ބާވަތް:

ދިވެހިބަހުގެ އެކެޑެމީގެ ކޮންސަލްޓެންޓް

ބޭނުންވާ އަދަދު:

1

އުޖޫރަ:

މަހަކު -/12،000 (ބާރަ ހާސް) ރުފިޔާ

ވަޒީފާ އަދާކުރަންޖެހޭ ތަން/ ރަށް

ދިވެހިބަހުގެ އެކެޑަމީ/ މާލެ

މަސައްކަތު ގަޑި:

ރަސްމީ މަސައްކަތު ގަޑިތަކުގެ ތެރެއިން އެއްބަސްވެވޭ 6 ގަޑިއިރު

މަސައްކަތު މުއްދަތު:

5 އަހަރު. 

މަޤާމުގެ ޝަރުޠު:

• ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 5 ނުވަތަ 6 ގެ ސަނަދެއް ހާސިލުކޮށްފައިވުން ނުވަތަ ދިވެހިބަހާއި ތާރީޚުގެ ރިސާޗް ކޮށް ފޮތް ލިޔުމުގެ ދާއިރާގައި މަދުވެގެން 15 އަހަރު ދުވަހުގެ ތަޖުރިބާ ލިބިފައިވުމާއެކު މި ދާއިރާގެ ރޮނގުތަކުން ދިރާސާތަކެއްހަދައި އެ ދިރާސާތައް ޝާއިޢުކޮށްފައިވުން.   
• ބޭރުގެ ރިސާޗަރުންނާއެކު މަސައްކަތްކޮށްފައިވާ ފަރާތެއް ކަމުގައިވުން.
• ދިވެހިބަހާއި ދިވެހިތާރީޚާއި ސަގާފަތާ ބެހޭ މަޢުލޫމާތު އެކިއެކި ފޯރަމްތަކުގައި ފަރިތަކަމާއެކު އިނގިރޭސިބަހުންނާއި ދިވެހިބަހުން ހާމަކޮށްދެވޭ ފަރާތެއްކަމުގައިވުން.        

މަޤާމުގެ މަސްއޫލިއްޔަތު:

• ދިވެހިބަސް، ދިވެހި ތާރީޚު، ދިވެހީންގެ ސަގާފަތް، މިދާއިރާތަކުން އެކެޑަމީއަށް ބޭނުންވާ ޢިލްމީ ލަފާދިނުން.
• ދިވެހިބަހާއި ތާރީޚާއި ސަގާފަތުގެ ދާއިރާއިން ހޮވާލެވޭ ދާއިރާތަކަށް އަހަރުތެރޭ މަދުވެގެން 3 ފަހަރެއްގެ މަތީން މަޢުލޫމާތު ދިނުމުގެ ގޮތުން ތަގުރީރު ކުރުން.
• ދިވެހިބަހާއި ތާރީޚާއި ސަގާފަތުގެ ދާއިރާތަކުގެ މަޢުލޫމާތު އެކެޑަމީން ހޯދަން ބޭނުންވާ ފަރާތްތަކަށް އެ މަޢުލޫމާތު ފޯރުކޮށްދިނުން.
• ފަތްތޫރަ މަޖައްލާއަށް އެކިފަރާތްތަކުން ފޮނުވާ ބަހާއި ތާރީޚާއި ސަގާފަތާ ބެހޭ ލިޔުންތަކުގެ ސައްހަކަން ބަލައިދިނުން.
• މަހަކު އެއްފަހަރު ނެރޭ ފަތްތޫރަ މަޖައްލާގައި ހިމެނުމަށް މަދުވެގެން 1 އާޓިކަލް ތައްޔާރުކުރުން.
• ދިވެހިބަހާއި ތާރީޚާއި ސަގާފަތުގެ ދާއިރާއިން ހޮވައިލެވޭ ދާއިރާއަކުން މަދުވެގެން 150 ޞަފްޙާގެ 1 ފޮތް ލިޔެ ތައްޔާރުކުރުން.
• މުސްކުޅި ބަސްފޮތް ތައްޔާރުކުރުމުގައި ޢިލްމީ އެހީތެރިކަން ދިނުން.
• ދިވެހި ތާރީޚާއި މައުނަވީ ތަރިކައާ ދިވެހިން އަހުލުވެރިކުރުވުމުގެ މަސައްކަތްކުރުން.
• ލޯމާފާނެއް ތަރުޖަމާކުރުން.
• މަދަރުސާ ކުދިން ދިވެހި ތާރީޚަށް އަހުލުވެރިކުރުވައި ޝައުޤުވެރިކުރުވުމަށްޓަކައި ދިވެހި ތާރީޚީ ލުއިފޮތްތައް އެކުލަވައިލައި ލިޔުން.

ހުށަހަޅަންޖެހޭ ލިޔުންތައް:

• ވަޒީފާއަށް އެދި ހުށަހަޅާ ސިޓީ.
• ލިބިފައިވާ ތަޢުލީމާއި ތަމްރީނު ދެނެގަތުމަށް ބޭނުންވާ ލިޔުންތައް. (މޯލްޑިސްވް ކޮލިފިކޭޝަން އޮތޯރިޓީން ފެންވަރު ބަލައި، ތައްގަނޑު ޖަހައިފައިވާ ލިޔުމުގެ ކޮޕީ، އަސްލާއި އެއްގޮތްކަމުގެ ލިޔުމެއްކަން އަންގައިދޭ ތައްގަނޑު ޖަހައިފައި).
• ދިވެހިރައްޔިތެއްކަން އަންގައިދޭ ކާޑުގެ ސާފު ކޮޕީ (އަސްލާ އެއްގޮތްކަމުގެ ލިޔުމެއްކަން އަންގައިދޭ ތައްގަނޑު ޖަހައިފައި).
• ވަޒީފާއަށް ކުރިމަތިލާ ފަރާތުގެ ވަނަވަރު (ގުޅޭނެ ނަންބަރާއި އީމެއިލް އެޑްރެހާއެކު) 

ސިޓީ ފޮނުވަންވީ ސުންގަޑި:

2015 ޖުލައި 22 ވާ ބުދަ ދުވަހުގެ މެންދުރުފަހުގެ 2:30  

ސިޓީ ފޮނުވަންވީ ތަން:

ދިވެހިބަހުގެ އެކެޑަމީ، ހ. ސޯސަންގެ، މާލެ

އިތުރު މަޢުލޫމާތު:

• މި އިޢުލާނާ ގުޅިގެން މަޢުލޫމާތު ސާފުކުރުމަށް ގުޅާނީ 3345299 ނުވަތަ 3345297 ނަންބަރު ފޯނާ އެވެ.
• މި މަޤާމަށް އެދި ކުރިމަތިލާ މީހުންގެ ތެރެއިން މީހަކު ހޮވުމަށް ބާއްވާ ބަސްދީގަތުން އޮންނާނީ، މި އިޢުލާނުގެ މުއްދަތު ހަމަވާތާ ހަފުތާއެއްގެ ފަހުންނެވެ. ބަސްދީގަތުން އޮންނާނީ ދިވެހިބަހުގެ އެކެޑަމީ ގައެވެ.