގޮތެއްގައި މަސައްކަތްކުރަންޖެހޭތަން:

މި ވަޒީފާތަކުގައި މަސައްކަތް ކުރަންޖެހޭނީ ޢާންމުގޮތެއްގައި މާލޭގައެވެ.

އިތުރު ޢިނާޔަތްތައް:

މި މަގާމުތަކުގައި މަސައްކަތްކުރާ މުވައްޒަފުންނަށް އެހެންވަޒީފާއެއް އަދާކުރުން މަނާކުރާތީދޭ އެލަވަންސްގެ ގޮތުގައި މުސާރައިގެ %35 އާއި، ބަންދު ދުވަހުގެ އެލަވަންސާއި، ޝިފްޓް ޑިއުޓީ އެލަވަންސް، ދަތުރު އެލަވަންސް، އަދި އަތޮޅުތެރެއަށްކުރާ ދަތުރުތަކުގައި ހަމަޖެހިފައިވާ އުސޫލުން ހުރުމުގެ އެލަވަންސް ލިބޭނެއެވެ.

އިތުރު މަޢުލޫމާތު:

ވަޒީފާއަށް އެދިލައްވާ ފަރާތްތަކުން ލިބިލައްވާފައިވާ ތަޢުލީމީ ސެޓްފިކެޓްތަކާއި، ދިވެހިރައްޔިތެއްކަން އަންގައިދޭކާޑުގެ ކޮޕީ އަދި ގުޅޭނެ ފޯން ނަންބަރު ޖައްސަވާ، 2023 އޮގަސްޓު  7 ވާ ހޯމަ ދުވަހު 14.00 ގެ ކުރިން މި މިނިސްޓްރީއަށް ސިޓީ ފޮނުއްވުން އެދެމެވެ. މި މިނިސްޓްރީއަށް ފޮނުއްވާ ސިޓީތައް އީ-މެއިލް މެދުވެރިކޮށްވެސް ބަލައިގަނެވޭނެއެވެ. އީ-މެއިލް އެޑްރެހަކީ [email protected] އެވެ. މީގެއިތުރުން ވަޒީފާއަށްއެދޭ ސިޓީއާއި ލިޔުންތައް މިނިސްޓްރީއަށް އޮންލައިންކޮށް ހުށަހަޅުއްވަން ބޭނުންފުޅުވާނަމަ، “GOV.MV” މެސެޖް ޕްލެޓްފޯމް މެދުވެރިކޮށްވެސް ހުށަހެޅުއްވިދާނެއެވެ. މި ޕްލެޓްފޯމް ލިންކަކީ:https://message.gov.mv/en/messages އެވެ. އިތުރު މަޢުލޫމާތު ހޯއްދެވުމަށް 3313724 އަށް ގުޅުއްވުން އެދެމެވެ.