ދިވެހިރާއްޖެ
އިޢުލާން
5 ވަނަ ޓޫރިޒަމް މާސްޓަރޕްލޭންއަކީ ދިވެހިރާއްޖޭގެ ފަތުރުވެރިކަމުގެ ސިނާޢަތް ދެމެހެއްޓެނިވި ގޮތެއްގައި ކުރިއަރުވައި ތަރައްޤީކުރުމަށްޓަކައި 5 އަހަރު ދުވަހުގެ މުއްދަތަށް މިމިނިސްޓްރީއިން އެކުލަވާލާ ސްޓްރެޓެޖިކް ޕްލޭނެކެވެ. އަދި މި މާސްޓަރޕްލޭން އެކުލަވާލުމުގެ މަސައްކަތަކީ އޭޝިއަން ޑިވެލޮޕްމަންޓް ބޭންކް (އޭ.ޑީ.ބީ) ގެ ހިލޭ އެހީގެ ދަށުން ކުރިއަށް ގެންދިއުމަށް ހަމަޖެހިފައިވާ މަސައްކަތެކެވެ.
އެގޮތުން، މި މަސައްކަތަށް ކޮންސަލްޓަންޓުން ހޯދައި، ޢައްޔަންކުރުމުގެ އެންމެހާ މަސައްކަތްތަކެއް ކުރިއަށް ގެންދިޔުމަށް ހަމަޖެހިފައިވަނީވެސް އޭ.ޑީ.ބީގެ ފަރާތުންނެވެ. އަދި މަސައްކަތަށް ޖުމްލަ 10 ކޮންސަލްޓަންޓުން އައްޔަންކުރުމަށް ހަމަޖެހިފައިވާއިރު، މީގެތެރެއިން 09 ކޮންސަލްޓަންޓުން ޢައްޔަންކުރުމަށް ހަމަޖެހިފައިވަނީ ލޯކަލް ކޮންސަލްޓެންސީގެ އުސޫލުންނެވެ. އަދި ލީޑް ކޮންސަލްޓަންޓް ޢައްޔަންކުރެވިގެންދާނީ އިންޓަރނޭޝަނަލް ކޮންސަލްޓެންސީ ގެ އުސޫލުންނެވެ.
ވީމާ، މިކަމަށް ޝައުގުވެރިވެލައްވާ ފަރާތްތަކުން، ތިރީގައި ބަޔާންކުރެވިފައިވާ އޭ.ޑީ.ބީގެ ލިންކްތައް މެދުވެރިކޮށް 06 ޖުލައި 2021 ވާ އަންގާރަ ދުވަހުގެ ކުރިން، އެ ލިންކްގައި ބަޔާންކުރައްވާފައިވާގޮތަށް އެކްސްޕްރެޝަން އޮފް އިންޓެރެސްޓް (އީ.އޯ.އައި) ހުށަހެޅުއްވުން އެދެމެވެ.
މި އިޢުލާނާއި ގުޅޭ އިތުރު މަޢުލޫމާތު ބޭނުންފުޅުވާނަމަ 05 ޖުލައި 2021 ވާ ހޯމަ ދުވަހުގެ ކުރިން މިމިނިސްޓްރީގެ އީމެއިލް [email protected] އަށް އީމެއިލް ކުރައްވައިގެން ސާފުކުރެއްވުން އެދެމެވެ.