މިނިސްޓްރީ އޮފް ޓޫރިޒަމް
ދިވެހިރާއްޖެ
ވަޒީފާގެ ފުރުޞަތު - ސީނިއަރ ޕްލޭނިންގ އޮފިސަރ (ވަގުތީ)

 

ވަޒީފާގެ ފުރުޞަތު

މަޤާމް:

ސީނިއަރ ޕްލޭނިންގ އޮފިސަރ (ވަގުތީ)

މަޤާމުގެ ނަންބަރު:

J246158

ބޭނުންވާ އަދަދު:

1

މަޤާމުގެ މުއްދަތު:

ވަޒިފާ ހަމަޖެހޭ ތާރީހުން ފެށިގެން 30 އެޕްރީލް 2017 ގެ ނިޔަލަށް.

މަޤާމުގެ ގިންތި:

ސަޕޯޓް އޮފިސަރ

މަޤާމުގެ ރޭންކް:

އެމް. އެސް. 2

މަޤާމުގެ ކްލެސިފިކޭޝަން:

ޓެކްނިކަލް އޮފިސަރ ގްރޭޑް 2

ސެކްޝަން:

ޑިޒާސްޓަރ މެނޭޖެމަންޓް

މަޤާމް އޮތް އޮފީސް:

މިނިސްޓްރީ އޮފް ޓޫރިޒަމް

ވަޒީފާ އަދާކުރަން ޖެހޭ ތަން:

މިނިސްޓްރީ އޮފް ޓޫރިޒަމް، ވެލާނާގެ، 5 ވަނަ ފަންގިފިލާ، ކ. މާލެ

މުސާރަ:

މަހަކު -/6295 ރ.

ސަރވިސް އެލެވަންސް:

މަހަކު -/2000 ރ.

އިތުރު އެލަވަންސް:

މުސާރައިގެ %35

އިތުރު ޢިނާޔަތްތައް:

  1. ސިވިލް ސަރވިސްގެ މުވައްޒަފުންނަށް ހަމަޖެހިފައިވާ އުސޫލުން ބޭސްފަރުވާގެ ޚިދުމަތް.
  2. ދިވެހިރާއްޖޭގެ ޕެންޝަނާބެހޭ ޤާނޫނުގެ ދަށުން ލިބިދެވޭ ޕެންޝަން ކޮންޓްރިބިއުޝަން.
  3. ސިވިލް ސަރވިސްގެ މުވައްޒަފުންނަށް ހަމަޖެހިފައިވާ އުސޫލުން އިތުރުގަޑީގެ ފައިސާއާއި ވަޒީފާއާ ގުޅިގެން ދެވޭ އެހެނިހެން އެލަވަންސްތައް.

މަޤާމުގެ މަސްއޫލިއްޔަތުތަކާއި ވާޖިބުތައް:

  1. ދިމާވެދާނެ ޤުދުރަތީ އަދި އެހެނިހެން ނުރައްކަތެރި ހާދިސާތަކުންރައްކާތެރިވުމުގެ ގޮތުން ޓޫރިޒަމް އިންޑާސްޓްރީއަށް ހަދަންޖެހޭ މިންގަނޑުތަކާއި ޤަވާޢިދުތައް ހެދުން.
  2. ދިމާވެދާނެ ޤުދުރަތީ އަދި އެހެން ނުރައްކާތެރި ހާދިސާތަކުން ރައްކާތެރިވުމުގެ ގޮތުން ޓޫރިޒަމް އިންޑަސްޓްރީގައި ޤަވާއިދުން އަޅަންޖެހޭ ފިޔަވަޅުތައް އަޅަންޖެހޭ އެންމެ މަދު މިންގަނޑަށް އަޅާފައިވޭތޯ ބެލުމަށް އިންސްޕެކްޝަންތައް ހިންގާ އިންސްޕެކްޝަންތަކުގައި ރަނގަޅު ކުރަންޖެހޭކަމަށް ފާހަގަކުރެވޭ ކަންތައްތައް އެފަރާތްތަކަށް އަންގައިގެން ރަނގަޅު ކުރުވާ އެކަން ކަށަވަރުކޮށް ރިކޯޑް ބެލެހެއްޓުން.
  3. އިންޑަސްޓްރީގެ އެކި ދާއިރާތަކުގައި ހަދަންޖެހޭ ޑިޒާސްޓަރ މެނޭޖްމަންޓް ޕްލޭންތައް ހެދިފައިހުރިތޯބަލާ އެތަކެތީގެ ރެކޯޑްތައް ބަލަހައްޓާ އެއަށްގެންނަންޖެހޭ އުނިއިތުރު އިސްލާހުތައް ދިރަސާކޮށް އެތަކެތި އަޕްގްރޭޑްކޮށް ބެލެހެއްޓުން.
  4. ގެއްލުންދެނިވި ހާދިސާއެއް މެދުވެރިވެއްޖެ ހިނދެއްގައި އެކަމުގައި ހިމެނޭ ހުރިހާ ދާއިރާތަކާ ކުރަންޖެހޭ މުޢާމަލާތްތައްކޮށް ލިބޭގެއްލުންވީހާވެސް ކުޑަ ކުރުމަށާއި ސާރޗް އެންޑް ރެސްކިޔުގައި މެދުވެރިވާންންޖެހޭ އެންމެހާފަރާތްތަކާއެކު މުޢާމަލާތުތައް ކުރުމާއި އެކަން ރާވައި ހިންގުން.
  5. މެދުވެރިވެދާނެ ގެއްލުންދެނިވި ހަދިސާތކުން ރައްކާތެރިވުމަށް އެކަމުގެ ގެއްލުން ކުޑަކުރުމުގައި ޙަރަކާތްތެރިވާ ފަރާތްތަކަށް އިންޑަސްޓްރީގައި ހިންގޭ ތަމްރީނު ޕްރޮގްރަމްތައް ބަލާ ދިރާސާކޮށް އެފަދަ ކަމަކަށް އެފަރާތްތައް ތައްޔާރުވެފައިވާ މިންވަރު ބަލާ ދިރާސާކުރުމަށް އިންޑަސްޓްރީގައި ރޫޓިން ޑްރިލް ހިންގާ ނަތީޖާ ހާސިލްވާމިންވަރު ބެލުން.
  6. ގެއްލުން ދެނިވި ހާދިސާއެއް މެދުވެރިވެއްޖެ ކަމުގެ އިންޒާރެއް ލިބިއްޖެނަމަ އެކަން އިންޑަސްޓްރީއަށާ އޮފީހުގެ ހުރިހާ މުވައްޒަފުންނަށް އެންގުމާއި އެފަދަ ޙާލަތެއްގައި އޮފީހުގެ މުވައްޒަފުން އަދާކުރަންޖެހޭ ދައުރުގެ ތަފްސީލު އެސް.އޯ.ޕީ. އެއް ހަދާ އެތަކެތި އަޕްގްރޭޑްކޮށް އޮފީހުގެ މުވައްޒަފުން އެކަމަށް އަހުލުވެރިކުރުމުގެ ތަމްރީނު ޕްރޮގްރާމްތަކާއި ތައްޔާރުވެފައިވާ މިންވަރު ދެނެގަތުމަށް ޑްރިލް ހިންގުން.
  7. ގެއްލުންދެނިވި ހާދިސާއެއް މެދުވެރިވެގެން އުޅޭ ހާލަތެއްގައި އެކަމާބެހޭ އެންމެހާ މަޢުލޫމާތު ހޯދާ ރައްކާތެރިކޮށް ބެލެހެއްޓުމާ އެފަދަ މަޢުލޫމާތު އާންމު ކުރުމުގެ ސިޔާސަތާއި އުސޫލުތައް ގާއިމް ކުރުމާ މަޢުލޫމާތު ޙިއްސާކުރަންޖެހޭ ފަރާތްތަކަށް އެމަޢުލޫމާތު ފޯރުކޮށްދިނުން.
  8. ކަމާއިބެހޭ ލިޔެކިޔުންތަކާއި އަދި ދިރާސާތަށް އެއްކޮށް ދިގުމުއްދަތަށް ދެމެހެއްޓުން.

މަޤާމުގެ ޝަރުޠުތައް

  1. ޓޫރިޒަމް މެނޭޖްމަންޓް / ބިޒްނަސް މެނޭޖްމަންޓް / ކްރައިސިސް މެނޭޖްމަންޓް / ޤާނޫނީ ރޮނގުން ނުވަތަ ޤާނޫނާއި ޝަރީޢާ، މިއިން ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 4ގެ ސަނަދެއް ހާސިލްކޮށްފައިވުމާއިއެކު، ފަތުރުވެރިކަމުގެ ދާއިރާއެއްގައި 4 އަހަރު ދުވަހުގެ މަސައްކަތުގެ ތަޖުރިބާ ލިބިފައިވުން،

 

ނުވަތަ

 

2. ޓޫރިޒަމް މެނޭޖްމަންޓް / ބިޒްނަސް މެނޭޖްމަންޓް / ކްރައިސިސް މެނޭޖްމަންޓް / ޤާނޫނީ ރޮނގުން ނުވަތަ ޤާނޫނާއި ޝަރީޢާ، މިއިން ދާއިރާއަކުން ދިވެހިރާއްޖޭގެ ގައުމީ ސަނަދުތަކުގެ އޮނިގަނޑުގެ ލެވެލް 5ގެ ސަނަދެއް ހާސިލްކޮށްފައިވުމާއިއެކު، ފަތުރުވެރިކަމުގެ ދާއިރާއެއްގައި 2 އަހަރު ދުވަހުގެ މަސައްކަތުގެ ތަޖުރިބާ ލިބިފައިވުން،

 

ނުވަތަ

 

3. ޓޫރިޒަމް މެނޭޖްމަންޓް / ބިޒްނަސް މެނޭޖްމަންޓް / ކްރައިސިސް މެނޭޖްމަންޓް / ޤާނޫނީ ރޮނގުން ނުވަތަ ޤާނޫނާއި ޝަރީޢާ، މިއިން ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 6ގެ ސަނަދެއް ހާސިލްކޮށްފައިވުން.

 

  ނުވަތަ

 

4. ޓޫރިޒަމް މެނޭޖްމަންޓް / ބިޒްނަސް މެނޭޖްމަންޓް / ކްރައިސިސް މެނޭޖްމަންޓް / ޤާނޫނީ ރޮނގުން ނުވަތަ ޤާނޫނާއި ޝަރީޢާ، މިއިން ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް  4ގެ ސަނަދެއް ހާސިލްކޮށްފައިވުމާއިއެކު، ފަތުރުވެރިކަމާއި ގުޅުން ހުރި އެހެންދާއިރާއަކުން ލެވަލް 5 ނުވަތަ އެއަށްވުރެ މަތީ ސަނަދެއް ހާސިލްކޮށްފައިވުން.

ވަޒީފާއަށް އެންމެ ޤާބިލު ފަރާތެއް ހޮވުމަށް ބެލޭނެ ކަންތައްތައް:

 

  1. ކްރައިސިސް މެނޭޖްމަންޓްގެ ދާއިރާއިން އަދި ފަތުރުވެރިކަމުގެ ދާއިރާއިން މަސައްކަތު ތަޖްރިބާ ލިބިފައިވުން.
  2. ކޮމްޕިއުޓަރު ބޭނުންކޮށްގެން މަސައްކަތް ކުރަން ދަންނަ މީހެއް ކަމުގައިވުން.
  3. ގިނަ ވަގުތު މަސައްކަތުގައި އުޅެވޭ މީހެއް ކަމުގައިވުން.
  4. ވަޒީފާގެ މަސްއޫލިއްޔަތު އަދާކުރުމަށް މާލެއިން ބޭރަށްދެވޭ މީހެއް ކަމުގައިވުން.
  5. އިނގިރޭސި ފެންވަރު ރަނގަޅު މީހެއް ކަމުގައިވުން.
  6. ޤާނޫނުތަކާއި ޤަވާޢިދުތަކަށް އަހުލުވެރިވުމާއި، ވިސްނުންތެރިކަމާ ކެތްތެރިކަމާއެކު ކަންތައްތައް ކުރުން.

ހުށަހަޅަންޖެހޭ ލިޔުންތައް:

 

  1. ފުރިހަމަ ކުރައްވާފައިވާ ވަޒީފާއަށް އެދޭ ފޯމު
  2. ވަޒީފާއަށް އެދޭ ފަރާތުގެ ވަނަވަރު (ގުޅޭނެ ފޯނު ނަންބަރާއި އީމެއިލް އެޑްރެސް ހިމެނޭގޮތަށް)
  3. ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ، މުއްދަތު ހަމަނުވާ ކާޑުގެ ދެފުށުގެ ލިޔުންތައް ފެންނަ، އަދި ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް.
  4. ސިވިލް ސަރވިސްއަށް / ސަރުކާރަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން ކުރިމަތިލާ މަޤާމަށް ހޮވިއްޖެނަމަ، އަދާކުރަމުންދާ ވަޒީފާއިން ވީއްލުމާމެދު އިއުތިރާޒެއް ނެތްކަމަށް، ވަޒީފާ އަދާކުރާ އޮފީހުގެ ލިޔުން.
  5. ލިބިފައިވާ ހުރިހާ ތަޢުލީމީ ސެޓުފިކެޓުތަކުގެ ކޮޕީ؛

)ހ) މޯލްޑިވްސް ކޮލިފިކޭޝަން އޮތޯރިޓީން ފެންވަރު ބައްލަވާފައިވާ ތަޢުލީމީ ސެޓުފިކެޓުތަކުގެ ކޮޕީ (ރާއްޖޭގައި ރަޖިސްޓްރީކޮށްގެން ހިންގާ މަތީ ތަޢުލީމުދޭ މަރުކަޒަކުން ހިންގާ ރާއްޖެއިން ބޭރުގެ ޕްރޮގްރާމްތަކުގެ ފެންވަރު ބައްލަވާފައިވާ ސެޓުފިކެޓުތަކާއި، ރާއްޖެއިން ބޭރުގެ މަތީ ތަޢުލީމުދޭ މަރުކަޒަކުން ހިންގާ ރާއްޖެއިން ބޭރުގެ ޕްރޮގްރާމްތަކުގެ ފެންވަރު ބައްލަވާފައިވާ ސެޓުފިކެޓުތައް ނުވަތަ ކޯސް ފުރިހަމަކުރިކަމުގެ ލިޔުމާއެކު ކޯހުން ލިބޭ ސެޓުފިކެޓު ވަކި ފެންވަރެއްގައި ޤަބޫލު ކުރެއްވޭނެކަމަށް މޯލްޑިވްސް ކޮލިފިކޭޝަން އޮތޯރިޓީން ދޫކުރައްވާފައިވާ ލިޔުމުގެ ކޮޕީ)

(ށ) ރާއްޖޭގައި ރަޖިސްޓްރީކޮށްގެން ހިންގާ މަތީ ތަޢުލީމުދޭ މަރުކަޒަކުން ކުރިއަށްގެންދާ ރާއްޖޭގެ ޕްރޮގްރާމްތަކުގެ ސެޓުފިކެޓުތަކުގެ ކޮޕީ.  ނުވަތަ ކޯސް ފުރިހަމަކުރިކަމުގެ ލިޔުމުގެ ކޮޕީ.

(ނ) ސިވިލް ސަރވިސް ޓްރޭނިންގ އިންސްޓިޓިއުޓުން ހިންގަވާ ކޯސްތަކުގެ ސެޓުފިކެޓުތަކުގެ ކޮޕީ.

  1. ފުރިހަމަކޮށްފައިވާ، ކުރު މުއްދަތުގެ ކޯސްތަކާއި ތަމްރީނުތަކުގެ ސެޓުފިކެޓުތަކުގެ ކޮޕީ.
  2. ސިވިލް ސަރވިސްގެ ވަޒީފާއަށް ވަނުމަށް ދެވޭ އިމްތިޙާނުން ފާސްވިކަން އަންގައިދިނުމުގެ ގޮތުން ސިވިލް ސަރވިސް ޓްރޭނިންގ އިންސްޓިޓިއުޓުން ދޫކޮށްފައިވާ ސެޓުފިކެޓުގެ ކޮޕީ.
  3. މަސައްކަތުގެ ތަޖުރިބާ ދެނެގަތުމަށް، މަސައްކަތްކޮށްފައިވާ އިދާރާތަކުން ދޫކޮށްފައިވާ ލިޔުންތަކުގެ ކޮޕީ

(ހ) ސިވިލް ސަރވިސް އިން ބޭރު ވަޒީފާއެއް އަދާކޮށްފައިވާނަމަ، އެ ވަޒީފާއެއް އަދާކުރި މުއްދަތާއި ކުރި މަސައްކަތް ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ށ) އަމިއްލަ ކުންފުންޏެއްގެ ނުވަތަ އަމިއްލަ އިންސްޓިޓިއުޓެއްގެ ނުވަތަ އަމިއްލަ އިދާރާއެއްގައި ވަޒީފާ އަދާކޮށްފައިވާނަމަ ވަޒީފާ އަދާކުރި މުއްދަތާއި ކުރި މަސައްކަތް އަދި މަސައްކަތްކޮށްފައިވާ ތަނުގެ މުވައްޒަފުންގެ އަދަދު ބަޔާންކޮށް އެ އޮފީހަކުން ދޫކޮށްފައިވާ ލިޔުން.

މަޤާމަށް އެދެންވީގޮތާއި ސުންގަޑި:

ވަޒީފާއަށް އެދޭ ފޯމު މިނިސްޓްރީ އޮފް ޓޫރިޒަމްގެ ކައުންޓަރުން ލިބެން ހުންނާނެއެވެ. އަދި މި އިދާރާގެ www.tourism.gov.mv  ވެބްސައިޓުން މި ފޯމު ޑައުންލޯޑުވެސް ކުރެވޭނެއެވެ. މަޤާމަށް އެދި ހުށަހަޅަންޖެހޭ ތަކެތި ހުށަހަޅާނީ 20 ފެބުރުވަރީ 2017 ވާ ހޯމަ ދުވަހުގެ 14:00ގެ ކުރިން، މިނިސްޓްރީ އޮފް ޓޫރިޒަމް (ވެލާނާގެ، 5 ވަނަ ފަންގިފިލާ) އަށެވެ. ވަޒީފާއަށް އެދޭ ފޯމާއި ލިޔުންތައް އީމެއިލް މެދުވެރިކޮށްވެސް އަދި ފެކްސް މެދުވެރިކޮށްވެސް ބަލައި ގަނެވޭނެއެވެ. އީ-މެއިލް އެޑްރެހަކީ،[email protected]  އެވެ. ފެކްސް ނަންބަރަކީ، 3322512 އެވެ. އެޕްލިކޭޝަން ފޯމާއެކު ހުށަހަޅަންޖެހޭ ހުރިހާ ލިޔުންތައް ހުށަހަޅާފައި ނުވާނަމަ އެޕްލިކޭޝަން ބާޠިލުކުރެވޭނެއެވެ.

   

އިންޓަވިއު އާއި ޕްރެކްޓިކަލް އޮންނާނެ ތަނާއި، މުއްދަތު:

 

މި މަޤާމަށް މީހަކު ހޮވުމަށް ބޭއްވޭ އިންޓަވިއު އާއި ޕްރެކްޓިކަލް އޮންނާނީ،  21 ފެބުރުވަރީ 2017  އާއި 01 މާރިޗު 2017 އާ ދެމެދު، މިނިސްޓްރީ އޮފް ޓޫރިޒަމްގައެވެ. ވުމާއެކު، މި ވަޒީފާއަށް ކުރިމަތިލާ ފަރާތްތަކުން، އެ ތާރީޚުތަކުގައި އިންޓަވިއުއާއި ޕްރެކްޓިކަލްއަށް ހާޒިރުވުމަށް ތައްޔާރުވެގެން ތިބުން އެދެމެވެ.

 

ޝޯޓް ލިސްޓްކުރުން:

 

މި ވަޒީފާއަށް އެދި ހުށަހަޅާ، ޝަރުޠު ހަމަވާ ފަރާތްތަކުގެ އަދަދު 10 އަކަށްވުރެ ގިނަނަމަ، ތަޢުލީމީ ފެންވަރާއި ތަޖުރިބާއަށް ބަލައި، ވަޒީފާއަށް ކުރިމަތިލާފައިވާ ފަރާތްތަކުގެ ތެރެއިން އެންމެ މަތިން މާކްސް ލިބޭ 10 ފަރާތް އިންޓަވިއުއަށް ޝޯޓްލިސްޓް ކުރެވޭނެއެވެ. އަދި އިންޓަވިކުރުމަށްފަހު އެންމެ މަތިން މާކްސް ލިބޭ 5 ފަރާތް ޕްރެކްޓިކަލްއަށް ޝޯޓްލިސްޓް ކުރެވޭނެއެވެ.

 

މަޤާމަށް މީހުން ހޮވުމަށް ކަނޑައަޅާފައިވާ ކްރައިޓީރިއާގެ ހުރިހާ ބަޔަކުން އެންމެ ދަށްވެގެން ލިބެންޖެހޭ ޖުމްލަ އިންސައްތަ

މަޤާމަށް މީހުން ހޮވުމަށް ކަނޑައަޅާފައިވާ ކްރައިޓީރިއާގެ ހުރިހާ ބަޔަކުން އެންމެ ދަށްވެގެން ލިބެންޖެހޭ ޖުމްލަ އިންސައްތަ އަކީ %30 އެވެ.

 

އިތުރު މަޢުލޫމާތު ހޯދުން:

މި އިޢުލާނާ ގުޅިގެން މަޢުލޫމާތު ސާފުކުރުމަށް ގުޅާނީ 3022225 ނަންބަރު ފޯނާއެވެ. ފެކްސް ނަންބަރަކީ، 3322512 އެވެ. އީ-މެއިލް ކުރާނީ [email protected] އަށެވެ.

 

 

           15 ޖުމާދަލްއޫލާ 1438ހ.

12 ފެބުރުވަރީ 2017
ހޯދާ