މި ކުންފުނީގެ ބޭނުންތަކަށް ވެލާނާ އިންޓަރނޭޝަނަލް އެއަރޕޯރޓްގައި 3 ބުރީގެ ޕްރީފެބް އިމާރާތެއް ހެދުމަށް ކުރެވުނު އިޢުލާނާއި ގުޅިގެން އެކަށީގެންވާ ޕްރޮޕޯސަލް ލިބިފައިނުވާ ކަމަށް މި ކުންފުނީގެ ބިޑް ކޮމިޓީ އަށް ފެންނާތީ، އެ އިއުލާން ބާތިލްކޮށް އަލުން އިއުލާން ކުރަމެވެ. 

ވީމާ މިކަމަށް ޝައުޤުވެރިވެލައްވާ ފަރާތްތަކަށް މިކަމާއި ގުޅޭގޮތުން މަޢުލޫމާތު ދިނުމަށް ބޭއްވޭ ބައްދަލުވުން  21 ފެބުރުވަރީ 2018 ވާ ބުދަ ދުވަހުގެ ހެނދުނު 10:00ގައި ދާރުލް އީމާން ބިލްޑިންގް 4 ވަނަ ފަންގިފިލާ،(މަޖީދީ މަގު)ގައި އޮންނާނެއެވެ. އަދި އިޢުލާނުގައި ބަޔާން ކުރެވިފައިވާ މަސައްކަތް ކުރުމަށް ޝައުޤުވެރިވާ ފަރާތްތަކަށް ޕްރޮޕޯސަލް ހުށަހެޅުމަށް ބޭއްވޭ ސެޝަން 18 މާރިޗު 2018  ވާ އާދިއްތަ ދުވަހުގެ ހެނދުނު 10:00ގައި އައިލެންޑް އޭވިއޭޝަން ހެޑް އޮފީސް(މ.ރާވެރިގެ، މަޖީދީ މަގު) އޮންނާނެއެވެ.

 އިސްވެ ބަޔާން ކުރެވިފައިވާ މަޢުލޫމާތު ދިނުމުގެ ބައްދަލުވުމަށް ވަޑައިނުގަންނަވާ ފަރާތްތަކަށް ޕްރޮޕޯސަލް ހުށަހެޅުމުގެ ފުރުޞަތު ނޯންނާނެވާހަކަ ދެންނެވީމެވެ. އަދި ކަނޑައެޅިފައިވާ ގަޑީގެ ފަހުން ބައްދަލުވުމަށް ވަޑައިގަންނަވާ ފަރާތްތަކަށް މިސެޝަންތަކުގައި ބައިވެރިވުމުގެ ފުރުޞަތު ނުލިބޭނެ ވާހަކަ މަޢުލޫމާތަށް ޓަކައި ދެންނެވީމެވެ