ދިވެހިރާއްޖެ
ބްރޯޑްކާސްޓްކުރުމުގެ ޤާނޫނުގެ 30ވަނަ މާއްދާގެ (ނ)ގައި އަދި ބްރޯޑްކާސްޓްކުރުމުގެ ގަވައިދުގެ 14ވަނަ މާއްދާގެ (ށ)ގެ 3ގައި، ބްރޯޑްކާސްޓްކުރަން ފެށުމަށް ކަނޑައަޅާފައިވާ ތާރީޚުން ފެށިގެން 12 (ބާރަ) މަސްދުވަހުގެ ތެރޭގައި ބްރޯޑްކާސްޓްކުރަން ފަށައިފައި ނުވާނަމަ ލައިސަންސް ބާޠިލުވާނެކަން ބަޔާންކޮށްފައިވާތީއާއި މި ކޮމިޝަނުން ލައިސަންސް ދޫކުރާ ތާރީޚުން ފެށިގެން 12 މަސް ހަމަވާ ތާރީޚަކީ ޚިދުމަތް ފެށުމަށް ކަނޑައަޅާ ތާރީޚުކަމަށާއި އަދި މީގެ އިތުރަށް ހިނގާ 12 މަސްދުވަހުގެ ފަހުން ބްރޯޑްކާސްޓްކުރަން ފަށާފައިނުވާނަމަ ލައިސަންސް ބާޠިލުވާނެކަން މި ކޮމިޝަނުގެ ނަމްބަރު. IUL)427-LCM/PRIV/2013/6) (21 ފެބުރަވަރީ 2013) އިޢުލާނުން ކަނޑައަޅާފައިވާތީ، ޤާނޫނާ އެއްގޮތްވާގޮތުގެ މަތީން ތިރީގައި ބަޔާންކޮށްފައިވާ ޗެނަލުން ބްރޯޑްކާސްޓްކުރަން ފަށާފައިނުވާތީ، އެ ޗެނެލްގެ ވެރިފަރާތަށް ދޫކޮށްފައިވާ ލައިސަންސް ބާޠިލުވެފައިވާކަން އާންމުކޮށް އަންގައި އިޢުލާންކުރަމެވެ.
|
ޗެނެލްގެ ނަން: ދިވެހި ޓީވީ ލައިސަންސް ދޫކޮށްފައިވާ ކުންފުނި: މޯލްޑިވްސް ބްރޯޑްކާސްޓިންގ ކޯޕަރޭޝަންލައިސަންސް ނަންބަރު: 427-LCM/PSB(TV)/2012/18 ލައިސަންދޫކޮށްފައިވާ ތާރީޚު: 03 ޖޫން 2012 ބްރޯޑްކާސްޓްކުރަން ފެށުމަށް ކޮމިޝަނުން ކަނޑައަޅާފައިވާ ތާރީޚު: 02 ޖޫން 2013 ބްރޯޑްކާސްޓްކުރަން ފަށާފައި ނުވުމުގެ ސަބަބުން ލައިސަންސް ބާޠިލުވާ ތާރީޚު: 02 ޖޫން 2014 |
11 ޝަޢުބާން 1435
