ނޭޝަނަލް ސޯޝަލް ޕްރޮޓެކްޝަން އޭޖެންސީ
ދިވެހިރާއްޖެ
އެޑްމިނިސްޓްރޭޓިވް އޮފިސަރ

އިޢުލާނު

މަޤާމު:

އެޑްމިނިސްޓްރޭޓިވް އޮފިސަރ  

މަޤާމުގެ ނަންބަރު:

J-322876

ބޭނުންވާ އަދަދު:

1

މަޤާމުގެ ގިންތި:

ދާއިމީ

މަޤާމުގެ ރޭންކު:

ޖީ. އެސް. 3

މަޤާމުގެ ކްލެސިފިކޭޝަން:

އޮފިސަރ ގްރޭޑް 1

ސެކްޝަން/ ޔުނީޓް

ފްރަންޓް އޮފީސް އެންޑް ޑިސްޕެޗް ކައުންޓަރ ޔުނިޓް

ވަޒީފާ އަދާކުރަން ޖެހޭ ތަން:

ނޭޝަނަލް ސޯޝަލް ޕްރޮޓެކްޝަން އެޖެންސީ (އެންސްޕާ)، ކ. މާލެ

މުސާރަ:

މަހަކު -/4465 ރުފިޔާ

ސަރވިސް އެލަވަންސް:

މަހަކު -/1500 ރުފިޔާ

އެހެނިހެން އެލަވަންސް:

  1. ސިވިލް ސަރވިސްގެ މުވައްޒަފުންނަށް ހަމަޖެހިފައިވާ އުސޫލުން ބޭސްފަރުވާގެ ޚިދުމަތް.
  2. ދިވެހިރާއްޖޭގެ ޕެންޝަނާބެހޭ ޤާނޫނުގެ ދަށުން ލިބިދެވޭ ޕެންޝަން ކޮންޓްރިބިއުޝަން.
  3. ސިވިލް ސަރވިސްގެ މުވައްޒަފުންނަށް ހަމަޖެހިފައިވާ އުސޫލުން އިތުރުގަޑީގެ ފައިސާ.
  4. ސިވިލް ސަރވިސްގެ އެ ރޭންކަކަށް މިނިމަމް ވޭޖްގެ ގޮތުގައި ދިނުމަށް ކަނޑައަޅާފައިވާ އަދަދަށް ވުރެ މަދުން ލިބޭ މަނަ، އެ އަދުދު ހަމަކުރުމަށް މިނިމަމް ވޭޖް އެލަވަންސް ހަމަޖައްސައިދެވޭނެއެވެ.
  5. ޝިފްޓް ޑިއުޓީ އާދާކުރާނަމަ ހަމަޖެހިފައިވާ އުސޫލުން ޝިފްޓް ޑިއުޓި އެލަވެންސް ދެވޭނެއެވެ.
  6. މުސާރައާއި ސަރވިސް އެލަވަންސްގެ އިތުރުން އެހެންވަޒީފާއެއް އަދާކުރުން މަނާކުރާތީ ދޭ އެލަވަންސްގެ ގޮތުގައި އަސާސީ މުސާރައިގެ %35
  7. ރިސްކު އެލަވަންސްގެ ގޮތުގައި ވަޒީފާއަށް ނުކުންނަ ކޮންމެ ރަސްމީ ދުވަހަކަށް -/75 ރުފިޔާ
  8. ސަޕޯޓިންގ ކޯ އެލަވަންސްގެ ގޮތުގައި މަހަކު -/700ރުފިޔާ

މަޤާމުގެ މައިގަނޑު މަސްއޫލިއްޔަތުތަކާއި ވާޖިބުތައް:

1- މި އެޖެންސީއަށް އަންނަ ހުރިހާ ލިޔެކިޔުންތަކާއި އިންވޮއިސްތައް ޗެކްކުރުމަށްފަހު ބަލައިގަތުމާއި، ހަމަޖެހިފައިވާ އުސޫލުގެ ތެރެއިން އީ-އެންސްޕާއަށް އެންޓްރީކޮށް ރޫޓްކުރުން.

2- މި އެޖެންސީއަށް ހުށަހަޅާފައިވާ ލިޔެކިއުމަކާ ގުޅޭގޮތުން މައުލޫމާތު ސާފުކުރުމަށް އަންނަ ފަރާތްތަކަށް އީ-އެންސްޕާ މެދުވެރިކޮށް ނުވަތަ އެކަމާ ގުޅޭ ސެކްޝަނަކަށް ގުޅައިގެން އެ މައުލޫމާތު ސާފުކުރުމަށްފަހު އެފަރާތަކަށް މައުލޫމާތު ފޯރުކޮށްދިނުމާއި، އާއްމު މައުލޫމާތެއް ސާފުކުރަން އަންނަ ފަރާތްތަކަށް މަޢުލޫމާތު ފޯރުކޮށްދިނުން.

3- ނުކުޅެދުންތެރިކަން ހުންނަ ފަރާތްތަކަށް ދޫކުރަން ހަމަޖެހިފައިވާ ކާޑުތައް، ހަމަޖެހިފައިވާ އުސޫލުތަކުގެ ތެރެއިން ދޫކުރުމާއި، ނުކުޅެދުންތެރިކަން ހުންނަ މީހުންނަށް މާލީ އެހީތެރިކަން ފޯރުކޮށްދިނުމަށްޓަކައި މި އެޖެންސީން ބަލަހައްޓަމުންދާ ލިސްޓުގައި ރަޖިސްޓްރީ ކުރެވިފައިވާ ފަރާތެއްކަން އަންގައިދޭ ލިޔުން ތައްޔާރުކޮށް އެދިލައްވާ ފަރާތްތަކަށް އެ ލިޔުން ދޫކުރުން.

4- މި އެޖެންސީއަށް އަންނަ ފަރާތްތަކުން ހުށަހަޅާ ލިޔެކިއުންތައް ބެލުމަށްފަހު އެއްވެސް ލިޔެކިޔުމެއް މަދުވާނަމަ، އެ މަދުވާ ލިޔުންތަކަކީ ކޮބައިކަން އެ ފަރާތްތަކަށް ސާފުކޮށްދިނުމަށްފަހު ހަމަޖެހިފައިވާ އުސޫލުން އެންޓްރީކުރުމާއި އެންޓްރީ ނަންބަރު، އެސް.އެމް.އެސް މެދުވެރިކޮށް ލިބިވަޑައިގަންނަވާނީ ލިޔެކިޔުން ހަމަވުމުންކަން އެ ފަރާތްތަކަށް އެންގުން.

5- ވައިބަރ މެދުވެރިކޮށް އަންނަ ލިޔެކިޔުންތަކާ، އެހީގެ ޕްރޮގްރާމްތަކާއި ގުޅިގެން ހުށަހަޅާ ފޯމުތަކުގެ ހުރިހާ ލިޔެކިޔުންތަކާއި މަޢުލޫމާތުތައް ހަމަތޯ ޗެކްކުރުމަށްފަހު އީ-އެންސްޕާއަށް އެންޓްރީކުރުމަށް ފަހު ރޫޓްކުރުން.

6- ލިޔެކިއުންހަމާވާ ފޯމުތައް ކައުންޓަރުން ބަލައިގަތުމަށްފަހު އެ ފޯމަކަށް ނުވަތަ ސިޓީއަކަށް ޖަވާބު ލިބޭނެ ތާރީޚެއް އަންގާ އަދި އެ ފޯމެއް ނުވަތަ ސިޓީއެއް ސިސްޓަމަށް އެންޓަރ ކުރުމުން އެންޓްރީ ނަންބަރު އެސް.އެމް.އެސް އަކުން ލިބިވަޑައިގަންނަވާނެކަން އެންގުން.

7- މި އެޖެންސީއަށް ހުށަހަޅާފައިވާ ފޯމެއް ނުވަތަ ސިޓީއަކާ ގުޅޭގޮތުން އިތުރު ލިޔެކިއުމެއް (މިސާލު: ޓިކެޓްގެ ކޮޕީ، މެޑިކަލް ޑޮކިއުމަންޓް) ހުށަހަޅާފައިވާނަމަ އެލިޔުމެއްގައި އެންޓްރީ ނަމްބަރު، ޖެހުމަށްފަހު އޮރިޖިނަލް ކޭސް އާއި ހަވާލުވެފައިވާ މުވައްޒަފާއި ހަމަޖެހިފައިވާ އުސޫލުގެ ތެރެއިން ލިޔުމަށްފަހު ހަވާލުކުރުން.

8- ކޮންމެ ދުވަހެއްގެ ޑިސްޕެޗް ޝީޓް ތައްޔާރުކޮށް ހުރިހާ ލިޔެކިޔުންތައް ޖެހިގެން އަންނަ ދުވަހުގެ ރަސްމީ ގަޑި ފެށޭތާ ލަސްވެގެން 1 ގަޑިއިރު ތެރޭ ހަމަޖެހިފައިވާ އުސޫލުގެތެރެއިން ކަމާ ގުޅޭ ސެކްޝަންތަކަށް ފޮނުވުން.

9- ގަވަރމަންޓް އީ-ލެޓަރ މެނޭޖްމަންޓް ސިސްޓަމް (ޖެމްސް) މެދުވެރިކޮށް މި އެޖެންސީއަށް އަންނަ ލިޔެކިޔުންތަކާއި، އެހީއަށް އެދި ހުށަހަޅާ ފޯމްތަކުގެ ހުރިހާ ލިޔެކިއުންތަކާއި މަޢުލޫމާތުތައް ޗެކްކުރުމަށްފަހު، އެ ލިޔުންތައް އެންޓްރީކޮށް، ލިޔެކިއުންތަކާއި ފޯމުތައް އެދުވަހުގެ ކަނޑައެޅިފައިވާ ގަޑީގެ ކުރިން ރޫޓްކުރުން.

10- މި އެޖެންސީގެ ވެރިއަކާ ބައްދަލުކުރަން އަންނަ ފަރާތްތަކުގެ މަޢުލޫމާތު ނެގުމަށްފަހު، އެކަމާ ގުޅުން ހުރި މުވައްޒަފަކަށް ނުވަތަ ވެރިއަކަށް އީމެއިލް މެދުވެރިކޮށް އެކަން އެންގުން.

11- ހާލަތު ބަދަލުވުމަށްފަހު އިތުރަށް ފައިސާ ދެވިގެން ނުވަތަ ވެލްފެއަރ އިން ދެވޭ ފައިސާ ޙަރަދުކުރުމަށްފަހު ބާކީވާ ފައިސާ ދެއްކުމަށް އަންނަ ފަރާތްތަކަށް ކަންތައް ކުރަންވީގޮތް އޮޅުންފިލުވައިދިނުން އަދި އެފަރާތުގެ މަޢުލޫމާތު އީމެއިލް އަކުން ކަމާގުޅޭ ސެކްޝަނާއި ޙިއްސާކުރުން.

12- މި އެޖެންސީން ކުރިއަށްގެންދާ އެހީގެ ޕްރޮގްރާމެއްގެ ދަށުން، އެހީ ލިބެމުންދާ ފަރާތެއްގެ ހާލަތު ބަދަލުވެގެން ކައުންޓަރުގެ މުވައްޒަފަކަށް އެކަން އަންގައިފިނަމަ ނުވަތަ އީ-މެއިލްކޮށްފިނަމަ، ހާލަތު ބަދަލުވެގެން ފުރާ ފޯމް ފުރިހަމަކޮށް ހުށަހަޅަންޖެހޭކަން އެފަރާތަކަށް އެންގުމާއި، އަދި އެފަރާތުގެ މަޢުލޫމާތު އީމެއިލް މެދުވެރިކޮށް ކަމާ ގުޅުންހުރި ސެކްޝަންތަކަށް ދުވަހުން ދުވަހަށް ފޮނުވުން.

13- ކޮންމެ ދުވަހެއްގެ ކައުންޓަރ ރިޕޯޓް ނިންމާ ޔައުމިއްޔާ ލިޔާ މުވައްޒަފަށް އެކަން އެންގުން.

14- ކޯލްސެންޓަރަށް އަންނަ ކޯލްތައް ވެއިޓިންގގައި ހުރިނަމަ، އެ ކޯލްތަކަށް ޖަވާބު ދިނުމާއި، ޖަވާބުދާރީވާ ކޮންމެ ފޯނުކޯލެއްވެސް ހަމަޖެހިފައިވާ އުސޫލުގެ ތެރެއިން ކޯލްސެންޓަރުގެ އެޕްލިކޭޝަނަށް އެންޓަރ ކުރުން.

15- އިންފޯ މެއިލް ([email protected]) އަދި ވެލްފެއަރ މެއިލް ([email protected]) މެދުވެރިކޮށް ހުށަހަޅާ ފޯމްތައް ޗެކްކުރުމަށްފަހު، އީ-އެންސްޕާއަށް އެންޓަރކޮށް ހަމަޖެހިފައިވާ އުސޫލުގެ ތެރެއިން ރޫޓްކުރުން.

16- މި އެޖެންސީގެ ޑިސްޕެޗް ކައުންޓަރުގެ ގޮތުގައި ގާއިމުކޮށްފައިވާ ކައުންޓަރުތަކުގައި (މާލެ އަދި ހުޅުމާލެ) ދަންފަޅި އުސޫލުން ޑިއުޓީ ތާވަލާއި އެއްގޮތަށް މަސައްކަތް ކުރުން.

މަޤާމުގެ ޝަރުޠުތައް:

ސާނަވީ ނުވަތަ އެ އާ އެއް ފެންވަރުގެ އިމްތިޙާނަކުން 2 މާއްދާއިން ދަށްވެގެން 'ޑީ' ގްރޭޑް ލިބިފައި ވުމާއެކު، އޭގެ އިތުރުން 'ސެކެންޑަރީ ސްކޫލް' ނުވަތަ 'ހަޔަރ ސެކަންޑަރީ ސްކޫލް' ސެޓްފިކެޓް އިމްތިޙާނުގައި 'ދިވެހި' މި މާއްދާއިން ދަށްވެގެން 'ސީ' ގްރޭޑް ލިބިފައިވުން.

ނުވަތަ

 

ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 3 ގެ ސަނަދެއް ޙާޞިލްކޮށްފައިވުމާއެކު، 'ސެކެންޑަރީ ސްކޫލް' ނުވަތަ 'ހަޔަރ ސެކަންޑަރީ ސްކޫލް' ސެޓްފިކެޓް އިމްތިޙާނުގައި 'ދިވެހި' މި މާއްދާއިން ދަށްވެގެން 'ސީ' ގްރޭޑް ލިބިފައިވުން.

މަޤާމުގެ ތަޢުލީމީ ރޮނގުތައް

ނެތް

ޕްރިފަރޑް ޑިސިޕްލިން ތައް

ނެތް

ކޯ ޑިސިޕްލިން ތައް

ނެތް

މަޤާމުގެ މަސައްކަތުގެ ދާއިރާތައް

އެޑްމިނިސްޓްރޭޝަން

މެނޭޖްމެންޓް

ކަސްޓަމަރ ސަރވިސް

ހުށަހަޅަންޖެހޭ ލިޔުންތައް:

 

  1. ފުރިހަމަ ކޮށްފައިވާ ސިވިލް ސަރވިސްގެ ވަޒީފާއަށް އެދޭ ފޯމު (މި ފޯމު ސިވިލް ސަރވިސް ކޮމިޝަނުގެ ވެބްސައިޓުން އަދި އިދާރާގެ ވެބްސައިޓުންނާއި ކައުންޓަރުން އަދި ތިރީގައިވާ ލިންކުން ލިބެންހުންނާނެއެވެ.) http://www.csc.gov.mv/download/2538
  2. ވަޒީފާއަށް އެދޭ ފަރާތުގެ ވަނަވަރު (ގުޅޭނެ ފޯނު ނަންބަރާއި އީ-މެއިލް އެޑްރެސް ހިމެނޭގޮތަށް).
  3. ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ (މުއްދަތުހަމަވެފައިވީ ނަމަވެސް) ދެފުށުގެ ލިޔުންތައް ފެންނަ، ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް. ނުވަތަ އައި.ޑީ. ކާޑު ގެއްލިފައިވާ ނަމަ، އެ ފަރާތެއްގެ އުފަންދުވަހުގެ ސެޓްފިކެޓު، ޕާސްޕޯޓް ނުވަތަ ޑްރައިވިންގ ލައިސަންސް.
  4. ސިވިލް ސަރވިސްއަށް / ސަރުކާރަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން ކުރިމަތިލާ މަޤާމަށް ހޮވިއްޖެ ނަމަ، އަދާކުރަމުންދާ ވަޒީފާއިން ވީއްލުމާމެދު އިއުތިރާޒެއްނެތްކަމަށް، ވަޒީފާ އަދާކުރާ އޮފީހުން ދޫކޮށްފައިވާ ލިޔުން.
  5. ލިބިފައިވާ ތަޢުލީމީ ސެޓުފިކެޓުތަކުގެ ކޮޕީ؛

(ހ)  މޯލްޑިވްސް ކޮލިފިކޭޝަންސް އޮތޯރިޓީއިން ލެވަލް ކަނޑައަޅައި ތައްގަނޑު ޖަހާފައިވާ، މަތީ ތަޢުލީމުދޭ ރާއްޖެއިން ބޭރުގެ މަރުކަޒަކުން ދޫކޮށްފައިވާ ތަޢުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓުގެ ކޮޕީ؛ ނުވަތަ: ސެޓްފިކެޓު ނެތް ޙާލަތްތަކުގައި، ކޯސް ފުރިހަމަކުރިކަމުގެ ލިޔުމުގެ ކޮޕީއާއި، މޯލްޑިވްސް ކޮލިފިކޭޝަންސް އޮތޯރިޓީން ދޫކޮށްފައިވާ އެސެސްމަންޓް ރިޕޯޓްގެ ކޮޕީ އަދި ޓްރާންސްކްރިޕްޓްގެ ކޮޕީ

(ށ)  ރާއްޖޭގެ މަތީ ތައުލީމުދޭ މަރުކަޒަކުން ދޫކޮށްފައިވާ ތައުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓްގެ ކޮޕީ؛ ނުވަތަ ކޯސް ފުރިހަމަކުރިކަމުގެ ލިޔުމުގެ ކޮޕީއާއި ޓްރާންސްކްރިޕްޓްގެ ކޮޕީ.

  1. މަސައްކަތުގެ ތަޖުރިބާ އަންގައިދޭ ތިރީގައިވާ މިންގަނޑަށް ފެތޭ ލިޔުންތަކުގެ ކޮޕީ:

(ހ)   ސިވިލް ސަރވިސްގެ ވަޒީފާއެއްގައި، ދައުލަތުގެ މުއައްސަސާއެއްގައި، ސަރުކާރު ހިއްސާވާ ކުންފުންޏެއްގައި ވަޒީފާ އަދާކޮށްފައިވާ ނަމަ އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ށ)   ސިވިލް ސަރވިސްގެ ތަޖުރިބާގެ ތެރެއިން https://myaccount.csc.gov.mv/ އިން ފެންނަންނެތް ތަޖުރިބާގެ މުއްދަތުތައް ހާމަކޮށްދިމުގެ ގޮތުން އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ނ)   އަމިއްލަ ކުންފުންޏެއް ނުވަތަ އަމިއްލަ އިދާރާއެއްގައި ވަޒީފާ އަދާކޮށްފައިވާ ނަމަ އަދާކޮށްފައިވާ ވަޒީފާ، ވަޒީފާ އަދާކުރި މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށްފައިވާ އަދި މަސައްކަތްކޮށްފައިވާ ތަނުގެ މުވައްޒަފުންގެ އަދަދު ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ރ)  ޤައުމީ ނުވަތަ ބައިނަލްއަޤުވާމީ ޖަމްއިއްޔާ ނުވަތަ ޖަމާއަތެއްގައި މަސައްކަތް ކޮށްފައިވާ ނަމަ، އަދާކޮށްފައިވާ ވަޒީފާ، އަދި ވަޒީފާ އަދާކުރި މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ ތަނަކުން ދޫކޮށްފައިވާ ލިޔުން (މި ލިޔުމުގައި އަދާކޮށްފައިވާ މަޤާމަކީ މުސާރަދެވޭ މަޤާމެއްކަން ނުވަތަ ނޫންކަން ބަޔާންކޮށްފައި އޮންނަންވާނެއެވެ. ނުވަތަ ބަދަލުގައި އެކަން ބަޔާންކޮށް އެ ތަނަކުން ދޫކޮށްފައިވާ ރަސްމީ ލިޔުމެއް ހުށަހަޅަންވާނެއެވެ.)

(ބ)  ދަޢުލަތުގެ އުވައިލައިފައިވާ އިދާރާއެއްގައި، ނުވަތަ އުވައިލައިފައިވާ އަމިއްލަ ކުންފުންޏެއް ނުވަތަ އަމިއްލަ އިދާރާއެއްގައި، ނުވަތަ އުވައިލައިފައިވާ ޤައުމީ ނުވަތަ ބައިނަލްއަޤްވާމީ ޖަމިއްޔާ ނުވަތަ ޖަމާއަތެއްގައި މަސައްކަތްކޮށްފައިވާ ނަމަ، އަދާކޮށްފައިވާ ވަޒީފާ އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން ލިބެންނެތް ނަމަ، ރެކްރޫޓްމަންޓް އުޞޫލުގެ ޖަދުވަލު 8 ގައިވާ "ވަޒީފާއަށް އެދޭފަރާތުގެ ރެފަރެންސް ޗެކް ފޯމު".

ވަޒީފާއަށް އެންމެ ޤާބިލު ފަރާތެއް ހޮވުމަށް ބެލޭނެ ކަންތައްތައް:

އަސާސީ ޝަރުޠު ހަމަވުން

30

އަސާސީ ޝަރުޠަށްވުރެ އިތުރަށް ލިބިފައިވާ ތަޢުލީމު

5

އަސާސީ ޝަރުޠަށްވުރެ އިތުރަށް ލިބިފައިވާ ތަޖުރިބާ

5

އެސެސްމަންޓް (އިމްތިޙާނު ނުވަތަ ޕްރެކްޓިކަލް)

25

އިންޓަރވިއު

35

ނޯޓް: މަޤާމަށް އައްޔަންކުރުމަށް ވަޒީފާއަށް އެދިފައިވާ ފަރާތަށް A2 ޝީޓުން މުޅިއެކު ޖުމުލަ 60 ނުވަތަ އެއަށް ވުރެ މަތިން ޕޮއިންޓު ލިބެންވާނެއެވެ.

މަޤާމަށް އެދެންވީގޮތާއި ސުންގަޑި:

މަޤާމަށް އެދި ހުށަހަޅަންޖެހޭ ތަކެތި ހުށަހަޅާނީ 2022 އޮކްޓޫބަރު 13 ވާ ބުރާސްފަތި ދުވަހުގެ 13:30 ގެ ކުރިން، އައި.ޖީ.އެމް ހޮސްޕިޓަލް އަދި ހުޅުމާލެ ހޮސްޕިޓަލުގައި ގާއިމުކުރެވިފައިވާ މި އެޖެންސީގެ ކައުންޓަރަށެވެ. ވަޒީފާއަށް އެދޭ ފޯމާއި ލިޔުންތައް އީ-މެއިލް [email protected] މެދުވެރިކޮށް ވެސް ބަލައިގަނެވޭނެއެވެ.

އަދި އިޢުލާނުގެ ސުންގަޑި ހަމަވުމުގެ ކުރިން ސަރުކާރުން އަލަށް ބަންދު ދުވަހެއް ކަނޑައަޅައިފި ނަމަ، އެ ކަނޑައަޅާ ދުވަހުގެ އަދަދަށް ވަޒީފާއަށް އެދޭ ފޯމު ބަލައިގަނެވޭނެއެވެ.

 

ޝޯޓްލިސްޓުކުރުން:

 

 

 

މި ވަޒީފާއަށް އެދި ހުށަހަޅާ ފަރާތްތަކުގެ ތެރެއިން ތަޢުލީމީ ފެންވަރާއި ތަޖުރިބާއަށް ބަލައި، ވަޒީފާއަށް ކުރިމަތިލާފައިވާ ފަރާތްތަކުގެ ތެރެއިން އެންމެ މަތިން ޕޮއިންޓު ލިބޭފަރާތްތައް ޝޯޓްލިސްޓުކުރެވޭނެއެވެ.

އިންޓަރވިއު (އިމްތިޙާނާއި ޕްރެޒެންޓޭޝަން އޮންނަ ނަމަ، އެ ބައި ވެސް ހިމެނުން) އޮންނާނެ ތަނާއި، މުއްދަތު:

މި މަޤާމަށް މީހަކު ހޮވުމަށް ބޭއްވޭ އިންޓަވިއު އަދި އިމްތިޙާން، 2022 އޮކްޓޫބަރު 14 އާއި2022ނޮވެންބަރު 13 އާ ދެމެދު، ނޭޝަނަލް ސޯޝަލް ޕްރޮޓެކްޝަން އެޖެންސީ (އެން.އެސް.ޕީ.އޭކ.މާލެ ގައެވެ.

 

"ވަޒީފާއަށް ކުރިމަތިލީ ފަރާތްތަކަށް ޕޮއިންޓު ލިބުނު ގޮތުގެ ޝީޓް (A2 ޝީޓު)" އާންމުކުރުން

އިންޓަވިއު ބާއްވާތާ ރަސްމީ ބަންދު ނޫން 3 ދުވަހުގެ ތެރޭގައި "ވަޒީފާއަށް ކުރިމަތިލީ ފަރާތްތަކަށް ޕޮއިންޓު ލިބުނު ގޮތުގެ ޝީޓް (A2 ޝީޓު)" އާންމުކޮށް ފެންނާނެހެން މި އިދާރާގައި އަދި އިދާރާގެ ވެބްސައިޓްގައި އާންމުކުރެވޭނެއެވެ. ވަޒީފާއަށް ކުރިމަތިލީ ފަރާތްތަކަށް ޕޮއިންޓު ދެވިފައިވާ ގޮތާމެދު ޝަކުވާއެއް އޮތްނަމަ A2 ޝީޓު އާންމުކުރާ ދުވަހުން ފެށިގެން ރަސްމީ ބަންދު ނޫން 3 ދުވަހުގެ ތެރޭގައި އެ ޝަކުވާއެއް މި އިދާރާއަށް ހުށަހަޅަންވާނެއެވެ.

މި އިޢުލާނާ ގުޅިގެން މަޢުލޫމާތު ސާފުކުރުމަށް ގުޅާނީ 1402 އަށެވެ. އީ-މެއިލް ކުރާނީ [email protected] އަށެވެ.

ސިވިލް ސަރވިސްގެ ވަޒީފާތަކަށް މީހުން ހޮވުމާއި އައްޔަންކުރުމުގެ މިންގަނޑުތަކާއި އުޞޫލުތައް އަދި އެ އުޞޫލުތަކާ ގުޅުންހުރި އެންމެހައި ލިޔުންތައް ސިވިލް ސަރވިސް ކޮމިޝަނުގެ ވެބްސައިޓްގެ ޑައުންލޯޑްސްގެ "އައްޔަންކުރުމުގެ އުޞޫލާގުޅޭ" (http://www.csc.gov.mv/recruitment-usoolu) އިން ލިބެން ހުންނާނެއެވެ.

05 އޮކްޓޫބަރު 2022
ހޯދާ