ސަރުކާރުގެ ގެދޮރުވެރިކުރުވުމުގެ ޕްރޮގްރާމުގެ ދަށުން ފުވައްމުލަކުގައި ޢިމާރާތްކޮށްފައިވާ 200 ފްލެޓުގެ ތެރެއިން A ކެޓަގަރީގެ ދަށުން ފުވައްމުލަކު ރައްޔިތުންނަށް ޚާއްޞަ ކުރެވިފައިވާ 35 (ތިރީސްފަސް) ފްލެޓާއި B ކެޓަގަރީގެ ދަށުން ފުވައްމުލަކަށް ދިރިއުޅުން ބަދަލުކުރަން ބޭނުންވާ ފަރާތްތަކަށް ޚާއްޞަ ކުރެވިފައިވާ 5 (ފަހެއް) ފްލެޓަށް އެދި ފޯމް ހުށަހެޅުމުގެ ފުރުޞަތު 2019 ސެޕްޓެމްބަރ 24 ވާ އަންގާރަ ދުވަހުން ފެށިގެން 2019 އޮކްޓޯބަރ 23 ވާ ބުދަ ދުވަހުގެ 14:00 އަށް ހުޅުވާލަމެވެ. 

ފްލެޓަށް އެދިލައްވާ ފަރާތްތަކަށް ފޯމް ދޫކުރުމާއި ފޯމް ބަލައިގަތުން ކުރިޔަށްދާނީ ބަންދުނޫން ކޮންމެ ދުވަހެއްގެ ރަސްމީ ގަޑީގައި މިއިދާރާއިންނެވެ. (ކުރީގެ ރަށުއޮފީސް ޢިމާރާތް)

ފޯމާއެކު ހުށަހަޅަންޖެހޭ ތަކެތި ހަމަނުވާ ފޯމުތަކާއި މަޢުލޫމާތު ފުރިހަމަނުވާ ފޯމު ބަލައިނުގަންނާނެ ވާހަކަ ދަންނަވަމެވެ.